fichier pdf

Les plus anciens documents linguistiques de la France
Corpus : (docVaud)
Responsable du corpus : NN
Édition de la charte : Bernadette Gavillet.
docVDGE039
Édition critique
1328, février
Type de document: charte: franchises
Objet: Exemplaire des franchises octroyées par Louis de Vaud au
habitants de Morges et de sesterritoires.
Auteur: Louis de Vaud.
Disposant: Louis de Vaud.
Sceau: sceau de Louis de Vaud.
Bénéficiaire: Les habitants de la ville de Morges et de ses territoires.
Lieu de conservation: Archives communales de Morges AEBA 2.
2
docVDGE039
Transcription de la charte
1 \2 Nous, Lois de Savoye, sires de Wauz, 2 faisons savoir a-tous
ceux qui verront et orront ces presentes \3 letres 3 que nous,
regardans et considerans mains services et maintes cortoisies faites
par nostres gentis \4 homes et nostres bourgois et nostres habitans
de nostre vile de Morges a nostre chier pere, de bone memoyre, et a
nous, \5 en gerredon et en remuneration des biens et des services
dessus diz es devant diz gentis homes et es bourgois \6 et a touz les
habitans de nostre dite vile de Morges, a leurs hoirs et a leur
successours, pour nous et pour nostres hoirs, \7 donons et otroyons
perpetuaument franchise, liberté et immunité: 4 que nuz de toutes
les persones dessus nomees \8 dedens nostre vile de Morges dessus
dite ne dedens les seremens de la-dite vile, pour quelque cas ou pour
quelque \9 crim que ce soit, appeler de gage de bataille puisse l-un l
-autre ne autre persone estrange lour ne l-un de \10 lour, non
obstant nul droit ne nule coustume encontre faisant· 5 Et se aucuns
de persones de la-dite vile, \11 gentis, bourgois ou habitans, l-un a lautre, ou autre persone estrange a-l-un de lour, de quelque
condition ou estat \12 que ele fust, avoit ou deist paroles d-apel de
bataille dedens la dite vile ou dedens les seremens de la dite vile, \13
nous voulons et otroions, pour nous et pour nostres hoirs, que li
appez soit nuz et que nuz de toutes les persones dessus \14 nomees
se puisse obligier par pact, par convenance, ou par volenté, ou par
renonciacion, a appeler l-un l-autre de \15 gage de bataille, de
quelque cas ou de quelque crym que ce soit, ne poursigre paroles dapel de bataille· 6 Promettans \16 nous, Lois dessus-diz, pour nous
et pour nostres hoirs, par nostre bone foi donnee sus sains
evvangiles, aus dessus diz gentis homes \17 et bourgois et a tous les
habitans de Morges dessus dit, a leurs hoirs et successours, les
docVDGE039
3
devant dites franchises, \18 liberté et imunité perpetuaument tenir et
maintenir sanz corrompre et contre celes ne faire ne venir, \19 par
nous ne par autrui, ou temps a-venir, ne consentir a nul qui contre
voudroit venir· 7 Et est assavoir \20 que ceste franchise ne s-estent
point pour ceaux qui mefferoient contre le segnour, son balli, ses \21
chastelains ou son leutenant [1]; ou se aucuns de la dite vile, fust
gentis ou bourgois ou habitans, \22 appeloit aucun estrange, en ce
cas se cis que on appeleroit requeroit droit, li sires li tenroit \23
droit, fust par bataille ou en autre maniere selont la coustume dou
pais, non obstant la fran\24chise dessus-dite· 8 Et sachent tuit que
nos somes meuz a doner ceste franchise pour ce que nous avons \25
vehu letres de nostre chier pere, donz [2] Diex hait l-arme, les quiex
fais nous voudriens ensigre, aus quiex \26 il otroya et donna a ladessus dite ville la-devant dite franchise· 9 En tesmoing de toutes
les choses \27 dessus dites, nous avons mis nostre grant seel en cest
presentes letres· 10 Donné a Morges, ou mois \28 de fevrier, l-an mil
·CCC. et vint et huit·
Notes de transcription
Powered by TCPDF (www.tcpdf.org)
[1]
Ainsi coupé : leu tenant .
[2]
Tache : dont ou donz .