NST64-0629 Modimo Yo Maatla O Apotšwe Pele Ga Rena VGR

Transcription

MODIMO YO MAATLA O
A POTŠWE PELE GA R ENA
 Ke na le Mangwalo a se makae a a ngwadilwego fase,
ao ke nyakago go bolela le lena go tšwa go wona, gomme ke a
tshepha gore Modimo o tla šegofatša maitapišo a rena a go fokola.
2
Bjale, batho ba bantši ba maketše gore ke ka baka la eng re le
ba go se tlwaelege le ba lešata kudu. Le a tseba, ye ke ya mokgwa
wa go fapana mohuta wa—wa kopano go feta yeo batho ba—ba
tlwaetšego go e bona. Gomme, ka tlwaelo, selo se sengwe le se
sengwe se ka mokgwa wa sebopego sa go ripa le go omiša. Eupša
ge re etla go dikopano tše, tšeo e bilego mongetla wa ka bjale
lebaka la mengwaga ye mmalwa go tloga mola la mathomo di
thongwago, gomme ga re no tseba seo re yago go se dira. Re no tla
gomme ra ineela ka borena. Seo ke selo se nnoši seo re tsebago go
se dira. Gomme Modimo o dira ka moka ga yona. Ka fao seo se re
dira batho ba ba dirago ka mokgwa wa go se tlwaelege.
3
Letšatši le lengwe, yo mongwe o rile, “O a tseba, lena batho
ka nnete le dipolo tša go se tlwaelege.”
Ka re, “Go lokile, ke—ke nagana gore re tšona.”
4
Gomme ke elelwa ye nngwe ya dikopano. Ngwanešu Troy
o be a mpotša nako ye nngwe ka Mojeremane yo monnyane yo
a go bolela gore o amogetše kolobetšo ya Moya wo Mokgethwa.
Gomme letšatši le le latelago, ka kgwebong fao a bego a
šoma, o be a emiša diatla gomme a tumiša Morena, gomme a
bolela ka maleme gomme a no tšwela pele, semaka. Gomme
mafelelong, mookamedi a tla kgauswi gomme a re, “Heini,
molato ke eng ka wena?”
5
A re, “Oo, ke phološitšwe.” A re, “Pelo ya ka e tletše wa go
falala ka thabo.”
6
A re, “Go lokile, o swanetše go ba o be o le tlase le
sehlopha sa dinnate tlase kua.”
7
A re, “Eye. Letago go Modimo!” A re, “Leboga Morena ka
dinnate.” A re—a re, “Tšea sefatanaga, se etla go theoga tsela.”
A re, “Tšea ka moka dinnate go tloga go sona, ga o na le selo
eupša mokgobo wa ‘dikgerekgere.’” Gomme seo e no ba…E
no ba goba therešo, le a tseba.
8
Letšatši le lengwe, ka California, ke be ke eya go theoga
diterata tša Los Angeles, gomme ka bona monna yo a bego a na
le leswao godimo ga sefega sa gagwe, le fa. Gomme a re, “Ke
nna setlaela sa Kriste.” Gomme yo mongwe le yo mongwe o be
a mo lebeletše. Gomme ka ba ela hloko ba retologa go dikologa
2
L EN TŠU L EO L E BOL ETŠW EGO
gomme ba lebelela, ka morago ga ge a fetile. Gomme ka gopola
gore ke tla latela ba bangwe ka moka. Gomme godimo…
magetla a gagwe, a re, “Wena o setlaela sa mang?” Ya. Ke
nagana gore ka moka re mohuta wa go se tlwaelege, yo motee
go yo mongwe, le a tseba.
9
Eupša, le a tseba, lefase le tla mo le hlagalago, go fihla ge
selo se sengwe sa go fapana se le dira la go se tlwaelege, go fihla
ge batho ba nagana gore selo se se itšego se fošagetše. Gomme ka
mehla Modimo o swanetše go dira selo se sengwe seo e sego sa
mehleng, go bušetša batho morago go Beibele gape.
10
Ke kgona go eleletša gore Noage e be e le mohuta wa—wa
nnate, go lefase leo la bosaentshe le a bego a phela ka go
lona, ka baka la gore ba be ba kgona go netefatša gore fao go
be go se meetse magodimong. Eupša Modimo o ile a re fao go
tla ba a mangwe fao. Ka fao, Noage, ge a rera a dumela seo, o
ile a ba nnate.
11
Ke eleletša gore ge Moshe a eya tlase ka Egepeta, o be a le
mohuta wa—wa nnate, go Farao. Eupša elelwang, Farao o be a
le nnate, go yena, le yena. Ka fao ba…Re lemoga seo.
12
Le Jesu o be a tšewa go ba lehlanya. Seo ke therešo. Martin
Luther o be a le nnate, go kereke ya Katoliki. Gomme John
Wesley o be a le nnate, go Moanglican. Ka fao, le a tseba, e ka—e
ka ba nako ya nnate ye nngwe. A ga le nagane bjalo? [Phuthego e
re, “Amene.”—Mor.] Eupša, pele go ka ba le nnate, le a tseba, fao
go swanetše go ba le pouto, pele, go kurufela go yona.
13
Ka fao, le a tseba, Noage, e le nnate, o…Go tšea nnate,
e goga pouto, e gogela selo se sengwe mmogo, gomme e
swara selo se sengwe mmogo. Ka fao, Noage o be a kgona go
gogela ka moka bao ba bego ba dumela, ka arekeng, go tšwa
dikahlolong, ka go ba nnate.
14
Re a hwetša, gore, Moshe o ile a gogela kereke ka ntle ga
Egepeta, ka go ba nnate. Seo ke therešo.
15
Ke nagana gore re nyaka nnate bjale, go gogela Monyalwa
ka ntle ga kereke. Re nyaka selo se sengwe bjale, yo mongwe
yo motee, ka fao ke rena mohuta wa go se tlwaelege wa batho.
Gomme ka gopola, bošegong bjo, ge Morena a be a rata, ke be
ke tla leka go bala Mangwalo a mangwe ao a lebanego le se,
gomme ke bolele le lena dinakwana di se kae feela, gomme ke
leke go le laetša gore ke ka lebaka la eng re le batho bao ba
sego ba tlwaelega.
16
A re phetleng ka Mangwalong bjale, go Bafilipi ya 2 tema,
1-8, le Babobedi Bakorinthe 3:6. Gomme a re baleng, bjalo ka
ge re dumela Lentšu la Modimo.
17
Gomme bjale, feela pele re bala, a re kobamišeng dihlogo
tša rena go rapela.
18
Tate wa Legodimong wa Kgaugelo, ka nnete re batho ba
ba nago le mongetla, bošegong bjo, go ba re phela ka lebakeng
MODIMO YO MAATLA O APOTŠWE PELE GA RENA
3
le, gomme le go bona dilo tše re di bonago di eya pele, gomme
re a tseba gore nako e kgauswi le go batamela, ge Jesu a tla
tlela Kereke ya Gagwe. Oo, seo se thabiša dipelo tša rena,
Morena! Gomme ge re gogela matlakala morago, bošegong bjo,
re a rapela gore O tla re fa kgwekgwe ya tema ye. Gomme a
nke Moya wo Mokgethwa o utolle go dipelo tša rena dilo tše
e tla bago tše botse le tše di thabišago Modimo. Ka gore re se
kgopela go la Jesu Leina. Amene.
19
Le a tseba, ke a dumela ke tla le kgopela go dira selo se
sengwe. Ke—ke fele ka mehla ke kgopela dilo tše di sego tša
tlwaelega, gomme ke a holofela ga ke kgopele selo se se itšego
seo se sego sa tlwaelega kudu. Eupša ge re ena le go botega go
folaga, ka moka re a emelela. Gomme—gomme folaga e a feta,
re a emelela; e lego gore, re swanetše. Gomme re a emelela,
go tamiša. A re nong go emelela ka maoto a rena ge re bala
Lentšu, ge le ka dira, Babobedi Bakorinthe 3:6.
Yo…o re dirile badiredi ba go kgona ba kgwerano
ye mpsha; e sego ba ya tlhaka, eupša ya moya: ka gore
tlhaka e a bolaya, eupša moya o fa bophelo.
Eupša ge—eupša ge bodiredi bja lehu, bo ngwadilwe
gomme bja tlokwa godimo maswikeng, bo be bo na le
letago, gore bana ba Israele ba seke ba kgona go bogela
sefahlego sa Moshe ka go tsepelela ka baka la letago la
sefahlego sa gagwe; letago le le bego le etla go fela:
Bodiredi bja moya a bo ka se be bjang bja letago?
Ka gore ge bodiredi bja kahlolo e le bja letago, ka
mokgwa go fetiša bodiredi bja toko bo tla ba le letago
la go fetiša.
Ka gore se se bego se dirilwe go ba sa letago ga se na
le letago ka go le, ka mabaka a letago le le phadišago.
Ka gore ge se se felago se na le letago, ga kae…goba
sa go tla go dula se tla ba le letago le kakang ka go
fetiša.
Ka go bona gona gore re na le kholofelo ye bjalo, re
šomiša polelo ya molaleng kudu.
Gomme e sego bjalo ka Moshe, yo a bego a bea seširo
godimo ga sefahlego sa gagwe, gore bana ba Israele
ba seke ba kgona go lebelela ka go tsepelela go ya
mafelelong a seo se bego se tlilego sa fedišwa:
Eupša menagano ya bona e be e foufaditšwe: ka gore
go fihla letšatši le seširo se se swanago se sa dutše se se
sa tlošwa ge go balwa tastamente ye tala; seo seširo se
fedišwa ka go Kriste.
Eupša le go fihla letšatši le, ge Moshe a balwa, seširo
se godimo ga pelo tša bona.
4
Go le bjalo ge e tla sokologela go Morena, seširo se
tla tšewa go tlošwa. E sego…
Bjale Morena ke Moya woo: gomme mo go lego Moya
wa Morena, ka fao go na le tokologo.
Eupša rena ka moka, ka difahlego tše di bulegilego
re bogela letago la Morena bjalo ka seiponeng, re
fetolelwa ka go seswantšho se se swanago go tloga
letagong go ya letagong, le ge e le ka Moya wa Morena.
20
Gomme ka go Bafilipi 2, re bala se, re thoma ka ya 1,
gomme re a bala go fihla go 8 temana.
Ge—ge fao ka gona go ka ba le kgothatšo ye e itšego
ka go Kriste, ge go na le khomotšo ye e itšego ya
lerato,…kopanelo ye e itšego ya Moya, ge e ka ba
pelonolo ye e itšego ya mogau,
Tlatšang thabo ya ka, gore le be ba kgopolo ye e
swanago, le na le lerato le le swanago, le le ba kwano
ye tee, le kgopolo e tee.
Le seke la dira selo ka kgang goba go nyaka letago
la lefeela; eupša ka go ipoetša ga kgopolo gomme anke
yo mongwe le yo mongwe a tšee ba bangwe go ba ba
bakaonekaone go feta bona beng.
Motho yo mongwe le yo mongwe a seke a lebelela
dilo tša gagwe mong, eupša motho yo mongwe le yo
mongwe gape go…dilo tša ba bangwe.
A nke kgopolo ye e lego ka go lena, e be gape ye e
bego e le ka go Kriste Jesu:
Yo, a le ka lebopo la Modimo, seke a gopola gore ke
go thopa go lekana le Modimo:
Eupša a itira ka boyena go ba yo e sego motsebalegi,
gomme a itšeela godimo ga gagwe lebopo la mohlanka,
gomme a dirwa ka seswantšho sa batho:
Gomme a hwetšwa a le ka lebopo la motho, a
ikokobetša ka boyena, gomme a ba yo a kwago go iša
lehung, lehung la sefapano.
21
A re rapeleng.
22
Tate wa Legodimong, Lentšu le legolo le le badilwego,
bošegong bjo, go tšwa go Sengwalwa sa Gago se Sekgethwa,
Le dire go ba la nnete kudu dipelong tša rena, gore re tla tloga
go tšwa fa go swana le bale ba bego ba eya go tšwa Emmaus,
re re, “A dipelo tša rena ga se tšake tša swa ka gare ga rena ge
A be a bolela le rena tseleng?” Ka gore re se kgopela ka la Jesu
Leina. Amene.
Le ka tšea madulo.
23
Bjale, ye ke tema ye e sego ya tlwaelega, eupša ke a dumela
e swanetše moletlo kudu. Ke be ke nyaka go bolela ka thuto ya:
Modimo Yo Maatla O Apotšwe Pele Ga Rena.
5
Bjale, go tloga fale go bago le motho, fao go be go le tlala ka
pelong ya motho, go hwetša: fao a tšwago gona; le gore lebaka la
gagwe la go ba fa ke eng; le gore o ya kae. Fao go na le yo Motee
feela a ka kgonago go araba yeo, ke yo Motee Yo a mo tlišitšego
fa. Gomme motho ka mehla o be a nyaka go bona Modimo.
25
Morago ka go Tastamente ye Tala, re hwetša gore Modimo
o ile a ikhupetša ka Boyena go ba ba sa dumelego. Modimo o
na le tsela ya go se tlwaelege kudu ya go šogana le batho. O
ikuta ka Boyena go ba ba sa dumelego gomme a ikutolla ka
Boyena go modumedi. Modimo o dira seo. Jesu o lebogile Tate,
gore, “Gore o utile dilo tše go ba bohlale le ba tlhaologanyo,
gomme o tla E utolla go masea ao a tlago go ithuta.” Ka fao,
re hwetša gore Modimo ga a ke a fetoga, ka tlhatlogong ya
Gagwe, gomme ka mehla O dira mošomo wa Gagwe ka go
swana. Re hwetša gore, ka go Maleaki 3, gore O rile, “Ke nna
Modimo, gomme ga ke fetoge.” Ka fao, O šoma ka mokgwa wo
o swanago, nako ka moka.
26
Bjale re tšea ye tee ya dipuku tša kgalekgalekgale tša
Beibele. Ge Jobo, yo motee wa banna ba go loka kudukudukudu
ba letšatši la gagwe, monna wa go phethagala ka melaong ya
Modimo, mohlanka, mohlomphegi, modiredi wa go hlomphega,
ebile go fihla Modimo a rile, “Fao ga go na le yo a swanago le
yena, lefaseng.” Eupša…tumo ya gagwe, nako ye nngwe, go
bona Modimo. O be a tseba gore fao go be go le Modimo, gomme
o ile a ikwela gore o be a nyaka go Mmona, goba, go sego bjalo, a
ye ntlong ya Gagwe gomme a kokote lemating, gomme a re, “Ke
nyaka go bolela le Wena.” A dule fase, a bolele le Yena, bjalo ka
ge re ka dira mongwe go yo mongwe.
27
Re na le kwišišo. Ke ka baka leo re lego ka dikopanong
tše, fao re tlago mmogo gomme—gomme ra hlagiša dikgopolo
tša rena. Gomme—gomme re a kwišišana yo motee go yo
mongwe, bokaonekaone, ge re bolela go fetša dilo mongwe go
yo mongwe. Gomme badiredi ba dira seo. Batho ka moka ba
mesepelo ya bophelo ba dira seo, ba bolela go fetša dilo.
