GTV AVRIL 2012_GTV NOVEMBRE 2008.qxd.qxd
Transcription
GTV AVRIL 2012_GTV NOVEMBRE 2008.qxd.qxd
T S I M I H A T S A K A A P R I LY 2 0 1 2 > FIVORIAN'NY MPANDRAY FANASAN'NY TOMPO ALAHADY 25 MARSA 2012 I- MPANDRAY NIFINDRA Rtoa ANDRIAMANANA Befaritra, avy ao amin’ny FJKM Ankadifotsy, Synodamparitany Iarivo Avaradrano. II- MPIANAKAVIN’NY FINOANA HIDITRA AO AMIN’NY TOERAM-PANOMANANA MPITANDRINA AO AMIN’NY FACULTE DE THEOLOGIE AMBATONAKANGA. Atoa ANDRIANOROVELONA Rivo, Mpandray ny Fanasan’ny Tompo eto amintsika, dia maniry hiditra hianatra ao amin’ny ToeramPanomanana Mpitandrina ao Ambatonakanga. III- FIHAONAMBEN’NY MPANDRAY FANASAN’NY TOMPO Nisy hevitra nipoitra tamin’ny fiofanan’ny Loholona sy Diakona tamin’iny taona lasa iny mikasika ny Fihaonamben’ny Mpandray Fanasan’ny Tompo rehetra eto amintsika. Tsara ny mampahatsiahy antsika fa tokony hatao izany mba hisian’ny fifankahalalana bebe kokoa na dia in-1 mandeha isaky ny 4 taona aza. Fanapahan-kevitra: Tokony hoheverina ny fanatanterahana izany amin’ity taona 2012 ity satria tsy mbola nisy mihitsy izany teto amintsika. IV- FIANGONANA MIARA-MANDROSO 1- KOLEJY TEOLOJIKA IVATO: Araka ny fivoriana izay nataon’ny vadin’ny Prezida Synodaly SPAA 10 niaraka tamin’ireo Fiangonana 6 miara-mandroso amin’ny Kolejy Teolojika Ivato, dia izao no tapaka tamin’izany: - Hisy ny fampianarana ireo vadin’ny mpianatra ho Mpitandrina eny Ivato isaky ny Alatsinainy manomboka amin’ny 2ora – 4ora tolakandro, efa vita ny tetiandro amin’izany ka ny anjaran-tsika FJKM Ambonin’Ampamarinana, dia ny Alatsinainy 02 Aprily sy ny Alatsinainy 21 Mey 2012. Alatsinainy 04 Jona: tomban’ezaka. Zoma 15 sy Sabotsy 16 Jona 2012: Varotra Fampirantiana, izay hanentanana ny vahoakan’Andriamanitra rehetra. Rtoa RASOLOMANANA Yvonne, vadin’ny Mpitandrina no hiandraikitra ny fampianarana rehetra. - Hisy vadin’ny mpianatra ho Mpitandrina 3 hitsidika ny Fiangonana, ka isika no hiantoka ny sakafo sy ny saran-dalan’izy ireo. - Tapaka ihany koa fa hamatsy Gazety ho azy ireo ny Fiangonana, ka hanao Abonnement amin’ny Gazety Tsimihatsaka Vaovao. 2- FJKM ANDRANOMASINA: Araka ny taratasy nalefan’ny Synodamparitany, dia isika no miara-mandroso amin’ny FJKM Andranomasina. Efa nisy ny firesahan’ny Mpitandrina eto an-toerana sy ny Katekista Delege nombam-bady avy. Izao no hevitra tapaka tamin’izany: Ny Biraom-piangonana no hiresaka amin’ny AFF mba hanentana ny Sampana, Sampanasa, Fikambanana, Komity, izany hoe ny hery velona Vaovaom-piangonana < rehetra eto am-piangonana, ka hanao Tafika Masina in-1 mandeha any isika aloha ary faranana amin’ny atelier. Mandritra ny 2 taona izany fiaraha-miasantsika izany. Fanapahan-kevitra: 1- Tanterahina ny fiaraha-miasa amin’ny Kolejy Ivato ary ny Fiangonana izany no handray antànana ny abonnement GTV ho azy ireo. 2- Io hevitra io izany no hotanterahina, ary rehefa tafaresaka amin’ny S/SA/F/K rehetra ny AFF, dia miara-mandinika amin’ny FJKM Andranomasina amin’izay ny daty hanatanterahina ny Tafika Masina. V- FANOMEZANA AVY AMIN’NY MPIANAKAVIN’NY FINOANA Misy mpianakavin’ny finoana hanolotra sary ho an’ny Fiangonana, sarin’ny FJKM Ambonin’Ampamarinana sy FJKM Faravohitra. Mikasika ny 28 Marsa 2012, dia nampahatsiahy ihany koa io mpianakavin’ny finoana io hoe inona no hataontsika amin’ity taona ity? Fanapahan-kevitra: - Apetaka eo amin’ny secrine ilay sary avy amin’ny mpianakavin’ny finoana amin’ny 28 Marsa 2012 ary rehefa tapitra ny 1 volan’ny Maritiora dia apetaka ao amin’ny efitra atsimo izany. - Amin’ny Alarobia 28 Marsa 2012 dia hanatanteraka fotoam-pivavahana