Tesi i D`Erbervilëve
Transcription
Tesi i D`Erbervilëve
TESI I D’ERBERVILËVE .. Emër i shkretë, i poshtëruar! Zemra ime, si një shtrat, Ty gjithnjë ka pë t’strehuar. 3 TESI I D’ERBERVILËVE I Një mbrëmje, në gjysmën e dytë të muajit maj, një burrë me moshë mesatare po kthehej në shtëpi nga Shestoni për në fshatin Marlot, që ndodhej aty afër në luginën Blekmor, ose Blekmur. Këmbët e tij rakitike e kthenin gjithnjë nga e majta, duke e shmangur kështu nga rruga e drejtë. Herë-herë tundte kokën fort, sikur të deshte të vërtetonte ndonjë mendim, sido që nuk ishte duke menduar asgjë. Një shportë e zbrazët vezësh i varej në krah; pushi i kapeles që kishte në kokë ishte shpupurishur dhe strehët e saj ishin ngrënë nga fërkimi në ato vende ku i prekte gishti i madh kur burri hiqte kapelen. Pas pak hasi rrugës një prift të moshuar, që po udhëtonte me një pelë kërre dhe që po këndonte me vete një këngë. - Mirëmbrëma, - tha burri me shportë. - Mirëmbrëma, sër Xhon, - u përgjigj prifti. Këmbësori, pasi hodhi dhe nja dy-tre hapa, u ndal dhe ktheu kokën. - Më falni, sër; javën e kaluar, kur qe ditë pazari, ne u takuam bashkë po në këtë rrugë, po në këtë orë, dhe unë thashë: “Mirëmbrëma” dhe ju u përgjigjët, si tani, “Mirëmbrëma, sër Xhon 7 Tomas HARDI - Mundet. - Desha të di pse më keni quajtur këto herë “sër Xhon”, kurse unë jam thjesht Xhek Darbejfildi, me profesion çikrimashitës? Prifti iu afrua nja dy hapa. - Ja që ashtu desha, - tha ai dhe, pasi u mendua një çast, shtoi: - Kjo shpjegohet me këtë, që para pak kohësh jam marrë me studimin e gjenealogjive, duke dashur të shkruaj një histori të re të kontesë1 sonë, dhe atëherë papritmas bëra një zbulim. Unë jam prifti Tringhem, antikuari2 i Stegfut Lejnit. A nuk e dini, o Darbejfild, se ju rridhni në vijë të drejtë nga familja e vjetër dhe kalorsiake e d’Erbervilëve, që janë pasardhës të sër Pegan d’Erbervilit, atij kalorësi famëmadh, që erdhi në Angli nga Normandia së bashku me Vilhelm Pushtuesin, sikundër shihet në Shënimet gjenealogjike të regjistrave, që ruhen në abacinë e Betlit?3 - Këtë për herë të parë po e dëgjoj, sër. - Por ja që kështu është. Pa ngrijeni pak kokën, që unë të mund të dalloj më mirë profilin tuaj. Po, kjo është hunda dhe mjekra e dë Erbervilëve, që disi e kanë humbur fisnikërinë e dikurshme. Stërgjyshi juaj ka qenë njëri nga ata dymbëdhjetë kalorës që e ndihmuan lordin Estremavil në Normandi gjatë pushtimit të Glemorganshirit. Degë të ndryshme të fisit tuaj kanë pasur çifligje në tërë këtë pjesë të Anglisë; emrat e tyre figurojnë në regjistrat e arkëtarit mbretëror në kohën e mbretit 1 Njësi administrativo-territoriale në Angli. Njeri që merret me kërkimin dhe zbulimin e sendeve të vjetra me vlerë. 3 Kështu quhej një abaci e ndërtuar prej Vilhelm Pushtuesit për kujtim të betejës (battle betejë) 2 8 TESI I D’ERBERVILËVE Stefan.1 Në kohën e mbretit Xhon, njëri nga ata ka qenë aq i pasur, saqë u ka falur një çiflig kalorësve të urdhrit të hospitalierëve, dhe, në kohën e sundimit të mbretit Eduard II, stërgjyshi juaj, Brajani, u ftua në Uestminster për të marrë pjesë në Këshillin e Madh. Fisi juaj filloi të binte nga vakti në kohën e Oliver Kromuellit, dhe gjatë sundimit të Karlit II gjyshërit tuaj u bënë kalorës të Lisit Mbretëror për hir të besnikërisë së tyre ndaj mbretit. Në secilën brezni të fisit tuaj ka pasur nga një sër Xhon, dhe sikur titulli i kalorësit të ishte i trashëgueshëm siç është titulli i baronetit, sepse kështu ka qenë qëmoti, kur ai kalonte nga babai te i biri, ju tanido të quheshit sër Xhon me plot gojën. - Bah,ç’thoni kështu! - Me pak fjalë, - përfundoi prifti, duke i rënë këmbës së tij me shufër, - zor se mund të gjendet një fis tjetër kaq i shquar në Angli. - Më plaçin sytë! Vërtet kështu qenka! - tha Darbejfildi. Dhe unë këtu sillem kot poshtë e përpjetë, sikur të isha njeriu më i rëndomtë, më i parëndësishëm në tërë famullinë!... Po a ka kohë që janë zbuluar këto të dhëna mbi prejardhjen time, o uratë? Prifti Tringhem shpjegoi se, me sa dinte ai, këto të dhëna kishin humbur qëkuri dhe se tani zor se mund ta dinte kush këtë histori. Ai vetë i kishte nisur hulumtimet në pranverën e kaluar, kur, duke u marrë me studimin e fatit të fisit të dë Erbervilëve, kishte parë një herë emrin Darbejfild në karrocën e tij dhe kjo i kishte dhënë shkas të mblidhte fakte rreth gjenealogjisë së këtij njeriu deri sa i ishte zhdukur më në fund çdo dyshim. 1 Stefani, konti dë Blua (1097-1154), mbret i Anglisë. 