28
Gomme, Jobo, Modimo e be e le wa nnete kudu go yena,
o be a nyaka go hwetša ge e ba o be a ka se kgone go ya,
a kokote lemating la Gagwe, gomme—gomme a be le—le
poledišanopotšišo le Yena.
29
Eupša re hwetša gore Modimo o ile a bolela le yena, eupša O
be a khupeditšwe. O be a khupeditšwe ka sebopego sa sesaesedi.
Gomme O boditše Jobo go itlema matheka; O be a eya go
bolela le yena, bjalo ka monna. Gomme O ile a tla fase ka gare
ga sesaesedi gomme—gomme a bolela le Jobo. Gomme O ile a
dirwa go tsebja go Jobo ka sesaesedi, go le bjalo ga se a Mmona
tlwa. O be a no kgona go kwa phefo e tšutla gomme e retologa
go dikologa, ka mehlareng. Gomme Lentšu le be le etšwa go
sesaesedi, eupša Modimo o be a khupeditšwe ka go sesaesedi.
24
6
Re a hwetša, tlase ka Afrika, Afrika Borwa, ba šomiša
lentšu amoyah, leo le rago gore, “maatla ao a sa bonwego.”
31
Gomme Maatla a a sa bonwego, ka gare ga se sesaesedi,
a be a na le Lentšu le le kwalago. Le boletše ntle go Jobo,
eupša ga se ake a bona sebopego sa Gagwe. Eupša O be a
khupeditšwe, go yena, ke sesaesedi.
32
Re hwetša yo motee wa baporofeta ba bagolo ka Beibeleng,
Moshe, wa Tastamente ye Tala, yo motee wa bakgethiwa ba
Modimo, yo a hlaotšwego, a kgethelwapele bahlanka, le yena o
be a duma go Mmona. O be a le kgauswi le Yena kudu, gomme
o bone dilo tše ntši kudu tša seatla sa Gagwe se segolo sa go se
kwišešege di eya pele ga gagwe gomme se dira dilo tšeo Modimo
a nnoši a ka kgonago go di dira. O ile a duma go Mmona letšatši
le lengwe, gomme Modimo a mmotša, “Eya, o eme letlapeng.”
33
Gomme ge a sa eme letlapeng, Moshe a Mmona a feta. A
bona magetla a Gagwe. Gomme a re, “A be a lebelelega bjalo
ka monna, magetla a monna.” Eupša, ga se a bona Modimo. O
bone feela seširo sa Modimo.
34
Beibele e rile, “Ga go motho yo a kilego a bona
Modimo nako efe kapa efe, eupša Morwamotswalwanoši
wa Tate a nnoši O mo tsebišitše.” Ka fao, Moshe o Mmone,
a khupeditšwe, bjalo ka Monna. Re hwetša gore Jehofa wa
Tastamente ye Tala e be e no ba Jesu wa Tastamente ye Mpsha.
35
Gomme—gomme Ngaka Scofield fa, re hwetša gore, lentšu
la gagwe, go fetoga go tšwa go “sebopego.” Re hwetša lentšu
en morphe, ka Segerika, leo le rago gore “se se sa bonwego se
dirilwe gore se bonagale.” Selo se sengwe se se sa kgonego…
Re a tseba gore se gona fao. Se ka kgona go…se ka se kgone go
ka bonwa, eupša go le bjalo re a tseba gore se gona fao. Gomme
ge A fetotše sebopego sa Gagwe, sa en morphe, go e ra gore O
fetogile go tšwa go bokagodimo ga tlhago go ya go tlhago.
36
Gomme O no fetola seapešasefahlego sa Gagwe, ka
mokgwa wo mongwe. Go bjalo ka terama. O be a bapala.
Ka Segerika, ge ba be ba fetola seapešasefahlego sa bona,
mohlomongwe papadi e tee, moraloki yo motee a ka be a be a
bapetše dikarolong tše mmalwa tša go fapana.
37
Gomme morwedi wa ka, o gona fa, ba sa tšwa go ba
sekolong se se phakgamego, te—terama. Gomme mošemane yo
motee yo ke mo tsebago, o be a bapala e ka ba dikarolo tše
nne, eupša o be a eya ka morago ga sefala gomme a fetola sa
gagwe—sa gagwe seapešasefahlego, gore a tle ntle, gomme a
ekiša semelo se sengwe.
38
Bjale, ge le ka tšea diporofeto tša Tastamente ye Tala
mabapi le se Mesia a bego a tlile go ba sona, o ka kgona go
se bapetša le bophelo bja Jesu, gomme o na le tlwa se Jesu a
bego a le sona. O ba a no se be monna yo a tlwaelegilego. O be
30
7
a le Modimo, en morphe. O be a fetotšwe go tšwa—go tšwa go
bokagodimo ga tlhago go ya go sebopego sa Monna wa tlhago.
Go le bjalo, O be a le Modimo, a bonagaditšwe nameng, a
khupeditšwe ke motho, seširo sa nama.
Gomme hlokomelang Tastamente ye Tala.
39
Ke—ke—ke a tseba gore ke bolela le batheeletši ba ba
tswakanego, bošegong bjo, go tšwa dikarolong tše di fapanego
tša lefase. Gomme re fa go hwetša. Ke eng se re—ke eng se re se
dirago? Ke eng—ke rena eng? A re ya kae? Go direga eng? Ka
moka se se ra go reng?
40
Gomme bjale re a hwetša, ka mo, gore, ge lena banna ba
Bajuda le basadi, le borabi ka gare—gare—gare ga tempele,
matšatšing a a fetilego, ge nkabe ba ile ba hlokomela Beibele,
diporofeto, go na le ditšo, nkabe ba ile ba lemoga gore Jesu
e be e le mang. Nkabe ba se ba ke ba Mmitša Beletsebubu.
Nkabe ba se ba ke ba Mmapola. Eupša, ka moka e be e
swanetše go diregela ntle. Yeo ke karolo ya terama. Gomme ba
be ba foufaditšwe, mo tabeng ye.
41
Ke go swana le ba bantši ba lena banna, basadi, fa bošegong
bjo, e ka no ba ba mengwaga ya ka goba kgalekgale gannyane.
Le a elelwa, fa ka Amerika, mengwaga ya go feta, pele…
Machina…Ngwanešu wa ka, yo ke sa tšwago go mo tsebiša
fa, yo a tlago monaganong wa ka ge ke be ke bolela le yena.
Ka fao ba bego ba tlwaetše go…Ba be ba sa kgone go bolela
Seisemane, gomme ba—ba be ba na le bohlatswetšo. Gomme o ya
go bohlatswetšo bja gagwe, gore diaparo tša gago di hlatswiwe.
Ba—banna ba bohlatswetšo bja Machina ba be ba tla tšea
letlakala, gomme ba le kgeile ka tsela ye e itšego. O tšea karolo e
tee ya letlakala; o tšea karolo ye nngwe. Eupša ge o bowa morago
go tla go tšea dilo tša gago, diripa tše pedi tšeo tša pampiri di be di
swanetše go dumelelana. Gomme ge di be di sa dumelelane feela
tlwa gabotse…O be o ka se kgone go e ekiša ka tsela efe kapa
efe, ka baka la gore o be a na le seripa se setee gomme wena o be o
na le se sengwe. Gomme ge se ekišitšwe…Ka gona o be o eba le
tokelo ya go tleleima se e bego e le sa gago. Gomme ka gona o na le
se e bego e le sa gago, ge o na le karolo ye nnyane ya konteraka.
42
Ka fao ke yona, bošegong bjo, ge re na le karolo ye nngwe
ya konteraka. Ge, Modimo a kgeila Morwa wa Gagwe ka
bobedi, Khalibari, a tšeela mmele godimo go ba Sehlabelo,
gomme a romela Moya fase go rena, woo o kilego wa phela ka
go Monna, Jesu. Modimo yo a swanago o ka seširong bošegong
bjo, ka sebopego sa Moya wo Mokgethwa. Diripa tše pedi
tšeo di swanetše go tla mmogo, gona o karolo ya konteraka.
Modimo o dirile se, gore a tsebje bokaonekaone go motho, ge A
itirile Motho ka Boyena.
43
Ke be ke bala setori, mengwaga ye e itšego ya go feta.
Gomme ka go setori se, se rile ye kgolo, ya go hlomphega
8
kgoši…Ke lebala leina la gagwe, feela bjale. Ke be ke sa
nagane go bolela ka setori. Ke, mohlomongwe se e sego sa
nnete, eupša se re hlahlela go ntlha ye e re fago bokamorago
bja se re nyakago go se bolela. Kgoši ye, e be e le kgoši
ya go hlomphega kudu, gape morati yo mogolo kudu wa
balatedi ba gagwe, go fihla, letšatši le lengwe, pele ga wa
gagwe—wa gagwe moleti le ba bogoši bja gagwe, o rile,
“Lehono, le mpona nako ya lena ya mafelelo, lebaka la
mengwaga ye mentši.”
44
Gomme moleti wa gagwe le bahlomphegi ba gagwe ba re
go yena, “Kgoši ya go loka, ke ka baka la eng o bolela seo? A o
ya nageng ye šele, felotsoko, go ya go ba mofaladi?”
45
A re, “Aowa. Ke dula thwi fa. Go lokile,” a re, “Ke ya ka
ntle magareng ga balatedi ba ka. Ke ya go ba mohloki. Ke
ya go rema dikgong ka selepe sa dikgong. Ke ya go—go lema
mobu le mošomi ka maatla. Ke ya go thenela merara le bao ba
thenelago merara. Ke ya go ba yo mongwe wa bona, gore ke
kgone go amana bokaonekaone le se ba se dirago. Gomme ke
a ba rata. Ke nyaka go amana go fetišiša le bona, ka sebele.
Ba ka seke ba ntseba. Eupša, go le bjalo, ke nyaka go amana le
bona ka, tsela yeo.”
46
Gomme mosong wo o latelago, ke ge baemedi ba gagwe,
ka moka batho ba gagwe ba mmona, goba bao ba bego ba le
paleising, a apola korone ya gagwe gomme a e bea fase godimo
ga setulo, terone; gomme a apola seaparo sa gagwe, gomme a
apara diaparo tša mohloki, a sepelela ntle magareng ga batho
ba go tlwaelega.
Bjale, ka setoring se sennyane seo, re hwetša gona ka
Modimo.
47
Ba ile ba re go kgoši, ba re, “Kgoši, re a go nyaka. Re a go
rata. Re—re nyaka gore o fele o le kgoši.” Eupša o be a nyaka
gore a be yo mongwe wa bona, gore a ba tsebe bokaonekaone,
gore ba mo tsebe bokaonekaone, nnete se a bego a le sona. Se
be se tla pealatša go bona seo ka nnete a bego a le sona.
48
Gomme seo ke se Modimo a se dirilego. O—O ile a iphetola
ka Boyena, go tšwa go beng Jehofa Modimo, go ba yo mongwe
wa rena, gore A kgone go tlaišega, A kgone go latswa lehu,
A kgone go tseba gore lebola la lehu e be e le eng, le go tšea
kotlo ya lehu godimo ga Gagwe mong. O ile a beela thoko ya
Gagwe—ya Gagwe korone le seaparo sa Gagwe, gomme a ba yo
mongwe wa rena. O ile a hlatswa maoto le—le—ba fase. O ile a
dula ka ditenteng, le badiidi. O ile a robala ka—ka dithokgweng
le ka diterateng, le bao ba bego ba se na le mongetla. O tlile a ba
yo mongwe wa rena, gore A kgone go re kwišiša bokaonekaone,
le gore re kgone go Mo kwišiša bokaonekaone.
49
Bjale, ke a nagana, ka go seo, re a hwetša, go fetoga, ka
Boyena, seo A se dirilego. Ge le ka ela hloko, O tlile ka leina la
9
barwa ba bararo. O tlile ka leina la Morwa wa motho, gomme
le ka Morwa wa Modimo, gomme le Morwa wa Dafida. O tlile
bjalo ka Morwa wa motho.
50
Bjale, ka go Hesekiele 2:3, Jehofa, ka Boyena, o beditše
Hesekiele, moporofeta, “morwa wa motho.”
51
Morwa wa motho e ra gore “moporofeta.” O be a swanetše
go tla ka tsela yeo, go phethagatša Deuteronomi 18:15, fao
Moshe o rile, “Morena Modimo wa lena o tla tsoša magareng
ga lena moporofeta yo a swanago le nna.” Yena ga se a ke
a ipitša ka Boyena Morwa wa Modimo. O be a itšhupa ka
Boyena, “Morwa wa motho,” ka baka la gore O be a swanetše
go tla go ya ka Lengwalo. Le a bona? O be a swanetše go dira
diripa tše pedi tšeo tša pampiri ya go kgeiga, seporofeto sa
Tastamente ye Tala le semelo sa Gagwe Mong, go ba tše di
swanago tlwa. Ka fao, O tlile, Morwa wa motho, o tlile ka
sebopego seo.
52
Ka gona re a hwetša, ka morago ga lehu la Gagwe, poloko,
le tsogo, O tlile ka Letšatši la Pentecost, bjalo ka Morwa wa
Modimo; Modimo, Moya, ka sebopego, Moya wo Mokgethwa.
Na O be a dira eng? O be a fetoga ka Boyena, a itira ka Boyena
a tsebje go batho ba Gagwe ka sebopego sa go fapana. Bjalo
ka, Moya wo Mokgethwa, e lego Modimo, O tlile a šoma ka
go mabaka a kereke, bjalo ka Morwa wa Modimo, Moya wo
Mokgethwa.
53
Eupša, ka Milleniamong, O tla bjalo ka Morwa wa Dafida,
go dula godimo ga terone ya Dafida, Kgoši. O be a swanetše
go tšea terone ya Dafida. O teroneng ya Tate bjale. Gomme
ka gona O rile, “Yo a fenyago o tla dula le Nna godimo ga
terone ya Ka, bjalo ka ge Ke fentše gomme ke dutše godimo ga
terone ya Tate wa Ka.” Ka fao, Yena, ka Milleniamong, O tla
ba Morwa wa Dafida. Ke eng? Modimo yo a swanago, nako ka
moka, o no fetola sa Gagwe—sa Gagwe seapešasefahlego.
Ke nna, go mosadi wa ka, monna.
54
A le ile la ela hloko? Mosadi wa Mosiro-Fonicia o rile,
“Wena Morwa wa Dafida, eba le mogau.” Yena, ga se ya ke
e bile e Mo tshwenya, le gatee. O be a se na le ditokelo tša go
Mmitša seo. Ga a na le go tleleima godimo ga Gagwe bjalo
ka Morwa wa Dafida. Ke—Ke Morwa wa Dafida, go Mojuda.
Gomme bjale O tla…Eupša ge a ile a Mmitša, “Morena,” O
be a le Morena wa gagwe, ka gona a hwetša se a bego a se
kgopela.