isika eto am-piangonana manomboka amin’ny 6ora 30 – 7ora 30 hariva, hofaranana amin’ny fandraisana ny Fanasan’ny Tompo izany ary hanasana ny FJKM Tranovato Faravohitra. VI- AVY AMIN-dRtoa RAVELOMANAN-TSOA Lala sy Rtoa RALISON Mirana Noho ny asa aman-draharahan’izy ireo, dia tsy afaka hanohy ny andraikitra maha Filohan’ny Vovonana sy ny Taninketsa azy intsony izy fa mijanona ho mpanolo-tsaina. Fanapahan-kevitra: Mirary fahombiazana ho azy ireo isika. Ilazana izany ny Komitim-pifidianana hiandraikitra ny fifidianana izay ho Filohan’ny Vovonana sy Taninketsa. VII- AVY AMIN-dRtoa RAVELOMANANTSOA Lala sy Rtoa RAMALA Tiana ary Atoa RALAIARISOA Solofonirina Misy amin’izy ireo tsy hipetraka eto antanindrazana intsony, misy koa ny miasa any amin’ny Faritany, ka nametraka taratasy fiatoana amin’ny andraikitra maha Diakona. Fanapahan-kevitra: Mirary soa ho azy ireo isika ary mivavaka ho azy. Misaotra azy ireo tamin’ny fiaraha-miasa rehetra. Ireto àry ireo Diakona an-tratra miakatra: - RAJAONARIVELO Noromalala - RAJAONARIVELO Claudine - RAZAFINDRAMBOA Louis Fanokanana azy ireo: Alahady Fandraisana volana Mey 2012 (06/05/12) VIII- FANGATAHANA HANAO FOTOAM-PIVAVAHANA NY ALAHADY 25 MARSA 2012 Noho ny nahatraran-dRtoa RAVAOA- 3 RISOA Victorine (Dorkasy) ny faha-90 taonany, dia mangataka alàlana amin’ny Fiangonana ny fianakaviana hiara-hidera an’Andriamanitra ato am-piangonana ny Alahady 25 Marsa 2012 manomboka amin’ny 3ora tolakandro. Fanapahan-kevitra: Ekena. IX- AVY AMIN’NY VAOMIERAN’NY FANETSIKE-TSEHANA SY FANABEAZANA Mba hisian’ny firindrana sy ho fampandrosoana ny asa fanompoana eto amin’ny Fitandremana dia mandroso izao soso-kevitra izao izy ireo: Averina arafitra ny fandaharana ny fihirana isaky ny Alahady satria misy Antoko Mpihira mandritra ny 3 Alahady mifanesy mihira foana. Eo koa ny fisian’ireo Antoko Mpihira vaovao: G3A, GAM, Taninketsa kely. Fanapahan-kevitra: Ekena. X- AVY AMIN’NY SYNODAMPARITANY ANTANANA-RIVO ANDREFANA Araka ny fanapahan-kevitry ny Komity Lehibe dia hanatanteraka Soritrasa EZAKA FAHASOAVANA isika mba hampitaovana FIARAKODIA ny SP, ka ny 22 Mey 2012 no kasaina hampisehoana izany FIARAN’NY FAHASOAVANA izany. Fiara tsy mataho-dalana iray, manakaiky ny vaovao, tena mbola tsara, tsy ilam-panamboarana, mahazaka mpandeha miisa fito (7) raha kely indrindra. Ny vidin’ny fiara dia manodidina ny 50 000 000Ar na 250 000 000Fmg. Mba hahazoana mividy io fiara io àry dia izao no tapaka: - Hanome am-pitiavana araka izay hananana sy araka ny fahasoavana nomen’ny Tompo azy ny mpianakavin’ny finoana rehetra. Ho mora kokoa ny hahatrarana ny tanjona raha mahafoy 5 000Ar (Dimy arivo Ariary) ho an’ny Tompo ny isambatan’olona. Ny mihoatra tsy ferana. - Amin’ny fifaliana no hanomezana izany. - Tsy adidy vaovao midina ho an’ny Fiangonana, fa fanomezana am-pitiavana sy asan’ny finoana eo amin’ireo rehetra nahatsiaro fa efa nahazo maimaimpoana. Fanapahan-kevitra: Hotanterahina izany ny EZAKA FAHASOAVANA, ka ny Alahady 22 Aprily 2012 no fara-fandraisana ny fanomezana avy amin’ny mpianakavin’ny finoana. XI- AVY AMIN’NY VAOMIERAN’NY FANANANA Maniry izy ireo ny hananganana Komity mikarakara ny Fisotroan-drononon’ny Mpitandrina, ka ireto no handrafitra izany: - Biraom-piangonana - Solontenan’ny FLDAA - Solontenan’ny Sampana, Sampanasa, Fikambanana,… - Solontenan’ny Mpandray - Solontenan’ny mpianakavin’ny finoana sy ireo izay tsara sitrapo hanatanteraka izany. - Solontenan’ny FIZAA Fanapahan-kevitra: Ekena. FJKM Ambonin’Ampamarinana ERROR: typecheck OFFENDING COMMAND: restore STACK: -null-null-