9 Tomas HARDI - Në fillim nuk desha t’ju shqetësoja me të tilla lajme të padobishme, - tha ai. - Por halli se nganjëherë arsyeja nuk u bën dot ballë dëshirave tona dhe mendova se ndoshta edhe ju vetë do të dinit diçka për këtë çështje. - Po, kam dëgjuar nja dy herë se familja ime kishte qenë në gjendje më të mirë para se të shpërngulej në Blekmur. Por nuk i dhashë rëndësi, duke pandehur se njëherë e një kohë ne kishim rrojtur më mirë, sepse kishim pasur dy kuaj, kurse tani kemi vetëm një. Në shtëpi kam një lugë të vjetër argjendi dhe një vulë të vjetër të skalitur bukur, po ku mund ta dija unë i shkreti se ç’vleftë kishte ajo vulë!... Ku mund ta dija se unë dhe këto d’Erbervilë fisnikë qenkemi të një mishi dhe të një gjaku! Njerëzit thoshin se stërgjyshi im dinte disa të fshehta dhe se nuk ia kishte ënda të tregonte prej ç’vendi kishte ardhur në Blekmur… Dhe tani, o uratë, po marr guximin t’ju pyes: ku del tym mbi oxhakun tonë, dua të them, ku jetojmë sot ne, d’Erbervilët? - Ju nuk jetoni asgjëkund. Fisi juaj është shuar. - Sa keq! - Po… Sikundër thonë disa kronika familjare të rreme, fisi mori fund në vijë mashkullore – domethënë, u shua krejt. - Po ku prehemi, atëhere? - Në Kingsbir-sub-Grinhill, shumë prej jush prehen në një varrezë familjare,1 dhe shtatoret tuaja gjenden nën kubera prej mermeri të Purbekut. - Po ku i kemi shtëpitë dhe çifligjet? - Nuk keni fare. - Ah? As tokë nuk paskemi? - Nuk keni; sido që tokë, siç thashë, dikur keni pasur shumë, 1 Vend varrimi nën dhé, në trajtën e një lokali të mbuluar ku vendosen qivuret me të vdekurit. 10 TESI I D’ERBERVILËVE sepse fisi juaj ndahej në degë të shumta. Në këtë konte keni pasur një çiflig në Kingsbir dhe një tjetër në Sherton, po kështu edhe në Milpond, në Lulsted dhe në Uellbrixh. - Po a do të na kthehen ndonjëherë pronat që kishim? - Atë s’e di. - Po ç’më këshilloni të bëj, sër? – pyeti Darbejfildi, pasi heshti një grimë. - Asgjë, asgjë, përpiquni vetëm të ngushëlloheni duke vrarë mendjen se si “bien nga vakti familjet e mëdha”. Ky fakt paraqet njëfarë interesi për historianin vendas dhe për njeriun që merret me çështje gjenealogjike, vetëm kaq. Në këtë konte ka ndërmjet vendasve mjaft familje që nuk qëndrojnë më poshtë se ju në pikëpamje të fisit. Tani, mbetshi me Shëndet! - A dëshironi, o uratë, të ktheheni që të pimë bashkë me këtë rast nga një krikëll birrë? Ka birrë shumë të mirë në kabarenë “Cirka e pastër”, sido që, doemos, jo aq të mirë sa ajo që gjendet te Roliveri. - Jo, ju faleminderit, o Darbejfild; jo sonte, sepse e shoh që paskeni pirë mjaft. Me këto fjalë në gojë, prifti u nda dhe vazhdoi rrugën e vet, duke vrarë mendjen nëse kishte bërë mirë që i njoftoi Darbejfildit të dhëna të tilla interesante. Kur u largua prifti Tringhem, Darbejfildi eci disa hapa i kredhur në mendime të thella dhe pastaj u ul anës së rrugës, mbi një ledh të mbuluar me bar, ku lëshoi edhe shportën që kishte me vete. Pas disa minutash u duk së largu një djalosh, të cilit i binte rruga andej nga ishte nisur të shkonte Darbejfildi. Ky, posa e pa, ngriti dorën; atëherë djaloshi e shpejtoi hapin dhe iu qas pranë. - Merre një çikë këtë shportë, or djalë! Unë dua të të jap një 11 Tomas HARDI porosi. Djaloshi, i gjatë si stërhell, u vrenjt në fytyrë. - Ç’e pandehni veten ju, o Xhon Darbejfild, që më jepni urdhëra dhe më thërrisni “or djalë”? Ju e dini emrin tim, ashtu siç e di edhe unë tuajin. - Ku di ti gjë, more! Ti s’merr erë fare nga këto punë! Por hapi mirë veshët dhe përmbushe porosinë që do të të jap... Tani, o Fred, do të ta tregoj se si është puna: puna është se unë rrjedh nga një familje fisnike, këtë e zbulova pak më parë, sot pasdite. Dhe, duke dhënë këtë lajm, Darbejfildi, që kishte ndenjur shesh mbi ledhin, u shtri tërë kënaqësi në bar, midis luleshqerrave. Djaloshi kishte qëndruar përballë Darbejfildit dhe po e këqyrte nga koka te këmbët. - Jam sër Xhon d’Erbervili po deshe ta dish! - vazhdoi ai, duke ndenjur shtrirë. – Domethënë, do të isha i tillë sikur tani kalorësit të ishin baronetë, siç kanë qenë më parë... Për fisin tim shkruan historia. A e ke dëgjuar ti, djalë, një vend që quhet Kingsbir-sub-Grinhill? - Po. Kam qenë atje me rastin e panairit të Grinhillit. - Përfund kishës se atij qyteti prehen... - S’është qytet vendi, për të cilin e kam fjalën unë. Të paktën, nuk ishte qytet kur kam qenë atje, është një vend i vogël, i humbur. - Nuk ka rëndësi, or djalë, se çfarë vendi është ai; s’është fjala aty. Por nën kishën e asaj famullie prehen gjyshërit e mi; ata janë me qindra – që të gjithë të veshur e të ngjeshur me armë dhe të stolisur me gurë të çmuar; prehen në qivure të mëdha plumbi, që peshojnë kushedi sa tonelata. Në kontenë e SauthUeseksit nuk mund të gjesh asnjë njeri që të ketë në fisin e vet skelete më fisnike dhe më aristokratike se unë. 12 TESI I D’ERBERVILËVE - Ashtu? - Tani, dëgjo këtu. Merr këtë shportë dhe nisu për në Marlot; kur të arrish në pijetoren “Cirka e Pastër”, hyr brenda dhe thuaju të dërgojnë këtu menjëherë një kalë dhe një karrocë për të më çuar mua në shtëpi. Dhe brenda në karrocë le të vënë një shishe me rum dhe le ta Shënojnë atë në llogarinë time. Pasi ta kryesh këtë porosi, shko me shportën në shtëpinë time dhe thuaji sime shoqeje që t’i lërë të larat e të shplarat, se nuk është nevoja t’i mbarojë, dhe le të presë sa të vete unë, sepse kam për t’i dhënë lajme me rëndësi. Meqenëse djaloshi po rrinte ndërdyzash, Darbejfildi futi dorën në xhep dhe nxori një shiling – një nga ato pak shilinga që ai kishte. - Na, merre këtë, or djalë, për mundimin që do të bësh. Atëherë djaloshi filloi ta shikonte me sy tjetër këtë punë. - Mirë, sër Xhon. Ju faleminderit. Keni