conjuré les rois qui estoient sous le Belier et la

Extrait du livre Curiosités Infernales de Paul Lacroix vous est offert par Editions Douin.
http://fdouin-editions.com/acatalog/Paul-Lacroix---Curiosites-infernales.html
PRÉSAGES
299
conjuré les rois qui estoient sous le Belier et la Balance de
penser à eux. L’estoile veue l’année precedente en plain
midi avoit esté considerée par les mathematiciens comme
un signal de quelque sinistre effect. La rivière de Loire
s’estoit desbordée en pareille fureur qu’au temps de la
mort violente de Henri II et Henri III. Les saisons
perverties, l’extreme froid, l’extreme chaleur, et ces
montagnes de glace que l’on vid sur les rivières de Loire
et de Saône, mettoyent les esprits en pareilles
appréhensions. On avoit fait courir par Paris des vers de la
Samaritaine du Pont-Neuf à l’imitation des centuries de
Nostradamus, qui parloit clairement de la mort du roi.
« L’arbre planté en la cour du Louvre, le premier jour
de mai tomba de soi-mesme, sans effort et contre toute
apparence, la teste devers le petit degré. Bassompierre
voyant cela dit au duc de Guise, avec lequel il estoit apuyé
sur les barres de fer du petit perron au devant de la
chambre de la roine, qu’en Alemagne et en Italie on
prendroit ceste cheute à mauvais signes, et pour le
renversement de l’arbre dont l’ombre servoit à tout le
monde. Le roi estimant qu’ils parloyent d’autre chose,
porta sa teste tout bellement entre les leurs, escouta ce
discours, et leur dit : Il y a vingt ans que j’ai les oreilles
battues de ces presages. Il n’en sera que ce qu’il plaira à
Dieu.
« Plusieurs choses furent prinses et remarquées à
Sainct-Denis pour mauvais augure. Le roi et la roine dirent
que leur sommeil avoit esté rompu par une orfraye, oiseau
nocturne et funebre, qui avoit crouassé toute la nuict sur la
fenestre de leur chambre. La pierre qui sert à l’ouverture
de la cave où sont enterrez les rois, se trouva ouverte. La
curiosité, qui s’amuse à toutes choses, prit à mauvais signe
que le cierge de la roine s’esteignit de soi-mesme ; et que
si elle n’eust porté sa main à sa couronne, elle fust tombée