Bjale, ka ge, O no iphetola ka Boyena.
55
Bjale, ka legaeng la ka, ke nna batho ba bararo ba go
fapana. Ka legaeng la ka, mohumagadi wa ka o na le ditleleimi
godimo ga ka bjalo ka mogatša. Morwedi wa ka ntle fao, ga a
na le tleleimi godimo ga ka bjalo ka mogatša; ke nna tatagwe.
Gomme setlogolomorwa sa ka se sennyane fao, ke nna rakgolo
10
go yena, ka fao ga a na le tokelo ya go mpitša tate. Ga se
nna tatagwe. Morwa wa ka ke tatagwe. Ke nna rakgolwagwe.
Eupša ke sa le monna yo a swanago.
56
Gomme Modimo, se A se dirago, O no iphetola ka Boyena,
go ba go moloko woo, go dira go tsebja ka Boyena go batho
bao. Gomme ke seo re lego fa go se hwetša, bošegong bjo.
Ke ka tsela efe ye Modimo a swanetšego go itira ka Seyena
go tsebja go batho ba gomme mo nakong ye? O fetola
seapešasefahlego sa Gagwe, O fetola se A se bapalago, eupša
ga A fetole peakanyo ya Gagwe. Yena ga a fetole ya Gagwe—ya
Gagwe tlhago. O no fetola seapešasefahlego sa Gagwe, go tšwa
go se setee go ya go se sengwe. O a e dira, go ikutulla ka
Boyena ka go fetiša go ba pepeneneng go batho, gore ba kgone
go tseba gore ke Yena mang, le se A lego sona.
57
Ka go Baheberu 1, re a bala, “Modimo, dinakong tša kgale le
ka mekgwa ya go fapana o boletše le bo tatawešu, ka baporofeta,
eupša mo matšatšing a mafelelo ka Morwa wa Gagwe, Jesu.”
58
Bjale, “Baporofeta,” Jesu o rile, ge A be a le mo lefaseng,
“e be e le badimo. Le bitša bao ‘badimo,’ bao Lentšu la
Modimo le tlilego go bona. Gomme Mangwalo a ka se kgone go
robja,” O rile. Rile, “Le ka kgona go Mo ahlola bjang gona, ge
A le Morwa wa Modimo?” Le a bona?
59
Lentšu la Modimo le abelwa lebaka le lengwe le le lengwe,
seo Le tlang go ba sona. Gomme Jesu e be e le phethagalo ya
diporofeto ka moka. “Ka go Yena go dutše botlalo bja Bomodimo
ka lebopo la mmele.” Bo be bo le ka go Yena. O be a le yo Motee
Yo a bego a le ka go Josefa. O be a le yo Motee yo a bego a le ka go
Eliya. O be a le yo Motee Yo a bego a le ka go Moshe. O be a le yo
Motee Yo a bego a le ka go Dafida, kgoši ye e gannwego.
60
Batho ba gagwe mong ba be ba mo ganne, bjalo ka kgoši.
Gomme ge a eya ka ntle ga—ga jarata ya kgorotsheko, yo
monnyane, mothaka wa go tlaišega yo a bego a abula go
dikologa, o be a sa rate wa gagwe—wa gagwe mmušo, tshepedišo
ya gagwe, gomme a mo tshwela godimo. Gomme moleti a
khwamola tšhoša ya gagwe, a re, “A nka tlogela hlogo yela ya
mpša godimo ga gagwe, a tshwela godimo ga kgoši ya ka?”
61
Gomme Dafida, mohlomongwe a sa lemoge se a bego a se dira
ka nako yeo, eupša o be a tloditšwe. Gomme a re, “Mo tlogele a
nnoši. Modimo o mmoditše go dira se.” Gomme a namela godimo
ga thaba gomme a llela Jerusalema, kgoši ye e gannwego.
62
A le lemogile? Mengwaga ye lekgolo e se mekae go
tloga nako yeo, Morwa wa Dafida o ile a tshwelwa godimo,
ka diterateng, gomme o be a le godimo ga thaba, thaba ye e
swanago, a lebeletše tlase bokagodimo ga Jerusalema, Kgoši
ye e gannwego. Gomme a lla, “Jerusalema, ke ga kae ke bego
Ke go alamela bjalo ka kgogo ge e dirile mantswiana a yona,
eupša o ganne!”
11
Yena ga se a ke a fetola tlhago ya Gagwe, ka baka la
gore Baheberu 13:8 e rile, “O a swana maabane, lehono, le
ka gosafelego.” Modimo o ile a dirwa nama, gore a hwe, go
re lopolla go tšwa sebeng. Ke ka baka leo A iphetotšego ka
Boyena, go ba—go ba Motho.
64
Re a bona, ka go Mokgethwa Johane 12:20, Bagerika ba ile ba
kwa ka Yena. Bjale, fao ga go motho yo a ka kgonago go kwa ka
Yena ntle le ge pelo ya bona e fišegala go Mmona. Bjalo ka Jobo le
baporofeta ba kgale, ka moka ba be ba nyaka go Mmona. Ka fao,
Bagerika ba ba tlile go Mmona. Ba tlile go Filipi, yo e bego e le wa
Betseita, ba re, “Mohlomphegi, re rata go bona Jesu.”
65
Bagerika ba be ba nyaka go Mmona, eupša ba be ba sa
kgone go Mmona ka baka la gore O be a le ka tempeleng
ya bomotho bja Gagwe. “Modimo o be a le ka go Kriste, a
boelanya lefase go Yena mong.” Bjale re hwetša gore, ka go ye,
Bagerika ba ga se bake ba kgona go Mmona.
66
Gomme elang hloko wona mantšu a Jesu a a hlagišitšego
go bona, ka morago ga fao. O rile, “Ntle le ge thoro ya korong
e wela ka mobung, ya hwa, e dula e nnoši.” Ka mantšu a
mangwe, ba be ba ka se tsoge ba Mmona ka phetogong, ka
go seapešasefahlego se A bego a le ka go sona nakong yeo, ka
baka la gore O be a khupeditšwe ka nameng ya motho. Eupša
ge thoro ye ya Korong e wetše ka mobung, gona E be e tla tliša
pele merafo ka moka. O be a rometšwe go Bajuda, gabotse, ka
nako yeo. Eupša thoro ye ya Korong e swanetše go wa; Modimo
yo a khupeditšwego, ka nameng ya motho, a utagetše go ba ba
sa dumelego, eupša a utolotšwe go badumedi.
67
Ka go Johane 1, “Mathomong go be go le Lentšu, gomme
Lentšu le be le le go Modimo, gomme Lentšu e be e le Modimo.
Gomme Lentšu la dirwa nama, gomme la dula magareng
ga rena, gomme ra Mmona, Motswalanoši wa Tate, motlala
kgaugelo.” Bjale, mathomong go be go le Lentšu. Lentšu ke
mogopolo ge o tšweletšwa.
68
Mathomong, O be a bile e se Modimo. Bjale, lentšu la rena
la Seisimane lehono, Modimo, le ra gore “selo sa go direlwa.” E
gakantšha bjang go monagano. O ka kgona go dira yo mongwe
modimo. O ka kgona go dira eng kapa eng modimo.
69
Eupša ka Tastamenteng ye Tala, go Genesi 1, “Mathomong
Modimo,” lentšu le a šomišwa, Elohim. Elohim e ra gore “yo
Motee yo a lego gona ka boyena.” A phapano ye lentšu Elohim
le lego yona, go lentšu Modimo. Elohim e ra gore “yo Motee yo
a lego gona ka boyena.”
70
Re ka se kgone go ba gona ka borena. Re ka se kgone go
ba ramatlaohle, mokgonatšohle, motlalagohle, motsebatšohle.
Elohim yeo e hlagiša tšeo ka moka. Re ka se kgone go ba seo.
Mohlare wo o dirago modimo go tšwa go wona, goba—goba
moago, ga o gona ka bowona.
63
12
Ka fao, Modimo, mathomong, e be e le Bophelo, yo Motee
wa ka Gosafelego. Ka go Yena go be go na le dikgopolo,
gomme dikgopolo tšeo tša ba Mantšu, gomme Lentšu la ba
nama. Jesu e be e le Molopolodi. Gomme go lopolla, go ra,
“go tliša morago.” Ge A swanetše go se tliša morago, se be se
swanetše go ba felotsoko go tlišwa morago gona. Ka fao, le a
bona, ka moka batho ba ka se tsoge ba kgonne go se bona, ka
baka la gore ka moka batho ba be ba se gona mathomong ka
megopolong ya Modimo. Le a bona?
71
Lebelelang baprista. Ge ba Mmona a itlhagiša ka Seyena
tlwa le Lentšu, se A bego a le sona, ba rile, “Ke Beletsebubu.”
Seo se be se laetša fao tlhago ya bona e bego e le gona. E be e le
ka go kgopolo ya letšatši la sebjalebjale.
72
Eupša ge seotswa se sennyane, se A kopanego naso
kgorong, gomme a mmotša, o ile a hlagiša leswao la bomesia
bja Gagwe, ka go mmotša se a se dirilego. “Ka baka la eng,” o
rile, “Mohlomphegi, ke a bona gore O Moporofeta. Re a tseba,
Mesia, ge A etla, O tla re botša dilo tše ka moka.” O be a Mo
lemogile bjalo ka Mesia, motlotšwa yo Motee, ka baka la gore
O be a kgotsofaditše dinyakwa tša Lengwalo. A ga le bone?
[Phuthego e re, “Amene.”—Mor.] Diripa tše pedi tša pampiri di
be di etla mmogo. Wa sesadi, “Re tseba seo, ge Mesia a etla.”
73
Bjale, Modimo a ka be a ile a tswakanya se le sela, go
hwetša mollo wo o itšego wa tleloko, bjalo ka sekgoloki. Eupša
ge Jesu a retologile, o rile, “Ke nna Yo a bolelago le wena,” fao
go be go se tlhagišo e bjalo ka “Beletsebubu.” O ile a tlogela
pitša ya gagwe ya meetse, a kitimela ka toropongkgolo, gomme
a re, “Etlang, le bone Monna Yo a mpoditšego dilo tše ke di
dirilego. A Yo ga se yena Mesia?” Le a bona?
74
Bjale, ke eng se se dirilego se? Go bea Lengwalo la kgale
le boitemogelo bjo—bjo Jesu a bego a mo fa bjona, seo se dirile
eng? Se dirile Mesia. Gomme a le etše hloko? Ka pela, dibe
tša gagwe tša lebalelwa, ka baka la gore, mathomong, o be a
lopollega, ka baka la gore o be a le ka monaganong wa Modimo
mathomong. Ka fao, e mo lopolotše, goba go mo tliša morago,
ge a bona Lengwalo le le hlagišitšwego le bonagatšwa, la
Jehofa, seo A bego a le sona, se A lego sona.
75
Bjalo, ge Jesu a etla, ge A be a ka tla ka molaetša wa
Noage, o be o ka seke wa be wa šoma. Go aga areka, gomme
wa phaphamalla ntle, o be o ka se ke wa be wa šoma. Eupša
Noage yoo e be e le karolo ya Modimo. O dirile ka tsela ye e
sego ya tlwaelega ka baka la gore o be a se a tlwaelega, gomme
molaetša wa gagwe o be o se wa tlwaelega ka baka la gore e be
e le Lentšu le dirwa go bonagala.
76
O be a ka se kgone go be a tlile ka molaetša wa Moshe, ka
baka la gore o be o ka seke wa be wa šoma. Moshe e be e le
77
13
Modimo, ka karolo, a dirilwe go bonagala. E be e le lentšu le le
hlagišitšwego iring yeo, eupša Jesu ga se a kgona go tla ka go
woo. Beibele ga se ya ke e re O be a tla tla ka tsela yeo.
78
Eupša ge A etla, o hlagišitšwe tlwa ka mokgwa wo—wo
Tastamente e boletšego gore O tla hlagišwa, ka gona ka moka bao
ba bego ba lopollega ba ile ba Le dumela, ka baka la gore ba be
ba le megopolo ya Modimo. Dikgopolo tša Gagwe mathomong,
tša dirwa nama, gomme tša lopollega, gomme tša tlišwa morago
go Modimo. “Ba bantši ba ba Mo amogetšego, go bona O ba file
maatla a go ba barwa ba Modimo,” ka baka la gore ba be ba
lopollega. Ba be go tloga mathomong, ba le boitlhagišong.
79
Ge re ka kgona go ema fa nakwana, ge go ka kgonega, ke
nagana ka seo, bošegong bjo, ka Molaetša wa iri, megopolo ye
e hlagišitšwego ya Jehofa. “Pele ga go thewa ga lefase,” re a
botšwa, “maina a rena a ile a bewa godimo ga Puku ya Bophelo
ya Kwana.” Ka gona re kgona go bona mahlakore a mabedi,
bjalo ka ge ke boletše pele, ka baka la eng yo motee a se a
tlwaelega go yo mongwe. Go swanetše go ba ka tsela yeo. Go be
go le bjalo ka mehla. Ka mehla go be go le ka tsela yeo, gomme
ka mehla go tla ba ka tsela yeo. “O be a le Lentšu. Gomme
Lentšu la dirwa nama gomme la dula magareng ga rena.”
Bjale, Modimo, ka go…morago ka matšatšing a
Tastamente ye Tala, re hwetša gore ka morago ga ge A
tšweletše go batho ba Gagwe, ka dibopego tša go fapana, O ile
a ikhupetša ka Boyena ka morago ga matlalo a kgale a kgoogo.
Modimo a ikutile ka morago ga matlalo a kgoogo, ka setulong
sa Gagwe sa mogau. Re hwetša gore, ka fao Solomone, ge a
gafela tempele go Morena, gomme matlalo a a kgoogo a be a
lekeletše fao, seširo, ka fao A tlilego ka gare bjalo ka Pilara
ya Mollo le bjalo ka Leru, gomme a ya tlase ka morago fao,
gomme a ikhupetša ka Boyena, go lefase la ka ntle. Eupša, ka
tumelo, Israele e be e tseba gore O be a le morago fale. Ba be
ba tseba gore O be a le fale, go sa kgathalege gore le lengwe
la mafase a bohetene le be le ka reng. O be a utilwe go yo a sa
dumelego. Eupša modumedi, ka tumelo, o be a tseba gore O
be a le morago fale. Ba be ba na le mogau. Gomme O be a le
setulong sa Gagwe sa mogau, e bego e le sephiri se segolo.
80
Le a tseba, ka Tastamenteng ye Tala, go tsena ka morago
ga letlalo leo e be e le lehu. Bjale go dula go tšwa ka morago
ga lona ke lehu. Nako yeo go tsena ka Letagong la Gagwe e be
e le lehu. Bjale go dula kgole go tloga go Letago la Gagwe ke
lehu. Seo se diregile, ka nnete, go kgeigeng ga seširo Khalibari,
ge seširo se kgeiga, seširo sa kgale. Bjale go dula ka ntle ga
Bogona bja Gagwe ke lehu. Nako yeo go tsena go Bogona
bja Gagwe e be e le lehu. Le a bona? E fetogela morago le
pele, gomme le swanetše go hwetša Lengwalo go bona gore ke
letšatši lefe re phelago ka go lona.