tjetër porosi? - Thuaju atyre në shtëpi që sonte dua për darkë ca mish qengji të pjekur, në qoftë se do të mund të gjejnë; po nuk gjetën dot, le të fërgojnë ca kurmagjak; po s’bënë dot as kurmagjak, atëherë do të ha gjellë me mullëzë. - Mirë, sër Xhon. Djaloshi mori shportën dhe u mat të nisej, kur befas nga ajo anë ku ndodhej fshati u dëgjua zhurma e një orkestre. - Ç’është kjo? – pyeti Darbejfildi. – Mos po u bien mu zikave për nderin tim? - Jo, sër Xhon; tani ka dalë për shëtitje klubi i femrave. Edhe vajza juaj është anëtare e klubit. - Vërtet, vërtet, e kisha harruar fare; isha duke vrarë mendjen për gjëra më me rëndësi! Nejse, nisu tani për në Marlot dhe porosit për mua një karrocë: po të më mbushet mendja, do të 13 Tomas HARDI shkoj ta shoh vetë atë klub. Djaloshi u largua, kurse Darbejfildi zuri të priste, i shtrirë mbi barin dhe mbi luleshqerrat, në rrezet e diellit që po perëndonte. Kaloi një kohë e gjatë pa u dukur askush aty pari dhe vetëm tingujt e lehtë të orkestrës tregonin se ishin mbledhur plot njerëz në atë luginë, që rrethohej nga bregore të kaltra. II Fshati Marlot gjendet midis disa kodrinave, në veriperëndim të një lugine të bukur, e cila, siç u tha më lart, quhet Blekmor ose Blekmur – luginë e veçuar, e rrethuar nga një varg malesh dhe ende e panjohur nga turistët dhe nga piktorët e peizazheve, ndonëse nuk ndodhet më shumë se katër orë larg Londrës. Kjo luginë mund të shihet më së miri nga maja e kodrave që e rrethojnë – me përjashtim ndoshta të stinës së thatë të verës. Një shëtitje përmes kësaj humbëtire në mot të keq, pa pasur ndonjë shoqërues me vete, mund të mos kënaqë, nga shkaku i monopateve të ngushta, gjarpëruese dhe të mbushura me baltë. Kjo krahinë pjellore dhe e mbrojtur mirë, ku fushat nuk digjen kurrë nga dielli dhe krojet nuk thahen asnjëherë, kufizohet nga jugu prej një kreshte të thepisur malore, që rrethon bregoret Hembldou-Hill, Ballgerrou, Netlkom-Taut, Dogberi, Haj Stoj dhe Bab Daun. Udhëtari që vjen nga bregdeti dhe që bën nja njëzet milje rrugë drejt veriut, duke kaluar kodrina gëlqerore e ara me grurë, dhe arrin në një nga këto rrafshnalta, sodit plot habi dhe kënaqësi vendin që ndehet te këmbët e tij si ndonjë hartë gjeografike dhe që ndryshon si nata me ditën prej viseve 14 TESI I D’ERBERVILËVE që ka përshkuar më parë. Ai ka lënë prapa kodrina të hapëta, fusha të rrahura nga dielli dhe aq të mëdha, saqë peizazhi duket i pakufizuar; rrugët atje janë të bardha, gjerdhet të ulëta e të mpleksura me bisqe drurësh, dhe atmosfera krejt pa ngjyrë. Kurse poshtë në luginë, bota duket sikur është ndërtuar ndryshe – sipas përpjesëtimesh më të vogla dhe më të hijshme; fushat janë të vogla si vathë bagëtish dhe ndodhen aq larg asaj maje, saqë gjerdhet duken si një gërshetim penjësh të blertë, të errët, që përshkojnë sfondin e gjelbër të çelët të barit. Ajri përposh është i palëvizshëm dhe ka një ngjyrë aq të kaltër, saqë largësia mesatare, siç e quajnë piktorët, merr edhe ajo një nuancë të kaltëreme, kurse horizonti rreth e rrotull ka një ngjyrë mavi të thellë. Tokat e punueshme janë të pakta, dhe pothuajse kudo shtrihet njëfarë qilimi i gjërë e i harlisur prej bari dhe drurësh, me të cilin vishen çuka e lugina më të ulëta, që rrethohen prej kodrash të larta. E tillë është lugina e Blekmurit. Ky vend paraqet jo vetëm interes topografik, po edhe historik. Qëmoti lugina njihej me emrin “Pylli i Drerit të Bardhë”, sepse me të lidhet një legjendë interesante, sipas së cilës, në kohën e mbretërimit të Henrikut III, njëfarë Tomas dë La Lind vrau një dre të bardhë shumë të bukur, të cilin mbreti e kishte ndjekur në pyll, por pastaj e kishte lënë të lirë dhe kjo vrasje kishte dhënë shkas që Tomasi to gjobitej rëndë. Asohere dhe pothuaj deri në këto kohët e fundit, këtu ka pasur pyje të dendura. Edhe sot e kësaj dite janë ruajtur gjurmë të tyre: korije të vogla prej dushku dhe tek-tuk breza të çrregullt drurësh të lartë, që veshin shpatet e luginës, si dhe pemë me trungje të zgavërt, që u bëjnë hije kullotave. Pyjet janë zhdukur, por kanë mbetur disa zakone të vjetra, të krijuara në hijen e pemëve; vetëm se shumë prej tyre vazhdojnë 15 Tomas HARDI të ruhen në një trajtë të ndryshuar ose të maskuar. Vallja e Ditës së Majit, fjala vjen, mund të organizohej pasdite në formën e një feste klubi, ose të një “shëtitjeje klubi”, sikundër quhej në këto vise. Kjo ngjarje u ngjallte kureshtje banorëve të Marlotit – atyre që ishin të rinj nga mosha – megjithëqë kuptimi i saj i vërtetë nuk ishte aspak i qartë për pjesëmarrësit e ceremonisë. Veçantia e saj qëndronte jo aq në ruajtjen e një zakoni, që kërkonte të organizoheshin vit për vit shëtitje dhe valle, sesa në këtë që pjesëmarrësit e procesionit ishin vetëm gra. Në klubet e burrave, festa të tilla organizoheshin më dendur, me- gjithëse po u ikte moda; por, qoftë drojtja e natyrshme e seksit delikat, ose qëndrimi sarkastik i meshkujve, u kishte hequr këtyre klubeve femërore, që ekzistonin ende (në qoftë se kishte klube të tjera përveç atij të Marlotit), shkëlqimin dhe harenë e