Publicaziuns ufficialas dils 24-03-2016

Administraziun communala
Gemeindeverwaltung
Publicaziuns ufficialas dils 24-03-2016
Damonda da baghegiar
Nr. 23/2016
Datum da publicaziun:
Patrun:
Representant:
Liug e parcella:
Object:
24-03-2016
Placi Giusep Pelican, 7173 Surrein
Anna Tina Flepp, 7173 Surrein
Planatsch; 813
spazzar puschinera e construir suoschna pigl auto cun terrassa
Ils profils ein tschentai ed ils plans da construcziun ein deponi tier la canzlia communala.
L’investa publica cuozza 20 dis dapi il datum da publicaziun.
Eventualas protestas encunter sura damonda da baghegiar ein d’inoltrar alla cumissiun da
baghegiar Sumvitg enteifer 20 dis dapi il datum da publicaziun.
Sumvitg, 24-03-2016
Cumissiun da baghegiar
Exposiziun publica da cooperaziun dalla planisaziun locala
Sebasond sin art. 13 dall'ordinaziun cantunala davart la planisaziun dil territori (OPTGR) ha
liug l'exposiziun da cooperaziun pertuccont la revisiun parziala dalla planisaziun locala dalla
vischnaunca Sumvitg.
Project:
Revisiun parziala planisaziun locala
Acts d'exposiziun:
- rapport da planisaziun e cooperaziun
- revisiun parziala plan da zonas, Cumpadials, 1:1'000
- revisiun parziala plan da zonas, Surrein, 1:1'000
Cuoz da publicaziun:
11 da mars entochen ils 11 d'avrel 2016 (30 dis)
Liug e temps da publicaziun:
Canzlia communala Sumvitg, duront il temps ufficial da
spurtegl
Duront il temps da publicaziun sa mintgin inoltrar a scret propostas ed objecziuns tier la
Suprastonza communala.
Sumvitg, 24-03-2016
Suprastonza communala Sumvitg
Uffeci civil Cadi
Naschientscha
Bearth Luca, naschius ils 16-03-2016 a Glion, affon da Fabian e Sandra Bearth, sesents a
Rabius, Fravia 472F.
Sumvitg, 24-03-2016
Controlla da habitonts
-2Candidats proponi per elecziuns communalas
(perioda d’uffeci 2016 – 2019)
Tenor art. 22 dalla lescha da votaziuns ed elecziuns ein las suandontas candidaturas
vegnidas annunziadas entochen ils 15 da mars all'administraziun communala. La successiun
dils nums sepresenta cheu sut sco previda ella lescha tenor alfabet.
President communal
Candinas Armin, Rabius (veder)
Geraus
Candinas Robert, Rabius (veder)
Deplazes Ignaz, Surrein (veder)
Duff Marcus, Cumpadials (veder)
Cumissiun da quen e gestiun
Cajacob Claudio, Sumvitg (veder)
Decurtins Rafael, Sumvitg (niev)
Lutz Gion, Rabius (niev)
Cumissiun da baghegiar
Bundi Martin, Sumvitg (veder)
Flepp Felix, Surrein (veder)
Monn Erwin, Sumvitg (niev)
Tuor Eduard, Rabius, (veder)
Sumvitg, 24-03-2016
Suprastonza communala
Lenna da brisch 2016
La vischnaunca da Sumvitg offerescha a vischinas e vischins la cumpra da lenna da brisch
sco suonda:
Pégn
Igniu
55.00 frs/m3
Ogna
Sulagval
Sulagval
80.00 frs/ster (resgiau sin 1 m)
60.00 frs/ster (liung)
Il quantum d’ogna ei limitaus.
Ils prezis secapeschan excl. taglia sin plivaleta. Cundiziuns da pagament ein 30 dis netto.
Bugen offerin era lenna resgiada, fendida e transports tochen a casa.
