Heidelberg Catechism 48 thero
Transcription
Heidelberg Catechism 48 thero
Thapelo ya mmuso o se na go bosodi Thero mo Thapelo ya Morena (Heidelberg Catechism 48) Palo ya Beibele: Mateo 13:25-52 Timanathero: Heidelberg Catechism 48 Dumelang basemane le basetsana, ana le na le karolo yeo e bitswago Geography sekolong? Mo Geography re a ithuta ka mebuso ye e fapanego yo e lego mo lefaseng. O tlile go ithuta gore o hwetsa kae naga ya geno ya Afrika Borwa mo mmepeng wa lefase, goba mmuso wa Lesotho, goba mmuso o kopanego (Great Britain), goba mmuso wa Netherlands, bj. bj. Ana o tseba mo o ka hwetsago mmuso wa Modimo mo mmepeng wa lefase? Ka nnete o ka se kgone go hwetsa naga yeo mo mmepeng wa lefase. Ana se se ra gore mmuso wa Modimo ga o gona. Aowa, ga go bjalo. Go bolela nnete, mmuso wa Modimo o akaretsa dinaga ka moka tseo di lego mo lefaseng. Le ga go le bjalo ka maswabi go na le batho ba bantsi mo lefaseng bao ba sa kgonego go bona mmuso wa Modimo. Ba bona bo kaone e le go theetsa Sathane, le go itlhokomologa Lentsu la Modimo yo a phelago, Kgosi ya legodimo le lefase. Gomme bjale go a hlokega gore re rapele re re: mmuso wa gago a o tle. Tabataba: Thapelo ya mmuso o se na go bosodi 1. Ke thapelo yeo e tletsego tirelo go Kgosi. Kgopelo ya bobedi mo thapelong ya Morena e bolela ka mmuso wa Modimo. Mo Beibeleng ga re humane lentsu la maleba la mmuso. Lebkaa la se ke gore bokgethwa le bogolo bja mmuso ke tse kgolo ka mo re ka naganago ka gona. Le ga go le bjalo, mmuso wa Modimo wa hlaloswa mo Beibeleng ge go bolelwa mabapi le ditshwantsho. Mmuso wa Modimo o bjalo ka thoro ya peu. Goba o bjalo ka komelo yeo mosadi a e hlakantshago le flouro yentsi go fihlelela ge di kopana go dira senkgwa. O bjalo ka lehuma leo le fihlilwego mo lebaleng. O bjalo ka mokerikisi yo a tsomago diphele tse botse. O bjalo ka nete yeo e tlogetswego go ya fase go swara mehuta ka moka ya dihlapi. O bjalo ka monna yo a bjalago peu ye botse mo tshemong. Ge re lebelela lentsu le mmuso, bjalo ka ge le somiswa mo Beibeleng, ga re a swanela sa mathomo go gopola ka lefelo, goba naga, empa re swanetse go gopola ka maatla a kgosi. Bogosi bja gagwe. Se ke seo Katekesema e se bolelago mo Sontageng sa 48: ‘re buse ka Lentsu le Moya gore nako le nako re go obamele, fedisa mediro ya Diabolo, maatla ka moka ao a tsogago kgahlanong le Wena.’ Mo re bolela ka kgolagano magareng ga kgosi le batho ba gagwe. Re rapela gore go fetisa le go fetisa re be bjalo ka batho ba gagwe. Seo se ra gore go obamela kgosi, gomme re kgopela kgosi ya rena ya legodimong gore lokisetsa re gore nea maatla mo ntweng kgahlanong le lenaba la gagwe le la rena. Beibele e re bula mahlo gore re kgona go lemoga gore re sa le mo ntweng. Ntwa e bolela ka ga go tla ga mmuso wa Modimo. Go na le maatla ao a phelago a lego kgahlanong le mmuso wa gagwe. Ntwa ye e ra gore re hlokofatswe le rena. Ana o ikemisiditse go latela Jesu? Ga go le bjalo o swanetse go tsea sefapano sa gago o molatele. Ka tsela ye o tlile go lwa kgahlanong le bowena. Gobane motho wa kgale yo a lego go wena ga se a ikemisetse go obamela Kgosi. Gomme, Jesu o re, o swanetse go lwa le motho e motala yo a lego go wena yo mobi. ‘Ge leihlo la gago le go dirisa sebe, le ntshe o le lahle. Go kaone ge o tsena mussong wa Modimo ka leihlo le tee, le gore o be le mahlo a mabedi gomme wa lahlelwa diheleng.’ (Mareka 9:47) Gomme go bao ba ratago tshelete kudu Jesu o re: go boima ge mohumi a ka tsena mmusong wa Modimo’ (Mareka 10:23) Go ga telela taba ya tshokologo, Jesu o re mo Johane 3:3: ‘Ruri ruri ke a go botsa: ga go eo a ka bonago mmuso wa Modimo ge a sa tswalwe lefsa.’ Manaba a rena ke a mararo: la mathomo ke Diabolo. La bobedi ke lefase la sebe leo le se nago Modimo. Gomme la boraro ke nama ya rena ya sebe. Re swanetse go tswela pele go lwa le manaba a letsatsi le letsatsi. Ga re sa dire bjalo re tlile go lahla mmuso wa Modimo. Ana bjale o lemoga bohlokwa bja kgopelo ye? Ge re rapela: mmuso wa gago a o tle, re kgopela thuso ya Modimo, ge re lwa le manaba a rena. Ge re rapela: mmuso wa gago a o tle, re dumela gore ka borena re ka se kgone gomme re hloka thuso ya gagwe. Ge re rapela: mmuso wa gago a o tle, re ipea ka tlase ga mmuso wa gagwe, gomme re kgopela gore o tlile go tswela pele go bea maphelo a rena ka tlase ga mmuso wa gagwe. O ke molaetsa wa ntlha ya rena ya mathomo mo therong. Kgopelo ye: mmuso wa gago a o tle ke thapelo yeo e tletsego go obamelo Kgosi. Ke thapelo yeo mo maphelong a rena re tlilego go tswela pele go obamela Kgosi ya legodimo mo dilong tsohle. 2. Ke thapelo ya tshireletso ya kereke. Ana o tseba gore kereke ke eng? Kereke ke mathomo a mmuso wa Modimo mo lefaseng. Kereke ke lefelo leo mmuso wa Modimo o golago ka gona mo lefaseng. Ge o le setho sa kereke seo se phelago, o tsea karolo mogotleng ga mmuso wa Modimo mo lefaseng. Paulo ge a bolela ka se mo dithong tsa phuthego ya BaKolose, o re: ‘Jafeta le badiri ka yena ba somela mmuso wa Modimo (Bakolosi 4:11). Gomme bjalo ka setho sa phuthego o ka tseo karolo mogotleng ga mmuso wa Modimo o tletsego mo lefaseng. Ka letsogo le lengwe ke maswabe gore go na le batho bao mo lefaseng ba lekago go thibela go tla ga mmuso wa Modimo. Mohlala: BaPharisei. Jesu ge a bolela ka bona, o re: ‘Le ba madimabe lena, bamolao le baFarisei, lena baikaketse. Le thibela batho mmuso wa Modimo...’ (Mateo 23:13) Gomme ge re rapela: re re mmuso wa gago a o tle ka mantsu a re rapela gore Modimo a siriletse kereke. Gobane ke ka kereke mo Modimo a phatlaletsago mmuso wa gagwe lefaseng. Ga re rapeleng gore Modimo o tlile go siriletsa kereke ya gagwe mo Soshanguve. Gobane ge o le mo ka tshepo ya ka le ditho tse phelago, re lemoga gore re ka se kgona go siriletsa kereke kaglanong le Sathane ka borena. Ke lebaka le re itshepetse go Morena wa rena Jesu Kriste. Ke ka lebaka la tshireletso ya gagwe ya go se fele le ditshogofatso gore le kgona go tswela pele re itekanetse re thabile gomme kereke a gola. 3. Ke thapelo ya go fedisa bonganga Mo gohle mo mmuso wa Modimo o tlago, Sathane o swanetse go boela morago. Le ga go le bjalo Sathane ga a nyake go laetsa go boela morago gomme rena ka moka ge re na le nnete mo go rena, re swanetse go amogela gore Diabolo o rata go tsea karolo ya maphelo a rena a e bea go yena. Moyamokgethwa o leka go hlwekisa maphelo a rena go fetisa le go fetisa o bolaya ka moka dithiro tsa sebe: mantsu, mediro, le dikakanyo. Empa Sathane le yena o a soma. O leka go swara mapelo a rena go yena. O dira bjalo ka go leka gore phedisa ka gare ga sebe. O dira bjalo ka go hlola lehloyo le go se tshepane magareng ga batho. O dira bjalo ka go leka go tsea mokgwa wa lerato go rena. Bjale hlokomele! O se ke wa nyatsa Sathane. O se ke wa nyatsa sebe. O se ke wa nagana gore o tla kgona ka bowena. E tla go Jesu Kriste, gobane mo Golgotha o fentse ntwa kgahlanong le Sathane. Go o dula le Kriste, o tlile go fenya mo go le Yena! Go o dula le Kriste letsatsi le letsatsi, Sathane a ka se kgone go go gogela go yena. Gobane Sathane a ka se kgone go dire seo a sa ratago. Gobane Golgotha ke serapa sa Kriste. Go o le wa Jesu Kriste o bolokegile! Amen.