tyre të dikurshme. Tani kishte mbetur vetëm klubi i Marlotit, që organizonte festa për nder të Cererës1 vendase. Për shekuj me radhë ai kishte organizuar procesione dhe vazhdon të organizojë edhe sot e kësaj dite. Të gjitha pjesëmarrëset e një procesioni të tillë ishin veshur me fustane të bardha – mbeturinë gazmore e kohës së shkuar, kur hareja dhe muaji i majit ishin, si të thuash, fjalë sinonime, kohë në të cilën njerëzve nuk u ishte bërë ende zakon të shikonin larg në të ardhmen, zakon që, ç’është e vërteta, e ka zhdukur freskinë dhe gjallërinë e emocioneve. Në fillim, procesioni, ku gratë ishin rreshtuar dy nga dy, erdhi rrotull famullisë. Ideja dhe realiteti u puqën pothuaj plotësisht kur dielli ndriçoi korteun dhe figurat spikatën në sfondin e gjerdheve të blerta dhe të 1 Sipas mitologjisë së vjëtër, Cerera ishte perëndesha e pjellorisë së tokës. 16 TESI I D’ERBERVILËVE shtëpive të stolisura me bimë kacavjerrëse, sepse, sido që të gjitha pjesëmarrëset e procesionit ishin veshur me të bardha, nuk kishte këtu dy ngjyra të bardha krejtësisht të njëjta. Disa fustane i afroheshin një të bardhe ideale, të tjera kishin një bardhësi të kaltëreme; kishte edhe nga ato fustane që, të mbajtura nga gra në moshë të thyer (dhe që ndoshta ishin lënë për shumë vjet të palosura nëpër sëndyqe) kishin marrë një ngjyrë të zverdheme prej kufome dhe që ishin të prera sipas modës së kohës së dinastisë së Gjergjëve. Veçori dalluese ishte fustani i bardhë; veç kësaj, çdo grua ose vajzë mbante në dorën e djathtë një purtekë shelgu, së cilës i ishte hequr lëvorja, kurse në të majtën një tufë me lule të bardha. Dhe secila duhej t’ia hiqte vetë lëvoren purtekës dhe t’i zgjidhte lulet me dorën e saj. Në korteun kishte disa gra në moshë të mesme e, madje, në moshë të thyer; flokët e tyre të ashpër e në ngjyrë argjendi, si dhe fytyrat e rrudhosura, të fshikulluara nga koha dhe nga hallet, merrnin një pamje pothuajse groteske dhe mjaft patetike midis atij procesioni gazmor. Ç’është e vërteta, më shumë se sa për shoqet e tyre të reja, do të mund të mësoheshin hollësira dhe të flitej për secilën nga këto gra, që kishin vuajtur të zitë e ullirit dhe kishin fituar përvojë, për secilën grua, vjetët e së cilës po i afroheshin asaj moshe, në të cilën ajo do të mund të thoshte: “Kjo moshë s’më jep më gëzim”. Por le t’i lëmë mënjanë gratë e moshuara për hir të atyre, në dejtë e të cilave gjaku rridhte i shpejtë dhe i valë. Me të vërtetë, këtu kishte më shumë vajza të reja, dhe flokët e tyre të harlisur merrinin në rrezet e diellit gjithfarë stërngjyrash: të praruara, të zeza e të murrme. Disa nga ato kishin sy të bukur, të tjera një hundë të bukur, të tjera një gojë ose shtat të bukur; 17 Tomas HARDI por vetëm pak prej tyre i kishin që të gjitha këto. Dukej qartë se tani që po kalonin para turmës së popullit, ato i shtrëngonin qëllimisht buzët, nuk dinin ta mbanin kokën drejt dhe s’mund ta fshihnin përshtypjen që u bënte vështrimi i publikut; ishin vajza të vërteta fshatarake, që turbulloheshin kur të tjerët i shikonin me vërejtje. Që të gjitha ato i ngrohte dielli njësoj, por secila kishte edhe një diell të vetin, të vogël, në rrezet e të cilit ngrohej shpirti: ndonjë ëndërr, ndonjë pasion, ndonjë tekë ose, të paktën, ndonjë shpresë të largët, të vagëlluar, e cila, duke mos gjetur ushqim, ndoshta ishte venitur, por jo aq sa të shuhej fare, dhe ajo vazhdonte të rronte, siç rrojnë zakonisht shpresat. E prandaj ishin që të gjitha të shkujdesura, dhe shumë prej tyre dukeshin shend e verë. Ato kaluan para pijetores “Cirka e pastër” dhe po linin xhadenë për të hyrë te një derë kopshti që të nxirrte në një lëndinë, kur befas njëra nga gratë thirri: - Çudi! Pa shiko, Tes Dajberfild, mos është ky yt atë, që po kthehet në shtëpi me karrocë? Një vajzë e korteut ktheu kokën kur dëgjoi këto fjalë. Ajo ishte një vajzë e pashme, ndoshta jo më e pashme se disa të tjera, por buzët e saj të kuqe si bozhure dhe sytë e mëdhenj të padjallëzuar ia shtonin edhe më tepër hijeshinë. I kishte flokët të lidhur me një kordele të kuqe dhe midis grave të veshura me të bardha ishte e vetmja që mund të lëvdohej për një stoli të tillë të rrallë. Kur ajo ktheu kokën të shikonte, Darbejfildi po kalonte xhadesë me një llandon të “Cirkës së pastër”, të cilin e ngiste një vajzë e Shëndoshë dhe flokëdredhur, me mëngë të përveshura përmbi bërrylë. Ajo ishte një shërbëtore fytyrëqeshur e pijetores, e cila kryente nganjëherë edhe detyrën e kujdestarit të kuajve 18 TESI I D’ERBERVILËVE dhe atë të sejmenit. Darbejfildi, i mbështetur te shpinëza e llandonit dhe me sy të mbyllur nga kënaqësia, po bënte shenja me dorë dhe po këndonte menga- dalë në formë recitali: - Kam – në Kingsbir – një varrezë – të madhe – familjare dhe – kalorës – stërgjyshë – prehen – atje – në qivure – plumbi! Anëtaret e klubit ja plasën gazit – që të gjitha me përjashtim të Tesit, së cilës dukej se i vinte rëndë që i ati po bëhej qesharak në sy të botës. - Është i lodhur, s’ka asgjë të keqe, - tha ajo me të shpejtë, - dhe po shkon në shtëpi me karrocë, sepse kali