81
14
Bjale, ge seširo se kgeilwa Khalibari, setulo sa mogau se
ile sa tla ponagalong ya pepeneneng. (Eupša go diregile eng?
Se be se lekeletše Khalibari, se rotha ka Madi.) Bjalo ka ge ba
be ba tšea madi, ngwaga ka morago ga ngwaga, ka lefelong la
bohlwekišetšo gomme le go fafatšwa ga setulo sa mogau, fao,
Modimo, ka maatla a Gagwe a magolo a maatla a go ratha ga
maatla a legadima, o ile a phatlola seširo sa kgale sa kgoogo go
tloga godimo ga ya fase, gomme setulo sa mogau se ile sa tla
ponagalong ya pepeneneng.
83
Ya mmakgonthe, ya mmapaale Kwana ya Modimo e be
e lekeletše ponagalong ya pepeneneng godimo ga Khalibari,
Setulo sa Mogau sa mmakgonthe, ge Modimo a ile a lefa
poreisi, ka Boyena; gomme a tla go ba yo mongwe wa rena,
gomme a iponagatša ka Boyena bjalo ka Monna, gore a be
le kamano le rena, le rena re be le kamano le Yena. Setulo
sa Mogau se be se le ponagalong ya pepeneneng go ka moka
Israele ka letšatši leo la Poelanyo.
84
Eupša, mmalo, ditšo tša botate ba kereke letšatšing leo di ile,
ka ditšo tša bona, ba ile ba khupetša Setulo sa Mogau sa therešo
go batho. Ge nkabe ba be ba tsebile Lengwalo, seripa se sengwe
le se sengwe nkabe se ile sa tla bjalo ka letlakala la Machina.
Seporofeto sa Tastamente ye Tala nkabe se ile sa phethagatšwa,
gomme se be se le. Ge nkabe ba ile ba rutwa Lengwalo, nkabe ba
ile ba bona Setulo sa Mogau. “Bjalo ka ge Moshe,” a boletše fa,
gore, “go fihla letšatši le ba sa khupeditšwe. Se sale godimo ga
dipelo tša bona.” Ga ba Se bone.
85
Eupša, O be a le Modimo, ditlaišego le Poelano. O be a le
Setulo sa Mogau sa mmapaale se eme ponagalong ya go tlala.
Bjalo ka ge re opela pina:
Bonang,
Mmogeleng
ponagalong
ya
pepeneneng.
Yena o fao, Mofenyi yo maatla,
E sale A kgeila seširo ka bobedi.
86
Le a bona, O tlile, Setulo sa Mogau, o lekeletše ponagalong
ye e hlwekilego ya phuthego. Eupša bona, ba le ka tlase ga
kgopolo ya botsebalegi…
87
Bjale, banna le basadi, le baemedi ba kopano ye, ke nyaka
go bolela se ntle le tlhompho ya motho. Eupša, ka ponagalo ya
lehono, ka ponagalo ya seo re lego fa ka sona lehono, ke a boifa
gore ditšo tša botate, botate ba kereke, di utile Se go tšwa go
batho ba bantši kudu. E sale ge Moya wo Mokgethwa o etla mo
matšatšing a mafelelo, bjalo ka ge go porofitilwe, gomme seširo
se kgeitšwe, batho ba bantši ba leka lebaka go lekeletša ditšo
tša botate. Gomme ke ka lebaka leo ga ba kgone go bona thabo
ye kgolo ye, le khutšo, le dilo tše Kereke e nago natšo lehono.
Go le bjalo, O ponagalong ya pepeneneng ya bao ba dumelago.
O utile Lentšu, Lentšu le le tshephišitšwego la letšatši le.
82
15
Bjale, ditšo di dirile seširo. Ba bolela gore matšatši a mehlolo
a fetile. Monna o boletše le nna, yo mokaone, mokgomana wa
setšo ka Tucson, Arizona, fao ke dulago. Ke be ke na le kopano
ka Ramada. Gomme re be re bolela ka Kopanong ya Banna ba
Kgwebo fao Morena Jesu a go tla a ba gona gomme a dira dilo
tše kgolo. Gomme mokgomana yo wa Mokriste a tla go nna,
gomme a re…Modiredi wa kereke, monna yo mokaone, gomme
a re, “Ngwanešu Branham, o leka go tšweletša go batho lebaka la
boapostola,” a re, “gomme mola lebaka la boapostola le fedile.”
89
Gomme ka re, “Ke a go rapela, ngwanešu wa ka,
ntaetše gore ke neng fao lebaka la boapostola le fedilego, ka
Lengwalong.” Ka re, “Lebaka la boapostola le thomile ka
Letšatši la Pentecost, gomme le ile…Petro o rile, ka Letšatši
la Pentecost, ‘Tshephišo ke ya lena, le go bana ba lena, le bao
ba lego kgole, le ba bantši ba Morena Modimo wa rena a tlago
go ba bitša.’ Le fedile neng? Ge Modimo a sa bitša, gona lebaka
la boapostola le sa le tiragalong.”
90
Gomme ka fao ke moo batho ba lekago go foufatša batho ba
bantši, ka ditšo tša bona tša ba bagolo, bjalo ka ge go bile nako
yeo. Gomme le feila go bona gore ke ka lebaka la eng batho
ba šušumetšegile gomme ba tutuetšegile. Gomme—gomme
dikopano tše ke dipolo tše di sego tša tlwaelega, selo seo e sego
sa mehleng, go batho ba bangwe, ke ka baka la gore ba bona
gore ba thubile go kgabola dišitiši tšeo. Ba thubile go kgabola
diširo tšeo, go ya ka Bogoneng bja Modimo, fao ba bonago
tshephišo ye e bonagaditšwe ya iri ye e dirwa go bonagala pele
ga batho. Ba bona se Modimo a se tshephišitšego.
91
Ka go Joele 2:28, O tshephišitše, gore, “Matšatšing a
mafelelo fao go tla ba pula ya morago e tšhollelwa ntle godimo
ga batho, ka matšatšing a mafelelo.” Ke nagana gore lentšu la
Segerika le lego fao ke kenos, leo le rago gore O “ikgotholotše”
ka Boyena ka ntle. E sego ka tsela ye re ka bolelago, selo se
sengwe se be se le ka gare ga yo mongwe, seo A se kgotholetšego
ka ntle. Eupša, O itšholletše ka Boyena ka ntle.
92
O ile a fetoga; en morphe ya Gagwe. O—O fetogile, go
tšwa go se A bego a le sona, go ya go se A lego sona. Ga a
fetole tlhago ya Gagwe. Eupša ka Letšatši la Pentecost, O ile
a iphetola ka Boyena go tšwa go beng Morwa wa motho, go ya
go Morwa wa Modimo. O tlile, e sego le batho. O tlile ka gare
ga batho, le a bona, Modimo yo a swanago, go rwalela bodiredi
bja Gagwe godimo go kgabola, ka lebakeng le legolo le.
93
O porofetile ka Beibeleng, gore, “Fao go tla tla letšatši
leo e ka se bego mosegare goba bošego, eupša nakong ya
mantšibuwa go tla ba le Seetša.” Bjale, letšatši, go ya ka
thutafase, le hlaba ka bohlabela gomme le dikela ka bodikela.
Ke letšatši le le swanago, nako ka moka. Bjale, ge, Morwa,
M-o-r-w-a, a ikutolla ka Boyena ka ponagatšong ya Lentšu le
le tshephišitšwego, go Israele, batho ba Bohlabela.
88
16
Re bile le letšatši la leutu. Re bile le seetša sa go lekanela
ka go batsošološi, le go ya pele, go dira dikereke le dikereke
tša maina, le go di tšoena le go tla ka gare; go khisa masea, le
go nyadiša ba ba bagolo, le go boloka bahu, le go ya pele; le go
phela ka kerekeng.
95
Eupša, nakong ya mantšibuwa, “Go tla ba Seetša,” O rile,
“nakong ya mantšibuwa.” Gomme ga go Lengwalo le le kago
go robja. Gomme M-o-r-w-a yo a swanago yo a itšholletšego
ka ntle ka Boyena, kenos, ka Letšatši la Pentecost, o
tshephišitše go dira selo se se swanago nakong ya mantšibuwa.
Le a bona? Ke go ya ka tshephišo.
96
Beang letlakala mmogo. Lebelelang se se diregago, gomme
lebelelang se A se tshephišitšego, gona le tla bona fao re lego
gona. Beang selo mmogo. Le tla kgona go bona go apolwa
ga yo Motee yo mogolo wa maatla. Ditšo di foufaditše batho,
gape, go dilo tše kgolo tše tše di porofetilwego.
97
Moshe, ge a etla pele go tšwa thabeng, yeo e bego e na le
Mollo, a seswantšho se sebotse!
98
Moshe o be a ile tlase Egepeta gomme a botša botate ba
kereke gore Morena Modimo o mo etetše ka Leina la “KE
NNA.” Leina leo ke lebaka la bjale; e sego la “Ke be ke le;
goba ke tla ba.” Eupša, “KE NNA,” ka mehla yo a swanago,
yo a swanago maabane, lehono, le ka gosafelego. Ke wa lebaka
la bjale. O…Seo se bapela le Baheberu 13:8, “Jesu Kriste yo a
swanago maabane, lehono, le ka gosafelego.”
99
E sale Lentšu le le porofitilwego. Gomme, phuthego,
yeo e bego e swanetše go swana le Lentšu leo, boitemogelo
bja letšatši le. Batsošološi ba bile le lona, oo, eupša le ke
letšatši le lengwe. Bonang letšatši leo re phelago ka go
lona. Feela ge A se a kgona go tla, matšatšing ao A tlilego
lefaseng, ka—ka tsela ye Moshe a tlilego, goba yo mongwe
wa baporofeta a tlilego; e be e se ya porofetwa. Gomme mo
matšatšing a mafelelo, le porofetilwe go tla ka tsela ye. Le ka
se kgone go tla ka sebopego sa tsošeletšo ya Luther. Le ka se
kgone go tla ka sebopego sa tsošeletšo ya Wesley. Ke iri ya
pušetšo. Ke nako ya gore le swanetše go tla morago go Seetša
sa setlogo sa Morwa, sa setlogo.
100 Oo, ka mokgwa wo re ka kgonago go bea Mangwalo
ka gare, godimo ga seo! Gomme lena baithutamodimo, ke
karolo efe ya lefase le tšwago go yona, le tseba gore Seo ke
therešo. Ke tshephišo. Seo ke se se dirago batho gore ba seke
ba ba ba go tlwaelega. Seo ke se se dirago dipolo tše di sego
tša tlwaelega, bao le ba bitšago. Ke ka baka la gore ba…
ke…Seširo se butšwe, go tšwa go ditšo, gomme ba a Se
bona. Ke wa go swana maabane, lehono, le ka gosafelego. Le
a bona? Ke—ke tshephišo ya Modimo, gomme re ka se kgone
go ya kgahlanong le seo, ka baka la gore Mangwalo a ka
94
17
se kgone go robja. Eye. Re hwetša gore O tshepišitše seo. O
ikgotholetše ka Boyena ka go batho ba Gagwe. Gomme O a
swana maabane, lehono, le ka gosafelego.
101 Moshe, ka morago ga ge a ile tlase ka Egepeta gomme a
bega se, gomme Tate a hlatsela molaetša wa gagwe, ka go tla
godimo ga Thaba ya Sinai, ka Pilara ya Mollo ye e swanago,
gomme a tukiša thaba ka Mollo. A re ile ra ela hloko? Yena yo
motee yo A mo filego tshephišo, O mo tlišitše pele le Lentšu.
O be a na le ditaelo. Gomme go ba le taelo yeo, o ile…Taelo
e be e le Lentšu. Lentšu ga se la ke la tla go batho le gatee. Ka
fao, Lentšu ka mehla le tla go moporofeta, gomme o be a le
moporofeta wa iri yeo.
102 Bjalo ka, Jesu e be e le Lentšu. Johane e be e le moporofeta.
Gomme Jesu o tlile go yena, ka meetseng, ka baka la gore
Lentšu ka mehla le tla go moporofeta, ntle le go feila. Le a
bona? Lentšu le tla go yena.
103 Ka fao, Moshe, Lentšu le tlile go yena; ditaelo. Gomme
o bile le tšona. Bjale, ka baka la eng? Pele Lentšu le neelwa
ntle gomme le dirwa go bonagala, Moshe o be a swanetše go
khupetša sefahlego sa gagwe, ka gore Lentšu le be le se la
dirwa go bonagala ka go felela. Ba be ba tseba gore selo se
sengwe se diregile, eupša ba be ba sa tsebe gore e be e le eng,
go rora le modumo. Go fihla, ge ba rile, “A go bolele Moshe, e
sego Modimo.”
104 Gomme Modimo a re, “Go lokile, Ke tla dira seo. Go tloga
fa go ya pele, Nka seke ka tšwelela ka mokgwa wo gape. Ke
tla ba romela moporofeta. Ka fao o tla…Ke tla bolela ka
moporofeta wa Ka.”
105 Bjale, ge Moshe, ka molao wa tlhago, (bjalo ka ge Paulo, go
Babobedi Bakorinthe fa, o utolotše go rena), o be a swanetše
go khupetša sefahlego sa gagwe ka sa tlhago, ke ga kakang go
fetiša fao sa Semoya se tla bago letago gomme sa khupetšwa go
yo a sa dumelego pele se dirwa go bonagala go yena! Ke gakae
go fetiša ba tlago go bitša…Moshe o be a le polo ye e sego ya
tlwaelega. Ke gakae go fetiša mo ba tlago go bitša lena, ba le
thubilego go kgabola seširo, le ilego ka Pilareng ya Mollo, le
tlilego ka ntle le Tšhegofatšo! Gomme bjale le khupeditšwe.
Batho ga ba kgone go e bona. Ga ba kgone go Le kwišiša.
106 “Ge sa tlhago e le sa letago, ke ga kakang go fetiša mo sa
ka godimo ga tlhago se tlago go ba! Ge sa tlhago, seo se bego se
na le mafelelo go sona, se be se swanetše go ba sa letago, ke ga
kae go fetiša ge Se seo se se nago go fela, se tla bago sa letago!”
107 Eupša, go le bjalo, Le sa khupeditšwe. Le khupeditšwe e
sego go modumedi, eupša go yo a sa dumelego. Ga a kgone go
Le bona. Modimo ka mehla o ikhupetša ka Boyena go yo e sego
modumedi. Ditšo di a Le uta. Go swana le ka fao ba dirilego
nakong ya go feta, ba a e dira lehono.
18
Seo e be e le seširo sa semoya seo re nago naso bjale, fao
seširo sa tlhago se bego se le gona. Ba hlatselwa ke moporofeta
ka Lentšu le le ngwadilwego, le moporofeti, yo motee yo a tlago
ka Lentšu le le ngwadilwego, go Le dira le be pepeneneng.
