URUBANZA N°R.COM 0008/11/HCC Urupapuro rwa 1 URUKIKO
Transcription
URUBANZA N°R.COM 0008/11/HCC Urupapuro rwa 1 URUKIKO
URUBANZA N°R.COM 0008/11/HCC Urupapuro rwa 1 URUKIKO RUKURU RW’UBUCURUZI RURI I KIGALI, RUHABURANISHIRIZA KU RWEGO RW’UBUJURIRE, RUCIYE URUBANZA N°R.COM 0008/11/HCC KU WA 22/07/2011 MU BURYO BUKURIKIRA : ABABURANYI COLOR LINES COMPUTERS (LLC), Sosiyete ibarizwa ku Isanduku k’Iposita 45071 DUBAI/U.A.E mu izina ry’Uyihagarariye...................................UWAJURIYE. RWANDA COMPUTER NETWORK, ibarizwa KIGALI/RWANDA, mu izina ry’Uyihagarariye……………………………………………………………………UREGWA IKIREGO Ubwishyu bwa 25,731 USD --------------------------------------------------------------------------------------------------------------------- I. IMITERERE Y’URUBANZA MU NCA MAKE [1] COLOR LINES COMPUTERS yatanze ikirego muri uru Rukiko ku wa 13/01/2011 yishyuza RWANDA COMPUTERS NETWORK USD 25,731 y’umwenda remezo ukomoka ku bicururuzwa by’ikoranabuhanga RWANDA COMPUTERS NETWORK yagurishijwe na COLOR LINES COMPUTERS ariko ntiyishyura. [2] COLOR LINES COMPUTERS yashyikirije Urukiko ibimenyetso by’uwo mwenda bigizwe na invoice no 3161 yo ku 12/06/2009 igaragaza ibicuruzwa RWANDA COMPUTERS NETWORK yaguze ndetse n’ibiciro byabyo. [3] FOUNTAIN LAW CHAMBERS uhagarariye COLOR LINES COMPUTERS yandikiye RWANDA COMPUTERS NETWORK ku wa 14/06/2010 ibaruwa ya ‘final URUBANZA N°R.COM 0008/11/HCC Urupapuro rwa 2 notice’ iyiha iminsi itarenze 7 kugira ngo yishyure ibicuruzwa yahawe itishyuye ariko RWANDA COMPUTERS NETWORK nubwo yakiriye iyo baruwa ku wa 07/07/2010 ntabwo yishyuye II. IMIGENDEKERE Y’URUBANZA [4] Mw’iburanisha ry’urubanza ku wa 30/05/2011 hitabye COLOR LINES COMPUTER ihagarariwe na Me MUBANGIZI Frank naho RWANDA COMPUTERS NETWORK ntiyitabye kandi yaramenyeshejwe itariki y’iburanisha mu buryo bukurikije amategeko. III. ISESENGURA RY’IBIBAZO BIGIZE URUBANZA [5] - Ikibazo gisuzumwa muri uru rubanza n’ukumenya niba ikimenyetso cyatanzwe na COLOR LINES COMPUTERS cyerekana ko RWANDA COMPUTERS NETWORK imufitiye umwenda gishobora guhabwa agaciro. [6] Ingingo ya 9 y’Itegeko ryo ku wa 2 Kanama 1913 ryerekeye Abacuruzi n’Ibimenyetso by’inshingano z’Ubucuruzi igiri iti: «Hatitaweho uburyo bwo gutanga ibimenyetso bwemewe n'amategeko y'imboneza-mubano, inshingano z'ubucuruzi zishobora kugaragazwa n'imvugo y'abagabo, cyangwa ibimenyetso bindi bicukumbuwe, mu gihe cyose urukiko ruzabyemera rutanyuranyije n'ibiteganywa n'amategeko. Mu bihe bimwe, hashobora gutangwa ibimenyetso bivuguruza ibikubiye mu nyandiko.» [7] Iyo ngingo yavuzwe haruguru yemeza ko mu bibazo by’ubucuruzi hashobora gukoreshwa ibimenyetso ibyo ari byose; ibyo bikaba ari ihame rya “liberté de la preuve en matière commerciale” ishimangirwa ndetse n’abahanga mu mategeko nka Marie LAMENSCH na Me Simont BRAUN1 bavuga bati: «En droit commercial, l’on définit traditionnellement le principe de la liberté de la preuve, fondé sur l’article 25 alinéa 1er du Code de commerce, par la constatation que dans cette matière, les preuves par témoins et par présomptions sont admissibles quelle que soit la valeur de l’engagement contesté, et ce, même si elles vont à l’encontre d’actes écrits, de sorte qu’un commencement de preuve par écrit, au sens de l’article 1347 du Code civil, n’est pas requis pour leur admissibilité…On justifie généralement l’absence 1 Marie LAMENSCH & Me Simont BRAUN, “Revue Générale de Droit Civil Belge”, Editions Kluwer, 2006, p.50. URUBANZA N°R.COM 0008/11/HCC Urupapuro rwa 3 de réglementation de l’administration de la preuve en matière commerciale par la célérité que requiert la pratique des affaires.» [8] Hakurikijwe ingingo y’amategeko yavuzwe ndetse n’ibyanditswe n’abahanga mu mategeko, Urukiko rusanze COLOR LINES COMPUTERS ishobora gukoresha ibimenyetso ibyo ari byose kugira