Ci côp ci, ça î èst ! Lès soçons dès trwès
Transcription
Ci côp ci, ça î èst ! Lès soçons dès trwès
Ci côp ci, ça î èst ! Lès soçons dès trwès-anéyes ont riv’nu prinde gout à nosse sicole. Bondjoû lès novias ! Boudjoû lès pus aroutinés ! Vos vièroz, tot d’ chûte qui vos maîsses n’ont nin dwârmu, timps dès vacances. I v’sont aprèsté dès novias-ègzêrcices po v’s-aroutiner à causer nosse bia lingadje. Vos qui vint po-z-aprinde, vos vièroz qu’ tot a stî faît po qu’ vos-eûchoche aujîy au d’ là. Totes lès régues vont moussî èt d’mèrer agripéyes dins vosse tièsse, qui ç’ sèrè on plaîji. Èt vos-ôtes qui vint surtout po scrîre, n’eûchîz nin peû di v’nu lîre vosse papî à tos vos soçons. I sèrè coridjî au pére dès pôces, avou one masse di consèys po co fé brâmint mia l’ côp qui vint. Adon, gn-a surtout l’ plaîji di s’ ritrover èchone èt d’ causer on lingadje qui nos plaît télemint bin. Binauje di v’s-awè avou nos-ôtes ! Lucien SOMME www.ecoledewallon.be