109 Ba be ba tseba gore Lentšu le be le le fao, eupša ba be ba sa
tsebe gore Le be le e ra go reng. Gomme Moshe a Le dira gore
le be pepeneneng. O rile, “Taelo e bolela Se, gomme se ke ka
baka leo.” O le dirile gore le be pepeneneng. Gomme pele Le
dirwa gore le be pepeneneng, Le be le khupeditšwe.
110 Gomme ka fao le bjale, lehono, le khupeditšwe go batho,
go fihla ge Le utollwa gomme le dirwa go ba pepeneneng go
batho. Modimo, Modimo yo maatla, o khupeditšwe ke nama
ya motho, Lentšu. Elang hloko. Bjale re hwetša gore le be le
utilwe go yo a sa dumelego, eupša le utolotšwe go modumedi.
111 Elang hloko, Moshe o ile a swanelwa ke go tsena Pilara ye
ya Mollo, a nnoši. Ga go le yo motee yo a bego a ka ya le yena.
E be e se…e…Na seo se bolela eng go rena? Gore ga o tle ka
go Le ka go tšoena sehlopha sa Mapentecost. Le a bona? Yena
ga se ake a Le utolla go sehlopha. O Le utolotše go motho ka
motho. Gomme yeo ke tsela ye e lego ka gona lehono. O re,
“Ke nna wa—wa kereke. Ke—ke nna wa ye.” Eupša seo se ka se
šome. Le a bona?
112 Gomme go yo mongwe go leka go latela Moshe, go le ekiša,
e be e le lehu. Gomme ka fao go bjalo lehono, lehu la semoya,
go leka go ekiša. Seo ke se se…
113 Bošegong bjo, re kena ka go, fao go na le go hlatlogela
godimo magareng ga dihlopha, dipapetšo tša senama; yo
mongwe o leka go dira bjalo ka Lona, le go phela bophelo
bjo bo fapanego; o kgona go nwa, o kgona go kgoga, basadi
ba kgona go phela ye nngwe…kudukudukudu ka tsela ye
nngwe le ye nngwe ba nyakago go e phela, le bjalo ka lefase,
gomme ba dula gae ba bogela thelebišene, le dilo tša lefase,
gomme ba sa ipitša Mapentecost ka bobona. Ba leka go ekiša
sa mmapaale. Ga se La ke la utollwa go bona, go le bjalo. Ge
Le utollwa, ke la letago, gomme selo se sengwe se tšeela seo ka
ntle ga gago ge o sepelela ka Fao. O tla go ba seširo. Ke…Le
ka se no šoma. Gomme go Le ekiša e be e le lehu.
114 Seširo sa Moshe; o be a le Lentšu le le phelago go batho.
Gomme lehono, batho ba ba khupeditšwego ke selo se se
swanago. “Ke diepistola tše di ngwadilwego, di balwago ke
batho ka moka.” E sego epistola ye mpsha; eupša Epistola ye
e ngwadilwego, gomme ya dirwa go bonala. Ke—ke bao ba ba
dumelago Lentšu le tshephišo ya letšatši le, ya gore Modimo
o tšhollela ntle Moya wa Gagwe, godimo ga nama ka moka,
gomme seo ke diepistola tše di ngwadilwego. Gomme ge motho
ka senama a leka go ekiša seo, se thunyetša morago. Bophelo
bja gago bo laetše se o lego sona.
108
19
Nako ye nngwe fao go be go le mošemane, o be a tsene
mathateng a a itšego. E be e le mošemane wa go loka, eupša
o—o ile a ya kgorong ya tsheko. Gomme moahlodi a re, “Ke go
bona molato. Ke swanetše go go otla ka kgolego ya bophelo.”
116 A re, “Ke nyaka go leka molato wa ka mong.” A re, “Ke
nyaka go ya ka gare godimo ga rekote ya ka.”
117 A re, “Wena ga o na le rekote. Rekote ya gago ke ye e go
ahlotšego.”
118 Gomme ye ke ka tsela ye e lego lehono, ke lebaka le kereke
e sa yego pele bjalo ka ge e be e swanetše. Ke rekote. Ke maaka.
Re swanetše go ba ba ba ikgafilego kudu. Re swanetše go dumela
Lentšu le lengwe le le lengwe la Modimo. Re swanetše go nyaka
go fihla Lentšu leo le dirwa go ba nnete go rena. Le a bona? Le a
bona? Rekote ke yona e re thibelago go tsena ka gare.
119 Eupša, nako ye nngwe, (go go dira gore o tšwe ka mo
segoleng), ka kgorongtsheko yona ye e swanago, mošemane o be a
se na le tšhelete. O be a sa kgone go o patella go fetša. Kotlo e be e
le tsela ka go dikete tša ditolara. Eupša o be a na le ngwanabo yo
mogolo yo a go tla gomme a mo patella wona go fetša.
120 Bjale, re na le Ngwanaborena yo mogolo, Jesu, Morwa wa
Modimo. Gomme O tla go re patella wona go fetša, ge re ka no
e dumela gomme ra tsena ka gare ga seširo le Yena. Go swana
le, Ke Moshe wa rena. Jesu ke Moshe wa rena lehono. Moshe,
seširo, e be e le Lentšu le le phelago go batho. Lehono, Jesu,
a khupeditšwe, ke Lentšu le le phelago go batho, yoo, Jesu ka
Kerekeng. Moya wo Mokgethwa, Morwa wa Modimo ka go
batho, a utolla Lentšu ka tshephišo ya letšatši le, o Le dira go
no ba tlwa. Sa go swana bjale.
121 Gomme elelwang, Moshe o dirile se, gomme o bonagaditše
se, e sego go lefase ka moka, eupša go batho ba khudugo, feela
mohuta o tee wa batho, woo ke bao ba go tšwela ka ntle ga
khu-…ka khudugong.
122 Gomme lehono, Moya wo Mokgethwa, sefahlegong sa
batho ba ba rego, “Phodišo ye Kgethwa ga se ya loka.” Ge ke
be ke kopana…
123 Ngaka e ile ya mpitša, letšatši le lengwe, ka mohumagadi
yo monnyane, oo, fao go bile le ditiragalo tše nne goba tše
tlhano fao, ba robetše ntlheng ya lehu, diiri tša go neela,
gomme Moya wo Mokgethwa wa ba fodiša. Ngaka ke ge e e
botšiša. O ile a re, “Na se se ka ba bjang? Ka baka la eng,” a re,
“Ke—ke…Yo ke molwetši wa ka.”
124 Ka re, “E be e le. Eupša bjale e be e le wa Modimo. Ke—ke,
ke molatedi wa Gagwe bjale.” Le a bona?
125 Gomme ka fao le bona selo se e lego sona, gore Modimo
o bitša khudugo, go tšwa ka morago ga garetene ya nama
yo a lekago go ekiša, yo a lekago go tšoena kereke; e sego
115
20
Methodist, Baptist, Presbyterian, ka moka mmogo, eupša
dikereke tša Pentecost. Ke taba ya motho ka motho. Ke wena
le Modimo. O swanetše go ya ka gare, e sego sehlopha sa gago,
e sego kereke ya gago, e sego modiša wa gago, eupša ke wena
yo a swanetšego go ya ka gare.
126 Ke nyaka le ele hloko semelo se sengwe sa Moshe, ge a etla
ka ntle. Go le bjalo, e le moporofeta, e le monna yo mogolo yo a
bego a le yena, ge a etla ka ntle le Lentšu, batho ba ile ba bona
gore o be a fetogile. Selo se sengwe se be se diregile go yena.
Ge a etla ka ntle le Lentšu le le bego le bonagaditšwe la iri yeo,
melao, e be e le motho yo a fetogilego.
127 Gomme ka fao o tla ba bjalo, ge o etla go tšwa ka
morago ga seširo seo sa motho se se ka segago ka kopanong
ye e swanago le ye; monna yola o kago go thula phodišo ye
Kgethwa, gomme a re matšatši a mehlolo a fetile. O rothile go
tšwa ka morago ga seširo sela sa motho fale, seširo sa setšo,
gomme yo mongwe le yo mongwe o tla tseba gore selo se
sengwe se diregile go wena.
128 Go swana le ngwanešu wa go hlomphega wa rena, Jim
Brown. Ke a eleletša Mapresbyterian a mantšintšintši ba a
tseba gore selo se sengwe se diregile go yena, ka baka le gore
o—o tšwa ka morago ga seširo sa setšo. O bone selo se sengwe
ka go batho, se se ilego sa mo goga šedi, gomme a tla ntle go
tšwa ka morago ga seširo.
129 Go lokile, wena, ge o etla ka ntle go tšwa ka morago ga
seširo, o tla ba ka ponagalong ya go tlala go batho nako yeo,
gore ba kgone go bona gore selo se sengwe se diregile go wena.
Lentšu le le khupeditšwego, go yo a sa dumelego, eupša ka
ponagalong ya go tlala ya modumedi. “Jesu Kriste o a swana
maabane, lehono, le ka gosafelego.”
130 Ka gona, e be e le Modimo. Ka go wona matšatši, e be e
le Modimo ka go Monna, Morwa wa Gagwe, Jesu Kriste. Re
dumela seo. E sego feela moporofeta, e sego feela monna wa
mehleng, motho wa mehleng. E be e le Modimo ka go Kriste;
Modimo ka go Monna; botlalo bja Bomodimo, ka lebopo la
mmele ka go Monna. Modimo ka go Monna!
131 Bjale ke Modimo ka go banna, botlalo bja Modimo ka go
Bomodimo, ka lebopo la mmele ka go Kereke ya Gagwe yohle,
a iponagatša ka Boyena, a phethagatša Lentšu la Gagwe.
132 Bjale re a hwetša, Modimo, mabaka ka moka, o be a na
le letlalo godimo ga Lona. Yena, Modimo, o be a utilwe ka
morago ga seširo.
133 E no nkeletša se—setori se sennyane se se diregilego tlase
ka Borwa. Gomme fao go be go le legae la Mokriste. Gomme
ka gona ka legaeng le la Mokriste ba be ba dumela Modimo,
gomme ba—ba be ba gopola gore—gore Modimo o ba šireleditše
21
go tšwa go mathata ka moka. Gomme, fao, O a dira. Gomme
ba be ba na le Junior yo monnyane, mošemane yo monnyane
a ka bago mengwaga ye šupa goba seswai ka bokgale.
Gomme—gomme o ile a ya sekolong sa Lamorena gomme e be
e le mothakana yo monnyane yo mokaone kudu. Eupša o be a
boifa ka ledimong, gagolo ge legadima le be le gadima.
134 Gomme ke ile ka botša se go monna, letšatši le lengwe, ge
seripa se se tlile ka ntle ka monna yo yoo a bego a fodišitšwe.
Modiredi yo a swanago o ile a re, “Ba go dira modimo,
Ngwanešu Branham.”
135 Go lokile, e be e le moswaswalatši, ka fao ka gopola gore
ke tla no se thuba ka mokgwa wo mongwe, gannyane feela. E
sego go gobatša, le a tseba, eupša feela ka mokgwa…Ka re,
“A seo se kgole kudu go tšwa Lengwalong, go ba seo?” Le a
bona? Ka re, “Aowa, ga se kgole,” ka re, “ka baka la gore Jesu
o be a bitša baporofeta ‘badimo.’ Le a bona? Seo ke therešo,
‘Modimo.’”
136 Gomme ba re, “Go lokile, lena batho le leka go tšea lefelo
la Modimo.” Seo ga se kgole kudu ka ntle. Seo ke tlwa se e lego
sona. Seo ke tlwa. Modimo o bonagaditšwe nameng, feela bjalo
ka ge A tshephišitše.
137 Lapa le lennyane le, re a hwetša. Ke ile ka mmotša setori se
sennyane se, se se tlago monaganong wa ka feela bjale. Gore,
bošego bjo bongwe gwa tla ledimo godimo, gomme mme a re go
Junior, a re, “Bjale, eya godimo go bokagodimo ga materapo,
morwa, gomme eya mpeteng.”
A re, “Mme, ke a boifa,” a rialo.
“Ga go selo se se yago go go kweša bohloko. Eya godimo
gomme o ye mpeteng.”
138 Junior yo monnyane a robala fale, gomme legadima le
gadima go dikologa mafasetere. Gomme mothaka yo monnyane
a tšhogile kudu, o ile a hloma hlogo ya gagwe ka fase ga tša
go ipipetša, gomme o be a sa no fele a ekwa le—legadima,
goba a bona legadima le gadima godimo ga mafasetere,
gomme—gomme a ekwa modumo o rora. Ka fao a re, “Mme!”
Gomme a re, “O nyaka eng, Junior?”
A re, “Etla godimo fa gomme o robale le nna.”
139 Ka gona a tla godimo ga materapo, ka mokgwa wo yo
mongwe le yo mongwe wa go loka, wa go botega mme a ka
dirago. Gomme o ile a tla godimo, gomme a tšeela Junior ka
matsogong a gagwe. Gomme a re, “Junior, mme o nyaka go
bolela le wena nakwana feela.”
A re, “Ka moka gabotse, mme.”
140 A re, “Bjale o swanetše go bea se ka kgopolong. Re ya
kerekeng, kgafetšakgafetša. Re bala Beibele. Re a rapela. Ke
22
rena lapa la Bokriste. Re dumela go Modimo.” Gomme a re,
“Re dumela gore, ka ledimong le ka go eng kapa eng ye e yago
pele, Modimo ke tšhireletšo ya rena.”
141 A re, “Mme, ke dumela karolwana ye nngwe le ye nngwe ya
seo. Eupša,” a re, “ge legadima lela le le kgauswi kudu,” a re,
“Ke—ke nyaka Modimo yo a nago le letlalo godimo ga Lona.”
142 Ka fao, ke—ke a nagana, e sego Junior a nnoši, eupša ka
moka ga rena re ikwela ka tsela yeo. Ge re etla mmogo, ge
re rapelelana yo motee go yo mongwe, Modimo yo a nago le
letlalo godimo ga Gagwe.
143 Gomme re a hwetša fa gore Modimo ka mehla o be a na
le letlalo godimo ga Gagwe. Ge Moshe a Mmona, O be a na
le letlalo godimo ga Gagwe, a lebelelega bjalo ka Monna.
Ge Modimo a be a le ka morago ga digaretene, O be a na le
letlalo godimo ga Gagwe. Gomme Modimo, bošegong bjo, ka
Kerekeng ya Gagwe, o khupeditšwe ka Kerekeng ya Gagwe
ke letlalo godimo ga Yona. E sale Modimo yo a swanago,
bošegong bjo. Re hwetša seo.
144 Eupša bjale, bjalo ka mehleng, seširo sa letlalo ke se se
swarago ditšo. Ba no se kgone go dumela gore yoo ke Modimo
a dirago bona batho gore ba dire ka mokgwa woo. Le a bona?
