Fegl Ufficial Surselva 22-01-2016
Transcription
Fegl Ufficial Surselva 22-01-2016
Administraziun communala Gemeindeverwaltung Publicaziuns ufficialas dils 22-01-2016 Elecziuns communalas 2016 Uffecis politics che crodan en elecziun Tenor art. 11 dalla constituziun communala han las elecziuns communalas liug uonn. En elecziun crodan ils suandonts posts e mandats politics: a) president communal b) geraus c) commembers dalla cumissiun da quen e gestiun d) commembers dalla cumissiun da baghegiar Tenor art. 20 dalla lescha da votaziuns ed elecziuns succedan las elecziuns per regla denter igl 1. d’avrel ed ils 15 da zecladur. Demissiuns Persunas che seretilan d’in uffeci communal, ston communicar quei a scret alla suprastonza communala entochen ils 31 da schaner (bul postal) digl onn d’elecziuns. Tgi ch’intenziunescha da demissiunar ei supplicaus da risguardar il termin sura indicau. Preavis ed informaziun Abdicaziuns La gliesta cullas persunas che han demissiunau vegn publicada a dretg temps el «Fegl ufficial Surselva». Nominaziuns novas Ufficials che seretilan buca, valan sco proponi. Ils vischinadis e gruppaziuns da silmeins 15 votant/as san far nominaziuns da candidat/as per scadin post che stat en elecziun. Tuttas propostas per la gliesta ufficiala ein d’inoltrar en scret all’administraziun communala entochen ils 15 da mars. Ils corrispundents formulars san vegnir retratgs dalla canzlia. Las candidaturas ston mintgamai cuntener num, prenum, onn da naschientscha, liug e professiun dil nominau. Sumvitg, 22-01-2016 Suprastonza communala Sumvitg Preavis / Radunonza communala La proxima radunonza communala ha liug mardis, ils 15 da mars 2016 allas 20.00 uras a Surrein. La gliesta da tractandas vegn publicada a dretg temps. Sumvitg, 22-01-2016 Suprastonza communala Alarm d’emprova dallas sirenas Mesjamna, ils 3 da fevrer 2016 han ils alarms d’emprova liug. Igl alarm general vegn fatgs allas 13.30 ed alla 14.15 uras ed igl alarm d’aua allas 14.45 uras. Nus supplichein Vus da prender enconuschientscha da quella informaziun. Sumvitg, 22-01-2016 Suprastonza communala Sumvitg -2Orientaziun e fundaziun Uniun Archiv cultural Sumvitg Ina gruppa d’interess vul fundar l’Uniun Archiv cultural Sumvitg. Ina dallas finamiras da quell’uniun ei la rimnada ed igl archivar mussaments dalla gronda ierta culturala da nossa vischnaunca. Tut tgi che ha interess, indigens ed era persunas d’ordeifer nossa vischnaunca, ein cordialmein envidai ad in‘orientaziun sur da quella nov‘uniun e sias finamiras. Gest suenter l‘informaziun duei l’Uniun Archiv cultural Sumvitg lu vegnir fundada. Era persunas d’ordeifer nossa vischnaunca san daventar commembras ni commembers da quell’uniun. Tut tgi che vul s’informar e forsa era entrar en quella nov‘uniun ei cordialmein envidaus dumengia, ils 31 da schaner 2016 allas 14.00 uras en casa da scola a Surrein. Ei vegn organisau pusseivladads da transport cun auto naven da Rabius, Sumvitg e Cumpadials. Tgi che vul far diever da quella purschida duei s’annunziar tier Walter Deplazes (081 943 25 60) entochen, sonda ils 30 da schaner 2016 allas 12.00 uras. La gruppa d’interess Uniun Archiv cultural Sumvitg selegra sin Vossa presenza. Uniun da dunnas Surrein Radunonza generala, ils 23 da schaner 2016 alla 19.30 ella Greina Surrein. I’invitaziun cun la gliesta da tractandas ei vegnida tarmessa tier per e-mail ni posta. Tuttas commembras, era novas ein cordialmein evidadas. Salids la suprastonza Sera da scursalar Venderdis, ils 22 da schaner 2016 naven dallas 18.30 Bar naven dallas 18.30 ella Destillaria Candinas, offerius da Sumvitg Turissem. La segirada ei caussa dils participonts. Capellina e cazzola da sac/cazzola da frunt ein obligatorics. Igl autobus carrescha naven da Giachentrina. Cordialmein envida Sumvitg Turissem Schlittelplausch Freitag, 22. Januar 2016, ab 18.30 Uhr Bar ab 18.30 Uhr in der Destillaria Candinas, offeriert von Sumvitg Turissem. Die Versicherung ist Sache der Teilnehmer. Helm und Taschen- oder Stirnlampe sind Obligatorisch. Der Autobus fährt ab Giachentrina. Es lädt herzlich ein Sumvitg Turissem Corporaziun d’alps Sumvitg Radunonza dils purs da nuorsas, mardis, ils 26 da schaner 2016 allas 20.00, ustria Greina, Surrein All’entschatta orientaziun da Jan Boner, Plantahof, Thema: Tgauns da protecziun sin l’alp Greina Tractandas: 1. Beinvegni ed appel 2. Elecziun d’in dumbravuschs 3. Approbaziun dil protocol dalla davosa radunonza 4. Presentaziun dil quen 2015 5. Orientaziuns 6. Varia La suprastonza -3Corporaziun d’alps Sumvitg Radunonza generala, gievia, ils 4 da fevrer 2016 allas 20.00, ustria Cruna, Sumvitg Tractandas: 1. Beinvegni ed appel 2. Elecziun da dus dumbravuschs 3. Approbaziun dil protocol 4. Rendaquen 2015 5. Mutaziuns 6. Midada d’ordinaziuns 7. Elecziuns 8. Investiziuns 9. Orientaziuns 10. Varia La suprastonza