ynë sot bën pushim. - Sa e padjallëzuar që je, moj Tes! – thanë shoqet e saj. - Ai sot ka pirë e është bërë tapë në Pazar. Ha-ha! - Dëgjoni këtu, unë kërcas e iki po vazhduat të qeshni me të! – klithi Tesi, dhe të kuqtë, që vërehej në faqet e saj, i mbuloi fytyrën dhe qafën. Për një çast, sytë iu mbuShën me lot dhe ajo uli kokën. Shoqet, pasi e vunë re që i kishin shkaktuar brengë, nuk thanë më asnjë fjalë, dhe rregulli zotëroi përsëri. Kryelartësia nuk e la Tesin të kthente kokën edhe një herë për të parë se ç’do të bënte i ati dhe vazhdoi rrugën bashkë me shoqet deri te një vend i rrethuar me gardh, ku do të vallëzonin. Kur arritën atje, ajo e kishte mbledhur veten dhe, duke i rënë fqinjës me shufër në kurriz, po fliste e po qeshte si gjithnjë. Në këtë periudhë të jetës së saj, Tes Darbejfildi nuk ishte, si të thuash, veçse një enë ndjenjash dhe emocionesh, të pa prekura ende nga përvoja. Megjithëse kishte kryer shkollën e fshatit, nuk kishte hequr dorë nga shqiptimi vendas, dhe për dialektin e kësaj krahine ishte karakteristik përdorimi i tepruar i tingullit “e” - tingull jo më pak ekspresiv se cilido tjetër në të folmen njerëzore. Buzët e trasha e të kuqe, nga të cilat dilte aq 19 Tomas HARDI shpesh ky tingull, nuk kishin marrë ende trajtën e tyre të prerë; kur vajza mbyllte gojën, pasi pushonte së foluri, buza e poshtme e ngrinte pakëz lart atë të sipërmen. Në fytyrën e saj fshihej ende diçka foshnjarake. Tek po ecte sot – ashtu e qeshur, e bukur, tërheqëse - faqet e saj e tregonin herë-herë si ndonjë vajzë dymbëdhjetë vjeçe, sytë e shkëlqyer si nëntë vjeçe dhe përvijat e gojës si pesë vjeçe. Mirëpo, pakkush e vinte re këtë dhe pothuaj askush nuk e mendonte. Të panjohurit – këta ishin të paktë - e vështronin një copëherë duke kaluar rrugës dhe, të magjepsur nga freskia e saj, vrisnin mendjen nëse do të kishin rast ta shihnin edhe herë tjetër. Por gati për të gjithë ajo ishte një vajzë e bukur fshati dhe vetëm kaq. Askush nuk e pa dhe nuk e dëgjoi më Darbejfildin në qerren e tij triumfale, që e ngiste një kujdestare kuajsh, dhe kur procesioni mbërriti në vendin e rrethuar me gardh, filluan vallet. Meqenëse nuk kishte burra në mesin e tyre, në krye vajzat kërcyen me njëra-tjetrën, por më pas, kur mbaroi dita e punës, banorët meshkuj të fshatit, së bashku me disa kureshtarë, u mblodhën te gardhi dhe dukej se kishin shumë dëshirë të kërcenin me to. Midis këtyre spektatorëve ndodheshin tre djelmosha, që zinin një vend disi më të lartë në shkallën shoqërore; ata kishin nga një trastë të vogël në shpinë dhe në duar mbanin shkopinj të fortë. Ngjashmëria dhe mosha e tyre tregonin se ata mund të ishin vëllezër, dhe të tillë ishin me të vërtetë. Më i madhi kishte veshur rroba vikari1 - një kravatë të bardhë, një jelek të mbyllur, një kapele strehëngushtë; i dyti ishte student; pamja e të tretit, që ishte më i vogli, nuk lejonte t’i bëhej ndonjë karakterizim; në sytë dhe në veshjen e tij vërehej njëfarë shkujdesjeje, që tregonte 1 Prift, ndihmës famullitar 20 TESI I D’ERBERVILËVE se zor që ai ta kishte gjetur ende rrugën e tij të jetës; ngelej për t’u menduar se ndoshta ai ishte i gatshëm të merrej me çdo lloj pune apo mjeshtërie mjaft që ajo t’i tërhiqte vëmendjen. Këta tre vëllezër u thanë disa të njohurve të atyshëm se ata po i kalonin pushimet e pashkëve duke bërë një shëtitje nëpër luginën e Blekmurit dhe se, pasi kishin dalë nga qyteti Sheston, po shkonin prej verilindjes në jugperëndim. Ata u mbështetën me shpinë te dera e kopshtit që ishte anës së rrugicës dhe pyetën ç’ishte ajo valle dhe pse ishin veshur vajzat me rroba të bardha. Shihej se dy vëllezërit e mëdhenj nuk kishin ndër mend të ndaleshin gjatë këtu, por të tretin dukej se e tërhiqte pamja e atij grupi vajzash që po kërcenin, pa kavalierë, dhe ai nuk donte të largohej së andejmi. Ai hoqi trastën e udhës, e lëshoi bashkë me stapin mbi disa kaçube që ishin anës rrugës dhe hapi derën. - Ç’kërkon të bësh, Enxhel? – pyeti i madhi. - Kam qejf të hyj brenda e të kërcej me to. Pse të mos qëndrojmë nja dy minuta këtu, s’kemi për t’u vonuar shumë. - Jo, jo, s’bën! – ia preu i pari. – Të kërcejmë faqe botës me një turmë fshatarkash! Po sikur të na shihte kush? Eja të nisemi, se përndryshe do të erret para se të arrijmë në Stourkesëll, dhe më afër se atje nuk kemi ku ta kalojme natën; veç kësaj, para se të biem për të fjetur, lipset të lexojmë edhe një kapitull nga “Përgjigjja ndaj agnosticizmit”, gjersa mora mundimin dhe e futa biblën në trastë. - Mirë, unë do të të arrij ty me Kathbertin pas pesë minutash. Ju mos qëndroni; unë jap fjalën se do t’ju arrij, Feliks. Dy të mëdhenjtë u larguan si me pahir dhe vazhduan rrugën, pasi morën me vete çantën e të vëllait, në mënyrë që ky të mund t’i arrinte më lehtë, ndërsa i vogli hyri në lëndinë. 