Ke gobane Modimo o širilwe ka go Kereke ya Gagwe, ka letlalo,
letlalo godimo ga Yona. Yeo ke therešo. O utilwe go ba ba sa
dumelego, gomme o utolotšwe go badumedi. Eye, mohlomphegi.
145 Bjale, ge seširo sa bona sa setšo, sa ditšo tša bagolo le
Lentšu, di robja go kgabola, oo, ka nnete, lehono, gona o tla
ponagalong ya pepeneneng, re a Mmona, Bomodimo gape bo
khupeditšwe ka nama. Baheberu 1 e boletše bjalo.
146 Gomme gape Genesi 18. Elelwang, Modimo e be e le Monna
a eme fale, a eja, gomme a bolela le Abraham, gomme a botša
seo Sarah a bego a se dira ka tenteng ka morago ga Yona.
147 Gomme Jesu o rile, “Bjalo ka ge go bile bjalo ka
matšatšing a Sodoma, ka fao go tla ba bjalo le go Tleng ga
Morwa wa motho.” Bomodimo bo khupeditšwe gape ka
nameng ya motho! Bjale, elelwang, Jesu ga se a ke a re, “Ge
Morwa wa Modimo a utollwa.” Ka go Luka 17 tema, ke a
dumela, gomme e ka ba 20, 21 temana, felotsoko go bapela
le fao, O rile, “Gomme ge Morwa wa motho a utollwa.”
Morwa wa motho, morago ka go—ka go—ka go Kereke gape, a
utullwa ka go batho; e sego Morwa wa Modimo, eupša Morwa
wa motho gape, morago ka Kerekeng ya Gagwe gape, ka
matšatšing a mafelelo. Re hwetša gore O tshephišitše seo ka
ditshephišong tša Modimo.
148 Re lemoga selo se sengwe, ka Tastamenteng ye Tala. Ke na
le Lengwalo fa, ka go Ekisodo. Seo, matlalo a kgale a kgoogo, a
dirile eng? A utile Letago la Modimo go tloga go batho. Matlalo
23
a kgoogo; le batho ba be ba sa kgone go Le bona, ka baka la
gore e be e le letlalo le le bego le Le swere. Letlalo le be…
Letago la Modimo le be le le ka morago ga letlalo.
149 Gomme bjale Letago la Modimo le ka morago ga letlalo la
gago. Seo ke therešo. Gomme ditšo ga di Le bone. Le ka gare
ga seširo, fao Lentšu la Gagwe le bego le le gona.
150 Ke eng se se bego se le ka gare ga letlalo lela morago kua,
matlalo a kgale a kgoogo?
151 Leo, “Fao go be go se na le botse bjo re bego re ka Le
kganyoga. Gomme ge Le dirilwe nama gomme la dula magareng
ga rena, Le be le se na le botse bjo re bego re ka Le kganyoga.”
152 Gomme bjale ke selo se se swanago lehono. Fao ga go
selo ka go monna goba mosadi, se se ka kgona go kganyogwa.
Ke seo se lego ka morago ga fao. Seo ke se e lego sona. “Go
lokile,” o re, “mothaka yola, ke a tseba e be e le letagwa. O be
a fela a dira se.” Ga ke tshwenyege gore o be a dira eng. Ke
eng se se utilwego ka morago ga letlalo lela? Se se lego morago
kua, ke sona se bolelago. Seo ke se, batho ba foufetšego go
sona. Letlalo le foufatša batho. Le a bona? Ba re, “Ke elelwa
se mosadi yola a bego a kwana naso.” Ke a tseba o be a kwana
naso, eupša go reng bjale? Le a bona?
153 Wona matlalo, ao nako ye nngwe a bego a le godimo ga
kgoogo, eupša bjale a utile Letago la Modimo, a Le dirile gore
le bolokwe ka morago ga lona. Le be le le godimo ga phoofolo,
eupša bjale le bolokile Letago la Modimo.
154 Gomme ka fao letlalo la gago le ka kgona go fetolwa,
bošegong bjo, la dirwa go be lefelo la go boloka Modimo,
Modimo a dula ka bomothong.
155 Lebelelang. Matlalo a kgale a kgoogo, re a hwetša,
ka morago ga lona go be go le…Ka gare ga fao go be go le
Lentšu. Gomme, Lentšu, fao gape go be go le borotho bjo bo
laeditšwego. Areka e be e fafaditšwe. Gomme e be e le eng?
Letago Ponagalo le be le le ka fao.
156 Bjale, Lentšu ke Peu, gomme E ka se tšweletše pele go
fihla mo—Morwa a E ratha. Morwa o swanetše go ba godimo
ga Peu, go E dira gore e enywe, go E dira gore e tle pele.
Gomme yeo ke tsela e nnoši. Wena tšea Lentšu, o a bona,
tšea Lentšu la Modimo ka pelong ya gago, gomme sepelela ka
go Letago Ponagalo. Gomme ge o dira, Le tla tliša borotho
bjo bo laeditšwego, Manna, ao a neelwago feela batho ba
ba arogantšwego. Gomme selo se nnoši se se ka kgonago
go bo ja, se se dumeletšwego go bo ja, e no ba batho ba ba
dumeletšwego gomme ba Le tsebago. Paulo o boletše fa,
“Go fetoga go tloga Letagong go ya Letagong.” Le a bona,
mafelelong, Le a tla go fihla Le etla morago go Letago la
Lona la setlogo.
24
E no ba bjalo ka peu ya letago la mosong. Peu ya letšoba,
e wela ka mobung. Peu ya lebele e wela mobung. Na selo sa
pele ke eng? E tla godimo, gomme ke semelana se sennyane. Ka
gona se ya go lenono. Ka gona, go tloga go lenono, morago go
thoro ya yona ya setlogo.
158 Go lokile, seo ke tlwa se Kereke e se dirilego. E tla go tšwa
go Luther, Wesley, gomme bjale morago go Thoro ya setlogo,
morago go Letago la Yona la setlogo, morago go Letago le
E bego e le lona go tloga mathomong. Morwa yo a hlabilego
ka Bohlabela, ke Morwa yo a swanago yo a bonagatšago selo
se se swanago ka Bodikela, a fetoga go tloga Letagong go ya
Letagong. E fetogile go tšwa go bohetene, go theoga go ya go
Luther; gomme go tloga go Luther, go theoga go ya go Wesley;
go tloga go Wesley, ntle go ya ka go Pentecost; le go ya pele le
pele, go fetoga go tloga Letagong go ya Letagong, le tšweletša
Manna a a utilwego.
159 Gomme bjale E budule, go Mo tliša morago tlwa go
swana le ka fao A bego a le ka gona mathomong, bodiredi
bja Gagwe bjo bo swanago; Jesu yo a swanago, maatla a a
swanago, Moya wo Mokgethwa wo o swanago. Wo Motee wo
o swanago wo wa go tla fase ka Letšatši la Pentecost, ke Moya
wo Mokgethwa wo o bonagatšwago lehono, go tšwa Letagong
go ya ka Letagong, go ya Letagong. Gomme o morago go Peu
ya Wona ya setlogo, ka kolobetšo ya Moya wo Mokgethwa; ka
maswao a a swanago, dimaka tše di swanago, kolobetšo ye e
swanago; mohuta wo o swanago wa batho, o dira ka tsela ye e
swanago, ka maatla a a swanago, ka dikwi tše di swanago. Ke
go tloga Letagong go ya ka Letagong. Gomme se se latelago e
tla ba, “Go fetoga go tloga go Letago le, go ya ka mmeleng wo
o swanago le wa Gagwe Mong mmele wa letago, fao re tlago go
Mmona.” Abraham o bone selo se se swanago.
160 Bjale elang hloko. Re bona ka fao e bego e fetolwa. Go
tloga Khalibari, re laletšwa go abelana Letago la Gagwe. Bjale,
ka go ba Pele Bakorinthe 12, “Re kolobetšwa ka go Mmele
wa Gagwe. Ka Moya wo motee ka moka re a kolobetšwa.”
E sego ka “meetse” a matee. “Moya wo Motee, ka moka re a
kolobetšwa.” Seo ke therešo, bjale, gomme ka gona re tla go ba
karolo ya Gagwe.
161 Ke a holofela ga ke le swarelele botelele kudu. [Phuthego e
re, “Aowa.”—Mor.] Le a bona? Ke a holofela ga ke dire.
162 Eupša, e no ba bjalo ka sinfoni ye kgolo ye e bapalago ka
ntle, goba e ralokago terama.
163 Ga ke tsebe kudu ka disinfoni goba terama. Eupša ke be ke
bogetše papadi ye…Ke be ke bolela ka Carmen, ge morwedi
wa ka le bona ba be ba le ka go yona. Gomme ba—gomme ba
be ba bapala ka go sinfoni ye, Carmen. Ba be ba raloka. Mmino
o be—o be—o be o raloka selo se se swanago.
157
25
Yeo ke tsela ye e lego ka gona ge o kolobetšwa ka Moya wo
Mokgethwa, ka go Kriste.
165 Bjale, le a bona, ba bantši ba lena ba badile goba ba kwele
setori sa mohlami yo mogolo wa Morussia yo a hlamilego Peter
And The Wolf. Gomme ka fao a, ba raloka yeo ka disempale le
se sengwe le se sengwe. Gomme mang kapa mang yo a tsebago
setori, yo a se badilego go tšwa pampiring, gomme o kgona go
kwa sinfoni yeo, ka fao e ralokago seo ntle, terama, e se raloka
ntle, ka baka la eng, ba tseba phetogo ye nngwe le ye nngwe.
Ba kgona go e lebelela fa, gomme ba bona phetogo.
166 Eupša, bjale, go direga eng ge—ge mohlami a ngwala selo
se sengwe, gomme ra hwetša ntle gore ga se no ralokwa ntle
gabotse? Re hwetša ntle gona gore fao go na le selo se sengwe
se se diregago. Fao go na le selo se sengwe se se hlaelago, ge
re ba bona. Yo a se hlamilego o se dirile gomme a se ngwalela
ntle, gomme ka gona ge sinfoni e se bapala, e itia nnoute ya go
fošagala. Fao go na le selo se sengwe sa go fošagala. Molaodi o
file mosepelo wa go fošagala. Le a bona?
167 Gomme yeo ke ye e lego taba lehono, baena ba ka ba
Luther, baena ba ka ba Baptist, baena ba ka ba Pentecost.
Ka moka baena ba ka go tšwa go ka moka dikereke tša maina
tša go fapana, yeo ke ye e lego yona. Le a bona? Le leka go fa
nnoute ye e iteilego morago ka matšatšing a Luther, Wesley, ka
mokgwa woo, ge, ka nnete, Letlakala la mmino fa le laetša gore
ke letšatši le lengwe. Le a bona? Le a bona? Le a bona? Re ka se
kgone go phela ka seetšeng sa Luther; e be e le motsošološi. Re
leboga ya gagwe—ya gagwe karolo, eupša re bapaletše yeo ntle.
Re tsela godimo fa ka morago ga Puku bjale. Le a bona? Re ka se
kgone—re ka se kgone go E bapalla ntle ka mokgwa wo.
168 Bjale, tsela e nnoši ye le ka tsogego la ya go kgona go e
dira, baena ba ka, ke ye. Le baena ba lefase, le ba dikarolo tša
go fapana tša lefase, nka re, fao go na le tsela e tee feela go
yoo—yoo molaodi a go dira. O swanetše go tsena ka Moyeng
wo o swanago wo mohlami a bego a le ka go wona, gona o
na le Yona. Gomme ge Kereke, sinfoni ka Boyona, fao lefase
le bogetšego maswao a le dimaka; ge Kereke, le Mohlami, le
molaodi, ka moka ba tsena ka Moyeng wa Mohlami.
169 Ka gona ge ba re, “Matšatši a mehlolo a fetile,” ga e itie
nnoute ya maleba.
170 Eupša ge e tsena ka mokgelempuong wa maleba wa
Yona, le Moya wa maleba wa Yona; o ya go e dira bjang go
fihla Moya o etla fase, wa Mohlami? Amene. Ka gona ge o re,
“Matšatši a mehlolo ga se a ke a feta.” Sinfoni e llela ntle,
“Amene.” Ge re itia, re re, “Jesu Kriste wa go swana maabane,
lehono, le ka gosafelego.” Sinfoni e llela ntle, “Amene.” “Le
tla amogela maatla ka morago ga ge Moya wo Mokgethwa o
tlile godimo ga lena.” Sinfoni e a lla, “Amene. Ke O hweditše.”
164
26
Fao ga go sa na le go thanka ka wona bjale. Sinfoni yohle e
thwi ka kwanong le Lentšu. E ya go…[Ngwanešu Branham o
phaphatha diatla mmogo makga a mararo—Mor.] Seo ke yona.
Oo! Seo ke selo se sebotse. Molaodi le Mohlami ba swanetše
go ba ka Moyeng wo o swanago. Gomme ka fao borammino ba
swanetše go ba ka Moyeng wo o swanago, go E ralokela ntle ka
moka. Gomme lefase le makala gore go direga eng.
171 Bokomonisi bjo ba bolelago ka bjona, gomme ba ntira gore
ke babje ka bjona, le ka moka go hlakanya le se sengwe gape,
le kgethologanyo. Oo, mogau! Se se bjalo, ka moka le go hloka
tlhaologanyo fa, ge go Tla ga Morena go batametše, fao go na le
selo se sengwe se se itiago ka go fošagala. Ke a boifa gore molaodi
o hweditše…Balaodi ba tšwetše ka ntle ga Moya wa Mohlami.
172 Ge re hwetša Moya woo wa Mohlami, maatla ale a setlogo
a Modimo ao Beibele e rilego, “Banna ba kgale ba be ba
sepedišwa ke Moya wo Mokgethwa go ngwala Beibele ye,”
le tla di bona diripa tše pedi tša pampiri ya Machina di tla
tla mmogo, feela bjalo ka Beibele ya Modimo le modumedi
ba tla tla mmogo, ka gore ba ka Moyeng wa go swana. Ka
moka mmogo ba selo se se swanago. Ba kwana thwi go otlologa
mmogo. Se re se nyakago lehono ke balaodi, seo ke therešo,
morago go Lentšu, morago le go Le dumela feela ka fao Le
boletšwego. Ka gona le bona Modimo, ka Boyena. Seo ke go
apola. Terama e dirwa go ba ya nnete.
173 Lehono, ba re, “Go lokile, Ke Modimo wa histori. Re a tseba
O tshetše Lewatle le Lehubedu. O dirile ka moka se. Gomme O
be a le ka gare ga—ga leuba la mollo, le bana ba Baheberu.” Botse
bja Modimo wa histori ke eng, ga a, ge A sa swane lehono? Motho
ka mehla o tagafatša Modimo ka se A se dirilego, o nagana ka se
A tla se dirago, gomme o hlokomologa se A se dirago. Seo se no
ba ka mothong go dira seo. Gomme ke selo se se swanago lehono,
baena ba ka. Ke sona selo se se swanago. Oo, nna!