ngo igaragaza ukuri muri uru rubanza. [9] Urukiko rusanze ko usibye fagitiri nomero 3161 yo ku wa 12/06/2009 igaragaza ko RWANDA COMPUTERS NETWORK yaguze ibicuruzwa by’ikoranabuhanga na COLOR LINES COMPUTERS, hari n’ibaruwa y’uhagarariye COLOR LINES COMPUTERS yo ku wa 14/06/2010 isaba RWANDA COMPUTERS NETWORK kwishyura ibyo bicuruzwa igaragaza ko RWANDA COMPUTERS NETWORK atishyuye ibyo yaguze kuko ntiyigeze isubiza iyo baruwa ngo ihakana umwenda wishyuzwa. [10] Kubera izo mpamvu zose zasobanuwe, Urukiko rusanze ko RWANDA COMPUTERS NETWORK igomba kwishyura amafaranga y’ibicuruzwa yahawe itishyuye ariko hakavanwamo ibiciro by’ibicuruzwa yahawe bidakora nk’uko bigaragazwa mu nyandiko ababuranyi basinye mbere ya Notaire ku wa 10/06/2010 babyemeza. [11] Amafaranga yishyuzwa ni USD 25.731 cyangwa Frw 15.536.377 (hakurikijwe cours de change ya Banki Nkuru y’U Rwanda2 ivuga ko 1 USD = 603,8) hakuwemo 1. MOTHERBOARD : 12 x 37 USD = 444 USD = Frw 268.087 2. PINS : 19 x 0.68 USD = 12, 9 USD = Frw 7245 2. CPU : 27 x 35,5 USD = 958 USD = Frw 578.440 3. HDD : 48 x 35,4 USD = 1699 USD = Frw 1.025.856 4. FAN: 55 x 6 USD3 = 330 USD = Frw 265.254 TOTAL = Frw 2.144.882 2 http://www.bnr.rw/ 3 Cfr http://www.alibaba.com/showroom/cpu-fan-price.html URUBANZA N°R.COM 0008/11/HCC Urupapuro rwa 4 Frw 15.536.377 - Frw 2.144.882 = Frw 13.391.495 [12] Urukiko rusanze ko RWANDA COMPUTERS NETWORK igomba kwishyura Frw 1.061.945 (Taux de 7.93%4) y’indishyi zo kutishyura umwenda ifitiye COLOR LINES COMPUTERS kubera ko 10% y’amafaranga yishyuzwa zisabwa na COLOR LINES COMPUTER ari ikirenga hakurikijwe umubare w’amafaranga wishyuzwa. [13] Urukiko rusanze ko nta nyungu zigomba kubarwa ku mafaranga yishyuzwa kubera ko hari indishyi zagenewe kandi byose bigamije guhoza COLOR LINES COMPUTERS kubera kutishyurwa. [14] Urukiko rusanze ko RWANDA COMPUTERS NETWORK igomba kwishyura Frw 150.000 y’ikurikirana-rubanza na Frw 500.000 y’igihembo cy’Avoka bigenewe mu bushishozi n’ubwitonzi bw’Urukiko kubera ko ibisabwa na COLOR LINES COMPUTERS ari ikirenga hakurikijwe ibisanzwe bikorwa. [15] Ku bijyanye n’irangiza-rubanza ry’agateganyo risabwa na COLOR LINES COMPUTERS, Urukiko rusanze ko ritagomba kwemezwa kubera ko nta nyandikomvaho yemeza umwenda kandi RWANDA COMPUTERS NETWORK nayo ikaba itigeze yemera umwenda mu rubanza (devant le juge) nk’uko biteganywa n’ingingo ya 210, 1 y’Itegeko n°18/2004 ryo ku wa 20/6/2004 ryerekeye imiburanishrize y’imanza z’imbonezamubano, iz’ubucuruzi, iz’umurimo n’iz’ubutegetsi nk’uko ryavuguruwe rikuzuzwa kugeza ubu. [16] Urukiko rusanze kandi ko RWANDA COMPUTERS NETWORK agomba kuzihyura Frw 5000 buri munsi ni itinda kwihyura COLOR LINES COMPUTERS uru rubanza rwabaye itegeko. IV. ICYEMEZO CY’URUKIKO RUKURU RW’UBUCURUZI [17] RWEMEYE kwakira ikirego cya COLOR LINES COMPUTERS, RWEMEJE kandi ko gifite ishingiro kuri bimwe. [18] RWEMEJE kandi RUTEGETSE RWANDA COMPUTERS NETWORK kwishyura COLOR LINES COMPUTERS umwenda ungana na Frw 13.391.495, 4 Reba taux de dépôt kuri website ya Banki Nkuru y’U Rwanda : http://www.bnr.rw/ URUBANZA N°R.COM 0008/11/HCC Urupapuro rwa 5 indishyi zingana na Frw 1.061.945 n’amafaranga y’ikurikirana-rubanza avanze n’igihembo cy’Avoka angana na Frw 650.000 [19] RUYITEGTSE kwishyura umusogongero wa Leta uhwanye na 4% ya Frw 1.061.945 no kwishyura amagarama y’uru rubanza angana na Frw 5.100. [20] RUYITEGETSE kuzishyura Frw 5.000 buri munsi ni itinda kwishyura mu gihe urubanza ruzaba rubaye itegeko. [21] RUVUZE ko rutasomwe ku wa 13/07/2011 kubera ko umucamanza yagize ibirarane byinshi by’akazi nyuma y’ikiruhuko cyo gupfusha. NI UKO RUKIJIJWE KANDI RUSOMEWE MU RUHAME NONE KUWA 22/07/2011. MUNYANTWALI Charles RWANYINDO K. Fanfan Umwanditsi Umucamanza Sé/ Sé/ Copie conforme à l’original Fait à Kigali le……………… Le Greffier :………………….