21 Tomas HARDI - Sa keq kështu, moj shpirte! – iu drejtua ai me mirë - sjellje gjatë ndërprerjes së valles nja dy a tri vajzave që ishin më afër. – Po ku i kini kavalierët? - S’kanë dalë ende nga puna, - u përgjigj ajo që ishte më e hedhur e më e gjallë. - Së shpejti do të vijnë. Deri atëherë, a dëshironi të jeni kavalieri ynë, sër? - Po si jo! Vetëm se unë jam një, kurse ju qenki shumë. - Më mirë një se asnjë. Është gjë fort e mërzitshme të rrish e të numërosh kështu në vend. Askush s’të përqafon, askush s’të shtrëngon. Tani, zgjidhni e merrni. - Shsh... mos e zgjat kaq! – tha një nga vajzat më të turpshme. Djaloshi, i ftuar në këtë mënyrë, u hodhi atyre një vështrim dhe u mundua të zgjidhte ndonjërën; por meqenëse ato vajza po i shihte për herë të parë; zgjedhja dukej një punë e vështirë. Ai mori të parën që i ra në sy, e cila nuk qe vajza që kishte folur me të, sado dëshirë që kishte pasur ajo, dhe as Tes Darbejfildi. Në betejën e jetës, druri gjenealogjik, stërgjyshërit – skelete, arkivi monumental dhe tiparet e dë Erbevilëve nuk i ndihmuan hëpërhë Tesit dhe as që po tërhiqnin për të kavalierë në dëm të fshatarkave të thjeshta. S’vlen shumë gjaku normand kur mungon pasuria viktoriane.1 Emri i vajzës, që doli më e fituar se të tjera, nuk është ruajtur për breznitë e ardhshme, por asaj i patën smirë, sepse atë mbrëmje ajo qe e para që pati fatin të kërcente me një kavalier. Sidoqoftë, aq e madhe është forca e shembullit, saqë të rinjtë e fshatit, të cilët zakonisht nuk nguteshin të shkonin në lëndinë kur s’kishte ndonjë të huaj, u derdhën tani atje, dhe pas një 1 Domethënë, që i përket periudhës kur ishte në fron mbretëresha Vik toria (1837-1901) 22 TESI I D’ERBERVILËVE grime u formuan plot çifte me vajza dhe me djelmosha fshati. Pas pak, edhe femra më e humbur e klubit gjeti me kë të vallëzonte. Trokëlliti sahati i kishës, dhe befas studenti tha se duhej të ikte... kishte harruar fare... duhej të arrinte shokët... Tek po largohej nga valltarët, vështrimi i tij ra mbi Tes Darbejfildin, dhe, ç’është e vërteta, sytë e saj të mëdhenj shprehnin njëfarë qortimi që ai nuk kishte zgjedhuar atë. Edhe atij i erdhi keq që nuk e pat vënë re (fajin për këtë e kishte ndrojtja e saj e tepruar) dhe me këtë mendim në kokë ai u largua nga lëndina. Nga shkaku i vonesës, djaloshi u lëshua me vrap tatëpjetë monopatit, që binte nga perëndimi, kaloi me të shpejtë një grykë të ngushtë dhe u ngjit në një bregore. Vëllezërit ende s’i kishte arritur, por u ndal që të merrte frymë dhe vështroi prapa. Atje, në lëndinën e gjelbëruar, ai shquante figurat e bardha të vajzave, që silleshin qark, siç ishin sjellë kur ai kishte qenë ndërmjet tyre. Ato dukej se e kishin harruar fare atë. Që të gjitha e kishin harruar – me përjashtim mbase të njërës. Ajo figurë e bardhë qëndronte mënjanë, pranë gardhit. Së largu djaloshi e njohu përnjëherësh – ishte vajza e hijshme, me të cilën ai nuk kishte kërcyer. Sido që ishte gjë pa rëndësi, prapëseprapë ai ndjeu instinktivisht se vajza kishte mbetur e fyer nga mospërfillja e tij. Djalit i erdhi keq që s’e kishte ftuar të kërcente, i erdhi keq që nuk e kishte pyetur për emrin e saj. Ajo ishte aq e thjeshtë, aq e këndshme; dukej aq e ëmbël me atë fustanin e saj të bardhë e të hollë, saqë ai e kuptoi se kishte vepruar si ndonjë budallë. Sidoqoftë, tani nuk kishte ç’të bënte; prandaj, duke kthyer krahët, shpejtoi hapin dhe pas pak e harroi vajzën pothuajse fare. 23 Tomas HARDI III Tes Darbejfildit nuk i doli shpejt nga mendja kjo ngjarje. Ajo ndenji një copëherë të gjatë pa kërcyer, megjithëse kavalierë kishte plot, por – ah! – ata nuk flisnin aq ëmbël sa kishte folur ai djalosh i panjohur. Dhe vetëm kur rrezet e diellit përpinë figurën e djaloshit, që po zhdukej përtej kodrës, ajo e mposhti atë brengë të çastit dhe pranoi të vallëzonte me të parin kavalier që i doli përpara. Ajo ndenji me shoqet derisa u ngrys dhe gjente njëfarë kënaqësie në vallet, por lëvizjet trupore sipas ritmit të muzikës ajo i shijonte vetëm si lëvizje, sepse zemra e saj ende nuk ishte prekur prej askujt; megjithëse shihte “brengat e ëmbla, gëzi- met e hidhura, vuajtjet e dhemshura dhe dëshpërimin e këndshëm” të atyre vajzave, të cilave u vinin rrotull djel- moshat dhe ua fitonin zemrat, Tesit as që i shkonte ndër mend se ç’do të mund të bënte ajo vetë. Lufta dhe zënka që bënin djemtë për të kërcyer me të gjatë xhigës1 , ishin për të vetëm njëfarë argëtimi, dhe kur kavalierët e tepronin me sjelljen e tyre, ajo i qortonte. Mbase do të kishte ndenjur edhe më gjatë sikur të mos i qe kujtuar plot shqetësim sjellja e çuditshme e të atit; duke mos kuptuar ç’i kishte ngjarë, u largua nga valltarët dhe shkoi në fund të fshatit, ku e kishte shtëpinë. Pak para se të arrinte në shtëpi, i zuri veshi disa tinguj ritmikë, krejt të ndryshëm nga ata që kishte lënë në çastin e largimit nga lëndina dhe që ajo i njihte mirë, fort mirë. Kjo ishte një trokëllitje, që dëgjohej nga shtëpia dhe që shkaktohej nga përkundja e fortë e një djepi të vendosur mbi një dysheme 1 Një lloj valleje. 