174 A re boeleng morago gomme re dire sinfoni gore e bapale
gabotse, fao bona ba lefase ba ka kgonago go bona. Jesu o rile,
“Ge Ke phagamišeditšwe godimo go tšwa go lefase le, Ke tla
gogela batho ka moka go Nna.” Gomme, “O a swana maabane,
lehono, le ka gosafelego.”
175 A nke balaodi ba tsene ka Moyeng wa maleba, le
borammino le Mohlami, se sengwe le se sengwe se tla ba ka
moka gabotse. Ka gona re, ga go mošomo wa go thanka ka
yona, re amanywa le Yena bjale. Baheberu 13:8 e re, “O a
swana maabane, lehono, le ka gosafelego.”
176 Re amanywa le Yena ka go Ditiro 2. Re amanywa le bona,
ka kolobetšo ye e swanago, selo se se swanago. Ka moka se A
bego a le sona nako yeo le ka moka se A lego sona, ka moka
se A bego a le sona le ka moka se A lego sona, re sona. Seo ke
sona tlwa.
27
Go no swana le ge ke nyaka go ba Moamerika wa therešo,
ke swanetše go amanywa le se sengwe le se sengwe se a bego
a le sona, se sengwe le se sengwe a lego sona. Ke swanetše go
amanywa le sona, ge ke le Moamerika wa therešo.
178 Ge ke le Moamerika wa therešo, gona ke tsokamile godimo
ga Plymouth Rock. Amene. Ke dirile, ge ke le Moamerika. Ka
fao o dirile; o tsokamile godimo ga Plymouth Rock le botate ba
leeto. Godimo ga Plymouth Rock, ge ba tsokama ntle kua, ke
be ke na le bona; ka fao le wena, yo mongwe le yo mongwe.
179 Ke otletše le Paul Revere, thwi go theoga tsela, go mo
sebotša ka kotsi. Seo ke gabotse tlwa.
180 Thwi tlase Valley Forge, ke putlile lehlwa la Delaware, le
sehlopha sa mašole ao, seripa sa bona, ba bego ba se na le dieta.
Ke rapetše bošego ka moka le George Washington, pele ga nako.
Ke putlile Delaware le pono ka pelong ya ka. Ke rena Maamerika.
Eye, mohlomphegi. Ka Valley Forge, ka nnete ke dirile.
181 Ke ile ka bušetša ditebogo le botate ba go fa Ditebogo. Ke
ile ka bušetša ditebogo go Modimo. Ge ke le Moamerika wa
nnete, ke ile ka amanywa fale tafoleng yela.
182 Ge ke le Moamerika wa nnete, ke ile ka amanywa ge ke be
ke eme le Stonewall Jackson.
183 Ge ke le Moamerika wa nnete, ke ile ka amanywa ka
Boston Tea Party, eye, mohlomphegi, ge re be re gana go ba
le dilo di gogelwa bokagodimo ga mahlo a rena. Go lokile, ke
nna Moamerika wa nnete. Ke ile ka amanywa fale le yeo. Eye,
mohlomphegi. Oo, nna!
184 Ke leditše Tleloko ya Tokologo, pele ka 4 Julae, ka 1776.
Ke leditše Tleloko ya Tokologo mo gomme ka bega gore re a
ipuša. Go ba Moamerika wa nnete, ke swanetše go dira.
185 Ke amantšwe le dihlong tša gagwe ka go Dikhuduego, ge
ngwanešu a e lwa kgahlanong. Ke be ke swanetše go rwala
dihlong tša gagwe, go swana le ge ke swanetše go rwala
letago la gagwe. Ge ke le Moamerika, ke swanetše go ba. Ke
amantšwe le yena. Eye, mohlomphegi.
186 Ke ile ka amanywa ka Gettysburg tlase kua, ge Lincoln a
dira polelo ya gagwe. Eye, mohlomphegi.
187 Ke be ke le Wake Island, godimo ga yona mebele ya madi
ya mašole. Ke tsogile godimo ka Wake Island.
Ka Guam, ke thušitše go phagamiša fologa yela.
188 Ke nna Moamerika wa nnete. Amene. Ka moka se a lego
sona, ke nna sona, gomme ke ikgantšha ka sona. Eye, ka
nnete. Ka moka se Amerika e bilego sona, ka moka se a lego
sona, ke sale seo, go ba Moamerika. Se sengwe le se sengwe
a bego a le sona, ke swanetše go ba sona, ka baka la gore ke
amanywa le yena.
177
28
Selo se se swanago, ka go ba Mokriste wa therešo, o
swanetše go ikamanya le yona.
190 Ke rerile le Moshe, gomme war-…goba le Noage, gomme re
seboditše batho ka kahlolo ye e tlago; go ba Mokriste wa nnete.
191 Ke be ke na le Moshe sethokgweng se se bego se tuka.
Ke bone Pilara ya Mollo. Ke bone Letago la Gagwe. Ke be
ke na le Moshe godimo fao ka lešokeng, go ba Mokriste. Ke
swanetše go amanywa le se sengwe le se sengwe se Modimo a
bego a le sona, go ba Mokriste. Ke bone letago la Gagwe. Ke
kwele Lentšu la Gagwe. O seke wa leka go hlatholla go tloga
go go nna bjale, ka baka la gore ke be ke le fao. Ke tseba se ke
bolelago ka sona. Ke bone se se diregilego. Eye, mohlomphegi.
192 Ke be ke le Lewatleng le Lehubedu, ge ke bona Moya wa
Modimo o sepelela fase gomme o aroganya meetse go tloga
karolong ye tee; e sego go kgabola sehlopha sa mahlaka, ao
ba lekago go bolela lehono, eupša go kgabola e ka ba lewatle
dikgato tše masomesenyane. Ke bone Moya wa Modimo. Ke
sepetše le Moshe go kgabola mobu wo wa go oma, go putla
Lewatle le Lehubedu.
193 Ke eme kgauswi le Thaba ya Sinai gomme ke bone
modumo le legadima di ewa. Ke jele Manna le bona ntle kua.
Ke nwele go tšwa Letlapeng leo. Ke sa e dira bošegong bjo. Ke
amantšwe le baji ba Manna. Ke amantšwe le bona ba ba go
nwa go tšwa Letlapeng.
194 Ke amantšwe gape ge Joshua a be a letša phalafala, gomme
maboto a Jeriko a wela fase.
Ke be ke le ka legolong la ditau le Daniele.
Ke be ke le ka leubeng la mollo le bana ba Baheberu.
Ke be ke le ka Thabeng…le Eliya godimo ga Thaba ya
Karamele.
195 Ke
be ke na le Johane Mokolobetši, le pele ga
baswaswalatši. Ke bone Moya wa Modimo o theoga. Ke kwele
Lentšu la Modimo le re, “Yo ke Morwa moratwa wa Ka yo Ke
kgahlwago ke go dula ka go Yena.” Eye, mohlomphegi. Ka
nnete ke amantšwe le yena. Seo ke therešo tlwa.
196 Ke amantšwe fao lebitleng la Latsaro, ge A tsoša Latsaro.
Ke amantšwe, mosadi sedibeng, ge a Mmotša ka dibe tša
gagwe. Eye, mohlomphegi.
197 Ka nnete ke amantšwe le Yena ka lehung la Gagwe.
Gomme ke amantšwe ka Tsogong ya pele. Ke tsogile le Yena go
tšwa lehung. Ke amantšwe le Yena ka lehung la Gagwe.
198 Ke be ke na le lekgolo le masomepedi, ka kamoreng
ya ka godimodimo. Ke amantšwe godimo fao le bona. Hei!
Ke—ke ikwela bodumedi. Oo, nna! Ke amantšwe fao. Ke nna
yo mongwe wa bona. Ke amantšwe. Ke hweditše boitemogelo
189
29
bjo bo swanago bjo ba bego ba na le bjona. Ke be ke le fao
ge e direga, go ba Mokriste wa therešo. Ke hlatsetše Phefo ya
maatla ya go kitima ge e etla. Ke hlatsetše yeo. Ke ikwetše
maatla a Modimo ge A šišinya. Ke be ke na le bona bao ba go
bolela ka maleme. Ke ikwetše tlotšo e etla ka fale. Ke be ke na
le bona. Ke amantšwe le bona ge Moya wo Mokgethwa o thoma
go bolela ka maleme, le bona.
199 Ke be ke na le Petro, pele ga baswaswalatši ka go Ditiro 2,
ge a rera thero ye kgolo ye a go e dira. Ke amantšwe le yena.
Eye, mohlomphegi.
200 Ka go Ditiro 4, ge ba kopana mmogo, ke be ke na le bona ge
moago o šišinyega. Ka morago ga kopano ya thapelo, moago o ile
wa šišinyega fao ba bego ba dutše. Ke amantšwe fao le bona.
Ke rerile le Paulo godimo ga Mars Hill. Eye, mohlomphegi.
201 Ke be ke na le Johane Sehlakehlakeng sa Patmose, gomme
ka bona go Tla ga Gagwe la bobedi.
Ke be ke na le Luther ka tsošološong.
202 Ke be ke na le Wesley, serumula sela; se ubulwa go tšwa
mellong, nakong ya go ngala gagolo kgahlanong le kereke ya
Anglican. Ke be ke le fao le yena.
203 Gomme ke nna yo bošegong bjo, 1964, ka Philadelphia,
Pennsylvania, ke ikamanya le mohuta wo o swanago wa
sehlopha, le mohuta wo o swanago wa boitemogelo. Ke
swanetše, go ba Mokriste. Ke swanetše go dula ke ikamanya
fao Lentšu la Modimo le bonagatšwago. Ke amanywa le
sehlopha se se ikwelago Moya wa Modimo.
204 Ke amanywa le sehlopha se se tsebago gore O apotšwe, se se
tsebago gore O a swana maabane, lehono, le ka gosafelego, se se
tsebago gore Se ga se bohlanya. “Ke Jesu Kriste yo a swanago
maabane, lehono, le ka gosafelego.” Ke amanywa le sehlopha
seo fa, bošegong bjo. Go le bjalo, ba bitšwa gore ke sehlopha sa
mašilo, go le bjalo ke sehlopha sa mahlanya, ka baka la Lentšu la
Modimo. Eupša, “Ga ke na le dihlong ka Ebangedi ya Jesu Kriste,
ka gore Ke maatla a Modimo go ya ka phološong,” gomme ke nna
yo motee. Ke na le bona diepistola tše di phelago tše ke boletšego
ka tšona, tše di hlatsetšwego, Modimo yo a khupeditšwego ka
lebopo la motho, ka gare ga banna le basadi. Oo!
205 Modimo ka go en morphe ya Gagwe gape, o ikapotše ka
Boyena gomme o dira Seyena gore a tsebje go batho ba Gagwe.
Kgoši ye kgolo Yo a beetšego Letago la Gagwe ka thoko. “Go
le bjalo lebakana le lennyane gomme lefase le ka se Mpone
gape. Ke tla be ke khupeditšwe go bona. Eupša lena le tla
Mpona, ka gore Ke tla ba le lena, le ka go lena, tsela ka moka
go fihla mafelelong, ke fetoga go tšwa go Luther go ya go
Wesley, go ya pele le pele, go tloga go Letago go ya Letagong.
Ke sa le Modimo yo a swanago gomme a phela, gomme ke
boela morago go Letago la setlogo.” Haleluya!
30
O thubile seširo se sengwe le se sengwe sa bokereke bja leina,
sešitiši se sengwe le se sengwe sa lešata. Lešata leo le rego, “Oo,
bjoo ke bohlanya,” O thubile thwi go kgabola seo. Lešata le le
tšwago ntle fao, la gore, “Oo, bona batho ba go gafa,” O thubile
thwi go kgabola seširo seo. Eye, O dirile. “Oo, le ka se kgone go
dira seo. Ga le selo ge e se sehlopha sa mahlanya.” O thubile thwi
go kgabola seo. “Ga go selo se se bjalo ka phodišo ye Kgethwa.” O
thubile thwi go kgabola seo, oo, nna, ka gore Lentšu la Gagwe le
rile O tla dira. Le ka se kgone go fenya Lentšu la Modimo.
207 Gomme fao O eme, go le bjalo, bošegong bjo, Mofenyi
yo maatla, ge e sale A thuba Bomethodist bjo bongwe le bjo
bongwe, Bobaptist, Bopresbyterian, mohuta wo mongwe le wo
mongwe wa seširo. O sa eme magareng ga batho ba Gagwe,
bošegong bjo, a sa fenywe ke ditšo. A nke batho ba bolele se
ba nyakago go se bolela, ba dire se ba nyakago go se dira, eng
kapa eng ba nyakago go e dira. Modimo o a tla, o thuba thwi
go kgabola sešitiša lešata seo.
208 Gomme elelwang, ba a mpotša, ge sefofane ka nnete se
thuba sešitiša lešata seo, fao ga go magomo a lebelo.
209 Ke a le botša, ge o thuba sešitiša setšo seo, sa gore “Jesu o
morago kua, gomme ga se Yena bjale,” ge le ka Mo hwetša e le yo
a swanago maabane, lehono le ka gosafelego, fao ga go magomo
go se Modimo a ka kgonago go se dira thwi fa ka kopanong ye,
le go laetša lefase le se ba se nyakago: e sego merero ya lefase,
eupša tsošeletšo ya lefase ye e tla tlatšwago le go kolobetšwa
ka Bogona bja Modimo yo a phelago, en morphe a ikapešitše ka
Boyena ka go nama ya motho. Haleluya! Ke a e dumela.
210 Bo thubile sešitiši se sengwe le se sengwe, seširo se sengwe
le se sengwe, seširo se sengwe le se sengwe! Ga go selo se
ka kgonago go uta Bogona bja Gagwe. Ge batho ba swarwa
ke tlala ka gare ga dipelo tša bona, fao go na le seširo se se
loketšego go thubja. Le ka se kgone go no ithekga godimo
ga seo. Kgeilang seširo se sengwe le se sengwe, ka Moya wo
Mokgethwa wo mogolo wa Gagwe.
211 Gomme šo O eme, bošegong bjo, Mofenyi yo maatla, yo a
swanago maabane, lehono le ka gosafelego; o fodiša balwetši, o
kolobetša badumedi, feela bjalo ka ge A be a dira ka mehla. Ke
Mofenyi yo maatla. Bodiabolo ba ba ahlotšwego ba motšhabong.
Eye, mohlomphegi. Ka mehla ba a dira, ge A le tikologong.
212 Ge ke tswalela, nka bolela se. Fao go be go le…Ke badile
setori, mengwaga ye mentši ya go feta, ka moletši wa violine wa
go tšofala. O be a na le violine ya kgale ye ba bego ba eya go e
rekiša. Le kwele setori, dinako tše ntši. Gomme ba be ba nyaka go
e rekiša ka baka la selo se se itšego. Gomme mmapatši a re, “Ke
mang yo a ka mphago boka-le-boka?” Ke a dumela o ile a neelwa
dikhoene di se kae, mohlomongwe disente tše masometlhano,
goba selo se sengwe. “Ya ya gatee, ya ya gabedi,…”
206
31
Thwi, monna o ile a emela godimo ka morago. A re,
“Motsotso feela.” Gomme a sepelela godimo gomme a e
hwetša. A re naganeng gore o ile a bapala ye:
Fao go na le Mothopo o tladitšwe ka Madi,
A ntšhitšwe go tšwa tšhikeng tša Immanuel;
Ge badiradibe ba phonkgetše ka fase ga
lefula,
Ba tlogwa ke ka moka dipatso tša molato.
