Vischnaunca politica Vuorz

Vischnaunca politica Vuorz
Radunonza communala dils 22 da november 2013
Presents:
Perstgisas:
Suprastonza communala e canzlist
45 vischinas e vischins
Remo Veraguth, suprastont
1. Approbaziun dil protocol dalla radunonza communala dils 04-10-2013
Il protocol dalla davos radunonza communala dils 04-10-2013 vegn approbaus unanimamein.
2. Presentaziun ed approbaziun dil preventiv 2014
Il quen current 2014 siara suenter expensas da frs. 2'103'200.00 ed entradas da frs. 2'134'275.00 cun
in surpli d'entradas da frs. 31'075.00. Las amortisaziuns previdas sin la facultad finanziala e la
facultad administrativa muntan a total frs. 270'000.00. Per igl onn 2014 dat ei negina contribuziun
ord il fondo dall’ulivaziun da finanzas.
Il quen d'investiziun 2014 ei vegnius elaboraus cun risguardar il plan da finanzas 2014-2017 e dat ina
survesta dils projects previ pigl onn 2014. Las investiziuns previdas ein vegnidas examinadas dalla
suprastonza communala sco era digl uffeci da vischnauncas. Talas ein vegnidas taxadas sco
necessarias ed indispensablas. Sequent ina survesta dils projects previ pigl onn 2014:
- sanaziun via cantunala
- sanaziun vias da rundaziun
- sanaziun tegia Urschiu Sura
- investiziuns en connex cul project dil GEP
- investiziuns en connex cul project dil GWP
- sanaziun dallas localitads da posta
Il quen d'investiziun 2014 preveda totalmein expensas ell'altezia da frs. 1’800'000.00 ed entradas da
frs. 750'000.00. Consequentamein muntan las investiziuns netto a frs. 1’050'000.00.
Il preventiv communal 2014 vegn approbaus unanimamein.
3. Fixaziun dil pei da taglia per igl onn 2014
Il pei da taglia actual munta a 130% dalla taglia cantunala sempla. Muort las investiziuns previdas sco
sura menziunau eis ei buca previu da sbassar il pei da taglia. La suprastonza communala fa
consequentamein la proposta da schar il pei da taglia sin 130% dalla taglia cantunala sempla. Ord
miez dalla radunonza communala vegn fatg la proposta da sbassar il pei da taglia sin 120% dalla
taglia cantunala sempla.
Cun 38 vuschs gie e 6 vuschs na vegn la proposta dalla suprastonza communala da restar cun il pei
da taglia sin 130% dalla taglia cantunala sempla approbada.
4. Damonda da credit supplementar per la sanaziun dils rempars Val Varengias
A caschun dalla radunonza communala dils 7 da matg 2010 han votantas e vontants approbau il
credit necessari ell’altezia da frs. 374'000.00 per la sanaziun dils rempars Val Varengias. Muort la
gronda nevada el meins october 2011 ha ei dau gronds donns vid ils novs rempars ch’ein vegni eregi
duront igl onn 2011. Plinavon han las plievgias cuntinuadas caschunau regularmein sbuaus duront las
lavurs da remedura la stad 2012. Ils cuosts supplementars ch’ein vegni caschunai entras ils donns
sura numnai muntan a biabein frs. 302'000.00. Contribuziuns cantunalas ha la vischnaunca retschiert
en l’altezia da 84% dils cuosts totals. Digl 1 credit ei restau ina summa da biabein frs. 67'000.00
aschia ch’ei basegna per ils cuosts supplementars aunc ina credit da frs. 235'000.00.
La radunonza communala conceda unanimamein il credit supplementar da frs 235'000.00.
5. Elecziuns communalas per la perioda d’uffeci 2014-2016
a) Elecziun d’in/a suprastont/a communal/a
Sco gia communicau vegn Andrea Veraguth-de Groot buca a star a disposiziun per il post en
suprastonza communala. Ord miez dils vischins vegn fatg neginas propostas.
1. scrutini (absolut pli: 19 vuschs)
Obteniu vuschs han:
Martin Soliva
Sven Seeli
Thomas Hasler
Ulteriurs
cedels vits e nunvaleivels
13
7
5
12
13
vuschs
vuschs
vuschs
vuschs
Negin ha contonschiu igl absolut pli. Martin Soliva remarchescha ch’el stat buca a disposiziun per il
post da suprastont. La proposta croda sin Sven Seeli.
2. scrutini (relativ pli)
Obteniu vuschs ed elegius ei:
Plinavon han obteniu vuschs:
Sven Seeli
Thomas Hasler
Arnold Brunner
ulteriurs
cedels vits e nunvaleivels
20
13
4
6
7
vuschs
vuschs
vuschs
vuschs
b) Elecziun d’in/a suppleant/a da suprastonza:
Sven Seeli sa muort si’elecziun en suprastonza communala buca restar sco suppleant da suprastonza.
Andrea Veraguth-de Groot vegn proponida per quei post.
1. scrutini (absolut pli: 22 vuschs)
Obteniu vuschs ed elegida ei:
Plinavon obentiu vuschs han:
Andrea Veraguth-de Groot
Ulteriurs
cedels vits e nunvaleivels
37 vuschs
6 vuschs
7
6. Varia
Il president communal, Luzi Pfister engrazia a tut ils ufficials da vischnaunca che termineschan lur
post sin la fin digl onn 2013 per la grondiusa lavur en favur dalla vischnaunca da Vuorz. Il vicepresident, Andreas Cadonau dat ina cuorta survesta dalla lavur prestada dil president communala
duront ils davos 6 onns d’uffeci ed engrazia cordialmein a Luzi Pfister per la grondiusa e fretgeivla
lavur en favur dil beinstar dalla vischnaunca.
Finiziun dalla radunonza allas 21.40 uras.
Vuorz, ils 22-11-2013
Il president:
Igl actuar:
Luzi Pfister
Gian Carlo Albin