24 TESI I D’ERBERVILËVE prej plloçash; atë trokëllitje e shoqëronte një zë gruaje, që ishte duke kënduar me një ritëm të rrëmbyeshëm vargjet e preferuar të këngës “Lopa laragane”: E pashë tek rrinte shtrirë n’atë korije të gjelbëruar. Eja shpejt me mua, shpirt, se kam për të ta treguar. Për një çast pushonin në të njëjtën kohë edhe trokëllitja e djepit, edhe kënga; melodia ia linte vendin një zëri të lartë gruaje, që thërriste: - Zoti t’i bekoftë syçkat e tua si inxhi! Dhe faqet e tua si kurabi! Dhe gojën e vogël si qershi! Dhe këmbkat e tua të ëmbla! Dhe çdo pjesë të trupit tënd! Pas këtyre bekimeve fillonin prapë trokëllitja e kënga, dhe “Lopa laragane” dilte përsëri në skenë. Kjo vazhdoi edhe kur Tesi hapi derën, hyri brenda dhe u ndal mbi rrogozin, duke këqyrur pamjen që i doli para syve. Me gjithë këngën, ajo dhomë i ngjalli vajzës një brengë të patreguar. Pas një dite feste e plot hare – fustanet e bardha, tufat me lule, shufrat prej shelgu, vallëzimet në lëndinën e bleruar, lindja e një ndjenje simpatie ndaj të panjohurit – ja, tani, kjo brengë e hidhur, kjo dhomë e ndriçuar nga një qiri i vetëm... çfarë ndryshimi i madh! Përveç kontrastit të menjë- hershëm, atë e vriste ndërgjegjja që nuk ishte kthyer më parë, për t’i ndihmuar nënës në punët shtëpiake, në vend që të zdërhallej jashtë me shoqet. Aty ishte e ëma, e rrethuar nga fëmijët, ashtu siç e kishte lënë Tesi - e kërrusur mbi govatë, ajo po lante teshat, punë kjo që zakonisht zgjaste nga e hëna deri në fund të javës. Nga ajo govatë ishte nxjerrë një ditë më parë, Tesit i theri në zemër kur e mendoi këtë, fustani i bardhë, cepin e të cilit ajo e kishte ndragur padashur duke u hedhur mbi barin e njomë – fustan i shtrydhur 25 Tomas HARDI dhe i hekurosur nga duart e së ëmës. Si zakonisht, misis Darbejfilldi kishte qëndruar vetëm me njërën këmbë pranë govatës, kurse me këmbën tjetër po tundte djepin e foshnjës. Këmbëzat e djepit binin mbi dyshemenë e gurtë, siç kishin rënë gjatë shumë vjetësh nga pesha e fëmijëve të shumtë, dhe ato këmbëza ishin bërë pothuajse të sheshta, keshtu që djepi, kur përkundej, hidhej përpjetë dhe, si ai meqiku i endësit, e troshiste foshnjën nga një anë në tjetrën. Dhe misis Darbejfildi, e nxitur nga vetë kënga e saj, e përkundte djepin me këmbë me atë pak fuqi që i kishte mbetur pas një dite të gjatë pune të lodhshme mbi govatë. Tuk-tuk, tuk-tuk – kërciste djepi; flaka e qiririt ishte zgjatur dhe tani kishte filluar të ngrihej e të ulej; ujët i kullonte nënës nga bërrylet, dhe kënga po arrinte në fund të strofës, kur misis Darbejfildi ngriti sytë dhe pa të bijën. Edhe tani që kishte një tufë me fëmijë, Xhoana Darbejfild kishte mbetur një amatore e flaktë e këngëve. Çfarëdo këngë e re që të përhapej në luginënë e Blekmurit, nëna e Tesit e mësonte brenda një jave. Në fytyrën e kësaj gruaje dukej ende freskia dhe, madje, hijeshia e moshës së rinisë, dhe ishte e qartë se bukuria, me të cilën mund të krenohej Tesi, ishte kryesisht një dhunti e nënës dhe rrjedhimisht ishte një trashëgim joaristokratik, johistorik. - Ma lër djepin ta tund unë, nënë, - tha vajza me të butë. – Apo të heq fustanin dhe të të ndihmoj për të shtrydhur plaçkat? Unë pandehja se ti do të kishe mbaruar punë me kohë. Nëna nuk dukej aspak e zemëruar që Tesi ishte vonuar jashtë dhe ia kishte lënë në kurriz të gjitha punët e shtëpisë; fort rrallë e qortonte të bijën për këtë, duke mos pasur pothuaj aspak nevojë për ndihmën e Tesit, sepse ajo e kishte zakon ta lehtësonte punën e ditës duke e lënë gjithnjë për të nesërmen. Por sonte 26 TESI I D’ERBERVILËVE ajo ishte edhe më me qejf se zakonisht. Vajza s’po merrte vesh pse e shikonte e ëma ashtu – me një pamje ëndërruese, të shqetësuar dhe entuziaste. - Bëre mirë që erdhe, - tha nëna, që posa kishte mbaruar së kënduari notën e fundit. – Unë dua të shkoj të marr babin, por, veç kësaj, dua të të dëftej edhe ç’ka ngjarë. Ti, shpirtja ime, do të çuditesh kur ta dëgjosh! (Misis Darbejfildi fliste zakonisht në dialektin e vendit; bija e saj që kishte kryer shkollën gjashtëvjeçare me një mësuese londineze, fliste në dy gjuhë: në shtëpi përdorte më të shumtën e herës të folmen e vendit, kurse larg fshatit dhe me njerëz më të kulturuar – anglishten e zakonshme.) - Ka ndodhur kur unë s’isha në shtëpi? – pyeti Tesi. - Po! - Mos ka të bëjë me këtë që babi ishte kapardisur sot si ndonjë lord në karrocë? Ç’kishte që bënte ashtu? Mua, nga turpi, më vinte të futesha në fund të dheut! - Kapardisja e tij ishte me vend. Tani po marrim vesh se ne qenkemi soji më fisnik në tërë kontenë... stërgjyshërit tanë paskan qenë të njohur qysh përpara Oliver Kromuelllit, qysh në kohën e turqve paganë, dhe ne paskemi përmendore, varreza familjare, shqyte, stema e plot gjëra të tjera. Në kohën e mbretit Karl u bëmë kalorës të Lisit Mbretëror, dhe emri ynë i vërtetë është d’Erbervil!... A nuk të gufon zemra nga gëzimi? Ky qe shkak që yt atë erdhi në shtëpi me llandon dhe jo ngaqë ishte i pirë, siç kanë kujtuar disa. - Gëzohem shumë. Po a do të kemi ndonjë dobi nga kjo, moj nënë? - Posi jo! Ta merr mendja që ne do të bëjmë ndryshime të mëdha. Dhe posa të merret vesh kjo, njerëzit që janë të një sëre e radhe me ne do të na vijnë këtu me llandonë. Babi e mësoi 27 Tomas HARDI këtë kur po kthehej në shtëpi nga Shestoni dhe ma tregoi tërë punën fije e për pe. - E ku është babi