214 Nako yeo ge a e beile fase, fao go be go se leihlo le le
omilego ka lefelong. Ka gona a re, “Ke mang yo a ka neelago?”
215 Yo motee a re, “Dikete tše tlhano. Dikete tše lesome.” E be
e se na le poreisi. Ka baka la eng? Wa—wa go tšofala morena
wa violine o ile a utolla boleng bja yona bja therešo.
216 Oo, ngwanešu, kgaetšedi, bjale dumelela Morena wa
Lentšu le, Yo a Le ngwadilego, Moya wo Mokgethwa wo
mogolo, a tloditšego kotse ya Gagwe ka lerato, gomme a e goga
go kgabola pelo ya gago.
Fao go na le Mothopo o tladitšwe ka Madi,
A ntšhitšwe tšhikeng ya Immanuel.
217 Le tla bona bohlokwa bja go tlala, le go bona Modimo yo a
apotšwego a etla thwi ponagalong. Gore, O no swana le ka fao
A bego a le ka gona ge A wela ka Letšatši la Pentecost, godimo
ga batho, Yena kenos ka Seyena, “a ikgotholela” thwi ka go
Yona. Seo ke therešo.
218 Le re, “Ngwanešu Branham, ke lekile. Ke lekile. Ke dirile
se, le sela, le se sengwe.”
219 Letšatši le lengwe ke be ke na le kopano ka Carlsbad, New
Mexico. Gomme re ile ra ya tlase ka gare ga lewa le legolo le
la kgale la mmankgagane tlase fao. Gomme le be le le mohuta
wa go lebelelega bosepoko, gomme ra ya tlase kua. Gomme
mo—monna, ge a fihla fase kua lefelong la gagwe, o—o kgwathile
mabone a. Gomme, oo, nna, o ka gopola gore e be e le leswiswi
bjang. E be e no ba…Ke leswiswi le o kago go lekwa.
220 Gomme seo e ka no ba tsela ye dinako di hwetšago, ge
re bona kereke ye e feilago go lemoga Lentšu la Modimo; ge
le bona barwedi ba rena ba Tsione ba dira ka tsela ye ba
dirago; ge o bona bana ba borena ba ba kgogago le go nwa,
gomme—gomme ba bolela metlae ya ditšhila le dilo, gomme
ba leka go swara boipolelo bja bona ka go Kriste. Oo, nna, ke
leswiswi. Ke leswiswi la kgotlompo.
221 Re bona leswao la go Tla ga Gagwe. Fao go tla ba…
Ka mehla ke leswiswiswiswiswiswi pele ga letšatši. Ka gona
Naledi ya Meso e a tla go dumediša letšatši, le go le tlotla, le go
laetša gore le a tla. Elang hloko.
222 Ka kua, ge ba retolla leo go tima, fao go na le mosetsana
yo monnyane yo a go no goeletša go ya ntlhoraneng ya lentšu
213
32
la gagwe. Fao go bego go le mošemane yo monnyane a eme
kgauswi le mohlahli, gomme o bone mohlahli yola ge a tima
mabone ka mokgwa woo. Gomme kgaetšedi ye nnyane yeo o
be a šetše a le kgauswi le go ba le dihwahwa. O be a goelela, a
tabogela godimo le fase. “Oo! Go ya go direga eng sa go latela?
Molato ke eng? Molato ke eng?”
223 Le a tseba gore o goeleditše eng? O rile, “O seke wa
boifa, kgaetšedi yo monnyane. Fao go na le monna fa yo a ka
kgonago go gotetša mabone.”
224 Theeletša, kgaetšedi yo monnyane, o ka no nagana gore
re ba bannyane le ba ba sego nene. Eupša, o seke wa boifa.
Fao go na le Monna fa Yo a kgonago go gotetša Mabone.
Woo ke Moya wo Mokgethwa. Le a o dumela? [Phuthego e re,
“Amene.”—Mor.]
225 A re obamišeng dihlogo tša rena nakwana feela. Ke
kgopela tshwarelo go le swarelela.
226 O Modimo yo mogolo wa Legodimo, o ikapola ka Bowena,
o itatolla ka Bowena, o itira ka Bowena go tsebja, Kgoši ye
kgolo ya Letago, tšea diswantšho tše nnyane tše, bošegong bjo,
gomme dira gore di wele fase ka dipelong tša batho. Gomme
a nke re bone yo Motee yo a apotšwego, yo Motee yola Yo a
tlilego fase gomme a kgeila seširo sa tempele; gomme ka gona
a ya thwi ka ntle ga seširo sela, a etla thwi fase ka go diširo
tša batho gape, ka Letšatši la Pentecost; e sale a no ba yo a
swanago, a fetoga go tloga Letagong go ya Letagong.
227 Gomme bjale re thwi morago bjalo ka tlhago ka moka, re
a dira, thwi morago go Peu ya setlogo, thwi go tšwa go lebaka
le letee la kereke go ya go le lengwe. Gomme ka mo go lebaka
le la mafelelo fa, re gona fa, thwi morago go Selo sa setlogo se
se welego ka Letšatši la Pentecost, go phethagatša Lengwalo le
lengwe le le lengwe, “Seetša nakong ya mantšibuwa,” gomme,
“Mediro ye Ke e dirago le tla e dira le lena,” le dilo tše ntši
kudu tše O di tshephišitšego ka Lentšung la Gago.
228 Tate, ge fao go le yo motee fa yo a sego a ke a thuba go
kgabola seširo sela le bjale, goba ge fao go le yo motee fa yo
a ekišago yo mongwe yo a ilego go kgabola seširo, e fa mogau
bošegong bjo, Tate. A nke ba bone gore Mofenyi yo maatla yola
a emego fa, o tletše mogau le maatla, go lebalela. E fe, Tate.
229 Gomme ge dihlogo tša rena di sa kobilwe, a fao go ka ba ba
bangwe ka fa? Ke ba bakae, nka re, ba ba ka rego, “Ngwanešu
Branham, ke phagamišitše seatla sa ka. Nthapelele”? E no
swara hlogo ya gago e kobilwe, gomme o emiše seatla sa gago,
“Ke nyaka go thuba go kgabola seširo se sengwe le se sengwe,
go fihla ka nnete ke kgona go bona Mofenyi.” Modimo a le
šegofatše. Nna, go diatla! Godimo ka bophagamong, go ya go
la go ja? Modimo a le šegofatše. Maphagamong go ya morago?
Emišang…Modimo a le šegofatše. E ba yo a botegago. Go ya go
33
la nngele? Emiša seatla sa gago, e re, “Ngwanešu Branham, nka
no ba ke bile Mokriste mengwaga, eupša, ka nnete, ga se ka ke
ka tla go kgabola seširo sela. Ka nnete ga se ka ke ka dira. Ga se
kake ka hwetša Seo se ba bilego naso nako yeo.” Lehono, re na
le…“Ke nna semela sa ka bobjalong bja go fiša.”
230 Tšea letšoba leo le godišitšwego ka bobjalong bja go fiša,
o swanetše go le fepeletša, o le rue, o le fothele, o le nošetše.
Eupša semela sa setlogo se se melago ntle kua leganateng,
mohuta wo o swanago wa letšoba, o lebelelega bjalo ka lona;
ga le hwetše meetse le gannyane, eupša ga go dithokga tše di
namelago godimo ga lona. Le na le makgwakgwa. Ke la nnete.
231 A le ka kgona go bapetša Bokriste le Bokriste lehono, le
seo bo bego bo le sona nako yeo? A le ka kgona go eleletša
sehlopha se, se re se bitšago Bakriste lehono, go putla lefase,
ba swana le bale ba bego ba le ka morago ga Pentecost; ba go
fepeletšwa le go phaphathwa, le go tšwa go kereke ye tee go ya
go ye nngwe, gomme, bolela selo se sengwe o sa se ratego, o a
emelela gomme o sepelela ka ntle? Gomme, oo, a o ka kgona go
eleletša seo? Aowa. Molato ke eng? Ke go tšweletša gape.
232 Michelangelo, yo a bopilego segopotšo sa Moshe, o ka
kgona go hwetša setšweletšwagape sa seo, se tšhiphile kudu.
Eupša, sa setlogo?
233 Yo motee yo a pentilego Selalelo sa Morena, ke a thanka
seswantšho sela sa setlogo se ka kitimela ka go dimilione tša
ditolara, ge o ka kgona le go se reka. Ga ke tsebe le gore se kae.
Eupša o ka kgona go reka setšweletšwagape sa go tšhipha sa
sona ka e ka ba tolara le disente tše masomesenyane seswai. O
ka kgona.
234 Gomme yeo ke ka tsela ye e lego lehono. Mokriste wa go
tšhipha, setšweletšwagape, go no ba motšoena kereke, o ka ba
reka ntle ka sekerete goba se—goba seno sa go tlwaelega. Goba,
mosadi ka moriri wa go kotwa goba dipounama tša go pentwa,
o ka kgona go mo reka ka se sengwe le se sengwe ka fešeneng
ya lefase. Eupša o ka se kgwathe sela sa mmapaale.
235 Ke Mmona ka ponagalo ya go tlala, wa go swana maabane,
lehono, le ka gosafelego.
236 Oo, Mokriste, a ga o nyake go ba Mokriste wa nnete? Ge fao
go na le yo mongwe a sego a emiša diatla tša gago, a o ka e dira?
Go lokile, ke no ya go rapela. Modimo a go šegofatše. Modimo a
go šegofatše. Oo, seo e no ba se sekaone. E no lebelela sela.
237 Tate wa rena wa Legodimong, “Lentšu la Gago le ka
se boele go Wena le se la swara selo.” O bile yo Motee yo a
dirilego tshephišo. Ke no ba ke rwele boikarabelo go bolela seo
O Se boletšego. Ke no bušeletša Mantšu a Gago. O rile, “Yo a
kwago Lentšu la Ka, gomme a dumela go Yo a Nthomilego, o
na le Bophelo bjo Bosafelego.” O bo tshephišitše.
34
Gomme, Morena, re a tseba gore re na le tšona
ditšweletšwagape lehono, ba bantši ba ba rego ba a dumela,
mola, ba sa dire. E laetša godimo. Eupša, Morena, fao go na le
ba mmapaale, gape.
239 Ke a rapela gore O tla no fa, ka fa, bošegong bjo, gore monna
yo mongwe le yo mongwe le mosadi, mošemane goba mosetsana,
go sa kgathalege gore ke ba setšhaba sefe, ke ba mmala ofe,
kereke efe ba lego ba yona, O Modimo, ba tlatše. A nke ba bone
ponagalo ya nnete ya Jesu yo a swanago lehono, thwi magareng
ga rena, bjalo ka ge A bile ka Letšatši la Pentecost, ge A utolla
Seyena lebakeng le, e le Moya wo Mokgethwa. E fe, ka ge re
bona Mantšu a phethagatšwa, diporofeto di tla go phethega!
240 Re a bapetša, lehono, se se bitšwago kereke ya lefase
fao, Lekgotla la Dikereke tša Lefase, gomme bapetša leo le
tshephišo ka Pentecost? Fao ga go na le papetšo, ka moka. Re
ka se kgone go dira diaparo tša rena gore di hlatswiwe godimo
ga thekethe yeo.
241 Eupša, Morena Modimo, ge re ka tla morago go Mothopo
wola, fao go na le tirotšwetšopele ya go hlwekiša, gona
boitemogelo bja rena le Lentšu la Modimo di tla swana e tee
go le lengwe. Gona, re ka kgona go tleleima tša rena. E fe,
Morena, bošegong bjo, ge ke neela batho ba ka diatleng tša
Gago. E fa go yo mongwe le yo mongwe se re se nyakago, Tate.
Re kgopela go la Jesu Leina. Amene.
242 Modimo a le šegofatše. Ke a le leboga, kudu, go emeng,
go leta nako ye telele. Gomme ke kgopela tshwarelo ke le
swareletše go fihla metsotso ye lesome ka morago ga lesome.
Modimo a be le lena go fihla ke le bona mosong. Ke bušetša
tirelo bjale go, ke a nagana, go moswaramarapo.

238
MODIMO YO M AATLA O A POTŠWE PELE GA R ENA
NST64-0629
(The Mighty God Unveiled Before Us)
Molaetša wo ka Ngwanešu William Marrion Branham, mathomong o abilwe ka
Seisimane ka Mošupologo manthapama, June 29, 1964, kopanong ya Full Gospel
Business Men’s International ka Bellevue-Stratford Hotel, ka Philadelphia,
Pennsylvania, U.S.A., o tšerwe go tšwa go theipi ya go gatišwa ya makenete
gomme o ngwadilwe ntle le go fokotšwa ka Seisimane. Ye North Sotho tlhathollo
e ngwadilwe gomme ya phatlalatšwa ke Voice of God Recordings.
NORTH SOTHO
©2015 VGR, ALL RIGHTS RESERVED
VOICE OF GOD R ECORDI NGS, SOUTH AFRICA OFFICE
58 DISA ROAD, ADMIRAL’S PARK, GORDON’S BAY 7140 WESTERN CAPE
R EPUBLIC OF SOUTH AFRICA
VOICE OF GOD R ECORDI NGS
P.O. BOX 950, JEFFERSONVILLE, I NDIANA 47131 U.S.A.
www.branham.org
Tsebišo ka tokelo-kgatišo
Ditokelo ka moka di bolokilwe. Puku ye e ka ngwalollwa
godimo ga sengwalolli sa ka gae go šomišwa ke mong goba
go fiwa ntle, mahala ntle le tefo, bjalo ka sedirišwa go gaša
Ebangedi ya Jesu Kriste. Puku ye e ka se kgone go rekišwa,
go tšweletšwa gape ka bopepetla, go romelwa go website,
go bolokwa go sedirišwa sa go bušetša, go hlathollelwa
malemeng a mangwe, goba go šomišetšwa go kgopela
ditšhelete ntle le tumelelo ya go ngwalwa ya Voice Of God
Recordings®.
Tshedimošo ye e Tseneletšeng goba materiale yo mongwe o
leng gona, ka kgopelo ikopanye le:
VOICE OF GOD R ECORDI NGS
P.O. BOX 950, JEFFERSONVILLE, I NDIANA 47131 U.S.A.
www.branham.org

NST64-0629 Modimo Yo Maatla O Apotšwe Pele Ga Rena VGR

Transcription

Documents pareils

Übersetzung von Fachausdrücken

Heidelberg Catechism 48 thero

Sotho, Northern Genesis Translation

Re a go amogela mo gae

Letsatsi la Lefatshe la Puisetsogodimo le Nal`ibali Letsatsi la