BASCOUL (Jean), notaire de Villemur (Villemur-sur
Transcription
BASCOUL (Jean), notaire de Villemur (Villemur-sur
BASCOUL (Jean), notaire de Villemur (Villemur-sur-Tarn, Haute-Garonne), minutes 1621-1623, Archives départementales de la Haute-Garonne, cote 3E 21782, f° CV, PH/JCHR/6062 Testament, montruffet Au nom de dieu soict l an mil six cens vingt un et le unziesme jour du moys de decembre environ midy dans la maison de gabriel & guill(aume) montruffetz fre(res) au lieu del terme viscomte de villemur dioceze bas montauban e(t)( )sen(echau)cee de( )t(ou)l(ous)e, regnant not(re) souverain prince louys par la grace de dieu roy de france e(t) de navarre pardevant moy notaire e(t) tesmoingz bas nommes personnellem(en)t estably led(it) guilhaume montruffet laboureur dud(it) lieu del terme, lequel gisant dans son lit en la salle de lad(ite) maison dettenu de certaine maladye corporelle toutesfoys dieu graces bien voyant oyant e(t)( )parlant et estant en ses bons sens jugement memoire e(t) cognoissance, considerant ny avoir rien de plus certain que la mort ny de plus incertain que l heure d( )icelle non induict ny suborné de personne comma a declaré mais de son bon gré a faict et() ordonné son testament non cupatif en la forme que s( )ensuit premierement a invoque le nom de dieu pere filz e(t)( )sainct (e)sprit le supplyant de bon coeur luy faire pardon e(t)( )remission de tous ses peches pour l( )amour de son bien ayme filz not(re) seigneur jesus christ et vouloir colloquer son ame en son paradis celeste, apres a vouleu e(t) ordonné veut e(t) ordonne led(it) testateur qu'apres son deces son corps soict ........................................................................ c vi ensepvely au simetiere dud(it) lieu del terme selon la forme de la relligion catholique appostolique romayne dont faict proffession, remettant ses honneurs funebres a la discretion de son fre(re) e(t) heri(tie)r cy apres nommé, declare led(it) testateur que tant luy que sond(it) fre(re) ont cy devant donné e(t) constitué a feue guillalme montruffette leur soeur lors que sé colloqua en mariage avec fran(cois) pendaries d(it) cavale des filhols la somme de cent soixante livres t(ournoi)s et aut(res) choses contenues dans le contract dud(it) mariage dont en ont payé partye voulant & entendant led(it) testateur que le restant de lad(ite) constitu(ti)on soict entierement acquitté par sond(it) fre(re) e(t) he(riti)er et moyen(n)ant ce et la somme de cinq solz qu'il donne de plus a guilhaume, jeanne e(t) guilhalme pendaries ses nepveus procrees dud(it) mariage payable par une seulle foys, les faict ses he(riti)ers par(ticuli)ers a( )ce que ne puissent aut(re) chose prethendre ny demander sur sesd(its) biens e(t) hereditte / et en tous & chacuns ses aut(res) biens meubles immeubles noms droictz voix e(t) actions p(rese)nt e(t) advenir ou que soi(e)nt sittues & en quoy que concystent led(it) guilhaume montruffet testateur a faict e(t)( )institue son h(eriti)er universel e(t) general & de sa propre (bouche) la nomme assavoir le susd(it) gabriel montruffet son fre(re) pour de( )tous sesd(its) biens e(t)( )hereditté en jouyr faire e(t) disposer a ses ................................................................................. plaisirs e(t) volontes tant en la vye qu'en la mort incontinant apres le deces dud(it) testateur et tel a dict estre son dernier e(t) valable testament que veut que vaille e(t)( )soict valable ou par droict de( )testamant ou de codicille ou de donna(ti)on faicte a( )cause de mort ou dispo(sitio)n de derniere volonte que & par tout autre droict et effet que mieux pourra valoir cassant revoquant et annullant tous aut(res) precedans sy poinct en y a sy a( )pryes e(t) requis les tesmoingz cy apres nommes e(t)( )par luy deum(en)t recognus d( )en estre memoratifz et a moy not(air)e de luy en rettenir acte ce qu( )ay faict ez presences d'anthoine sinas m(aîtr)e chirurgien de reynies, anthoine vaisse labour(eur) guill(aume) daidou, pier(re) gautier brassier del terme, ja(c)ques trebaud, gailhard quatre laboureur e(t)( )geraud vigour (ces trois mots barrés) de noyc e(t) geraud vigouroux laboureur d'orguel (lire : orgueil) lesquelz lesd(its) sinas (ce mot barré) e(t)trebaud se( )sont signes (surchargé en ->) s( )est signé avec moy jean bascoul not(air)e royal de villemur requis le testateur e(t)( )aut(res) tesmoingz ont dict ne scavoir (Suivent les signatures) J Trabaud present Bascoul not(air)e