tani? – pyeti Tesi. Nëna, në vend që të përgjigjej, vijoi: - Sot vajti te doktori në Sheston. Duket se nuk vuan fare nga mushkëritë. Doktori thotë se i ka zënë zemra dhjamë. Ja se si është puna. – Duke thënë kështu, Xhoana Darbejfildi përkuli gishtin e madh dhe gishtin tregues, të mbuluar me shkumë sapuni, në formën e shkronjës C, kurse gishtin tregues të dorës tjetër e përdori si shkop dëftues. “Tani, - i tha ai babait, - zemra juaj është e mbuluar me dhjamë këtu dhe këtu, kurse ky vendi këtu ka mbetur ende i hapët. Kur të vishet edhe ai me dhjamë, - tha misis Darbejfildi duke bashkuar majat e gishtave, - do të largoheni nga kjo botë si ndonjë hije, o mister Darbejfild. Ju mund ta shtyni, tha, nja dhjetë vjet, por mund edhe të vdisni pas dhjetë muajsh ose pas dhjetë ditësh.” Tesi u shqetësua. I ati kishte arritur papritmas kulmin e madhështisë dhe, megjithëkëtë, mund të ikte kaq shpejt në atë botë! - Po ku është babi? – pyeti ajo përsëri. Nëna i hodhi një vështrim lutës. - Vetëm mos m’u zemëro! I gjori, e ndiente veten aq të këputur pas këtyre lajmeve, saqë vajti për ndonjë gjysmë ore në pijetoren e Roliverit. Kërkon të marrë veten, sepse nesër duhet të niset për të çuar këto koshere, sido që ne rrjedhim nga një familje fisnike. Duhet të niset që sonte, pas mesnate, se ka shumë rrugë për të bërë. - Kërkon të marrë veten! – u nxeh Tesi dhe iu mbuShën sytë me lot. – Hej, çudi! Të shkosh në pijetore për të marrë veten! Dhe ti ia pëlqen këtë mendje, moj nënë! 28 TESI I D’ERBERVILËVE Zemërimi i saj dukej sikur mbushi tërë dhomën dhe sikur u dha një pamje të frikësuar orendive, qiririt, fëmijëve, që po loznin, si edhe nënës. - Jo, - tha kjo, e fyer, - unë nuk ia pëlqej. Unë po të prisja ty të ruash shtëpinë, kurse unë do të vete ta marr. - Shkoj unë. - Jo, Tes. Ti e kupton vetë: s’bën të vesh. Tesi nuk kundërshtoi. Ajo e dinte pse s’donte e ëma. Xhaketa dhe kapela e misis Darbejfildit ishin varur mbi një fron, pasi ajo ishte bërë gati për këtë shëtitje të menduar qysh më parë. - Dhe “Treguesin e fatit” shpjere në plevicë, - vazhdoi nëna, duke fshirë me të shpejtë duart dhe duke u veshur. “Treguesi i plotë i fatit” ishte një libër i trashë, i vjetër, që ishte vënë mbi një tryezë afër saj; atë e kishin futur aq dendur në xhep, saqë i ishin ngrënë anët krejt, deri aty ku fillonin shkronjat. Tesi e mori librin, kurse e ëma u nis për udhë. Kjo vajtje në pijetore për të kërkuar burrin që s’mblidhej në shtëpi, ishte për misis Darbejfildin njëfarë argëtimi pas andrallave të mërzitshme me fëmijët. Gjetja e të shoqit te Roliveri, qëndrimi atje pranë tij një apo dy orë dhe harrimi për një hop i halleve të shtëpisë, ishte për të një lumturi e vërtetë. Një dritë, një shkëlqim i papritur hijeshonte atëherë jetën e saj. Telashet dhe ngjarjet e tjera të njimendëta fitonin një dukje metafizike, pushonin së qeni fakte të vërteta, që pezmatonin trupin e shpirtin, dhe ato shndërroheshin në fenomene spekulative më pak të rëndësishme, që mund të soditeshin me mendje të qetë. Fëmijët, kur nëna nuk i kishte para syve, i dukeshin më tepër si atribute metafizike të këndshme e të dëshirueshme; ndodhitë e jetës së përditshme paraqiteshin në një dritë gazmore dhe tërheqëse. Deri diku e ndjente veten si 29 Tomas HARDI njëherë e një kohë kur rrinte si nuse e re pranë të shoqit, që bënte çmos për t’i fituar asaj zemrën sa më shumë, dhe ajo, duke mbyllur sytë para ceneve të karakterit të tij, shihte te ai vetëm një dashnor ideal. Tesi, pasi mbeti me fëmijët, shkoi para së gjithash në plevicë dhe e futi librin e falleve në kashtë. Si grua me bestytni, e ëma ndjente një frikë të çuditshme kur shihte atë libër dhe nuk lejonte kurrë që ky të mbahej natën në shtëpi; prandaj, pasi e hapnin librin për të zbuluar ndonjë gjë, e shpinin gjithnjë në plevicë. Ndërmjet nënës, që e kishte kokën të mbushur plot me besime fetare, me gojëdhana, proverba popullore, ballada të mësuara përmendësh nga një brez në tjetrin, dhe së bijës, që kishte kryer në bazë të programeve të reja gjashtë klasë të shkollës kombëtare, hapej një hendek prej nja dyqind vjetësh. Kur rrinin bashkë, epoka e Jakut puqej me epokën e Viktories. Duke u kthyer nëpër rruginën e kopshtit, Tesi po vriste mendjen të gjente përse i qe dashur së ëmës atë ditë libri i falleve. Mendoi se ndoshta kjo kishte lidhje me zbulimin e prejardhjes familjare, por nuk besoi se kjo kishte të bënte vetëm me të, me Tesin. Duke i larguar me pahir këto mendime, ajo filloi të spërkaste me ujë teshat, që ishin tharë gjatë ditës, e ndihmuar në këtë punë nga i vëllai nëntëvjeçar, Abrahami, dhe nga e motra dymbëdhjetëvjeçare, Eliza-Luiza, të cilën njerëzit e shtëpisë e thërrisnin Liza-Lu; fëmijët e tjerë kishin rënë të flinin. Ndërmjet Tesit dhe pjesëtarit të mëpasëm të familjes kishte një ndryshim moshe prej katër vjetësh, sepse dy fëmijë të ndërmjetshëm kishin vdekur qysh në vegjëli, dhe prandaj Tesi, kur mbetej me të vegjëlit, zinte për ta vendin e nënës. Pas Abrahamit vinin edhe dy vajza, Hopi dhe Modesti1 , mandej një djalë tre vjeç dhe së 1 Shpresa dhe Urtia. 30