Interessents san annunziar lur empustaziuns a scret agl Uffeci forestal Sumvitg, 7175
Sumvitg, ni e-mail: [email protected], ni per telefon (081 920 25 06). Las
empustaziuns ston succeder entochen sil pli tard venderdis, ils 1 d’avrel 2016.
Bien engraziament per Vossa empustaziun!
Sumvitg, mars 2016
Il selvicultur da revier
Flurin Cathomas
-3Vignettas da mopeds
La vignetta da mopeds 2016 sa vegnir retratga tier l'administraziun communala. La taxa munta
frs. 50.--.
Sumvitg, 24-03-2016
Administraziun communala
Serrada via Val Sumvitg
Ord motivs da segirtad resta la via Val Sumvitg serrada naven d’immediat sil tschancun da Val
anen per tut traffic.
Sumvitg, 24-03-2016
Departament stradal
Annunzia scoletta per igl onn da scola 2016/17
Il scriver cul talun d’annunzia obtegnan ils geniturs dils affons dall’annada 2011 ils proxims dis.
Ils affons dall’annada 2010 che han gia frequentau in onn scoletta valan sco annunziai. En
cass che Vus retscheveis negin scriver ni che Vus haveis ulteriuras damondas astgeis bugen
contactar nus duront las uras da spurtegl (gliendisdis 13.00–16.00 e gievgia 13.30–16.30) sut
081 936 33 04. Consorzi da scola Sumvitg-Trun Administraziun
Pleivs vischnaunca Sumvitg
La radunonza generala e decisiun dalla fusiun entras mintga singula pleiv ha liug mardis, ils 5
d’avrel 2016, allas 20.00
• per la pleiv da Sumvitg-Cumpadials, a Sumvitg ell’aula dalla casa da scola
• per la pleiv da Rabius, a Rabius, aula, casa da scola
• per la pleiv da Surrein a Surrein, aula, casa da scola
Cordial beinvegni Las suprastonzas da pleiv
Pro Senectute Surselva
Niev! Meisa da miezdi (gentar communabel) a Cumpadials
Pro Senectute Surselva organisescha ensemen cun Nadja Scolieri ell’ustria dalla Staziun a
Cumpadials ina meisa da miezdi (gentar communabel) inagada per meins, mintgamai il
venderdis. Intent dalla meisa da miezdi duei esser da promover la cuminonza ella
vischnaunca da Sumvitg e contuorn denter las persunas ella vegliadetgna dalla pensiun.
Plinavon dat ei la pusseivladad d’embellir quella occasiun cun star suentermiezdi da
cumpignia cun dar in scart troccas ni auters giugs.
Liug:
Ustria dalla Staziun, 7176 Cumpadials
Datum:
venderdis, ils 8 d’avrel allas 12.00
Prezi: 18.
francs per persuna cumpriu gentar cun dessert e cafè
Annunzias: Ein da far entochen gievgia sera tier l’ustria dalla Staziun, Cumpadials, tel. 081
943 19 22.
Uniun Samaritana Sumvitg-Trun
Nies proxim exercezi meinsil ha liug gliendisdis, ils 4 d’avrel 2016 allas 20.00 en casa da
scola a Trun. Tema: Beat Keller seprofundescha cun nus el tema oxigen. Interessent/as che
ein buca commembers dall’uniun ein era cordialmein envidai. Nus giavischein a tuts bialas
fiastas da Pastgas e schein a bien seveser. La suprastonza
-4Corporaziun d’aua e glisch Rabius
Radunonza generala
Sonda, ils 2 d’avrel 2016 allas 20.00 el hotel Surselva.
Tractandas:
1. Beinvegni
2. Perstgisas, gliesta da tractandas
3. Elecziun dumbravuschs
4. Protocol radunonza generala 2015
5. Rendaquen
– rapport cassier
– rapport revisur/a
– approbaziun e scarica
6. Rapport dil president
7. Elecziuns:
– actuar
– cassier
8. Aquaduct
9. Illuminaziun
10. Orientaziuns
11. Varia
La suprastonza