UMWEPISKOPI WA NYUNDO YASOJE URUZINDUKO
Transcription
UMWEPISKOPI WA NYUNDO YASOJE URUZINDUKO
UMWEPISKOPI WA NYUNDO YASOJE URUZINDUKO YAGIRIRAGA MURI PARUWASI STELLA MARIS GISENYI Abakristu bari babukereye baje kureba Umwepiskopi Nyiricyubahiro Musenyeri Umushumba wa Diyosezi ya Nyundo mu ruzinduko rwe muri Paruwasi Stella Maris Gisenyi, kuri uyu wa gatandatu tariki 26/11/2016, yatanze Isakramentu ry'Ugukomezwa ku bakristu bagera kuri magana abiri na mirongo itanu. Yabasabye gukoresha neza Ingabire bahawe barangwa n'Ukwemera aho bari hose. Umwepiskopi atanga Isakramentu ry’Ugukomezwa Yababwiye ko ubwo Roho Mutagatifu yamanukiraga ku ntumwa, bose batangiye kuvuga mu ndimi, urwo rurimi abatuye isi bakumva bamurikiwe na Roho Mutagatifu ni urukundo. Yagize ati “Iyo tuvuze amategeko icumi y'Imana ni ukuvuga urukundo rujyana no kubabarira, kuvugisha ukuri, kurangwa n'Impuhwe. Ijambo ry'Imana riratwibutsa ko tutahamagariwe kuyoborwa n'umubiri ahubwo duhamagariwe kuyoborwa na Roho.” Yahamagariye abakristu kubaha amategeko y'Imana bagahora bazirikana ko Yezu yabemereye kuboherereza Roho Mutagatifu. Uruzinduko rwe muri iyo paruwasi akaba yarushoje kuri iki cyumweru tariki 27/11/2016, ubwo yaturiraga Igitambo cya Misa abakristu bose, muri Kiliziya ya Paruwasi. Muri icyo gitambo cya Misa, yigishije abakristu kujya bagendera mu rumuri bityo bakabera abandi urugero. Uhagarariye abakristu mu ijambo rye, yeretse Umwepiskopi imiterere ya paruwasi; yavuze ko yashinzwe mu w’1954, aho igeze ubu, abakristu baharanira ko Paruwasi yabo yakomeza kujya mbere, ni muri urwo rwego ubu bavuguruye Kiliziya ya Paruwasi ikaba ifite inyubako ijyanye n’igihe ndetse bakaba bateganya no kuvugurura inyubako zo muri za Santarali. Uhagarariye ubuyobozi bw'akarere ka Rubavu, aragaragaza ibyishimo bagize ubwo batumiwe mu birori byo kwakira Umwepiskopi. Arishimira ubufatanye bwa Kiliziya Gatolika mu gufasha akarere kugera ku iterambere; yavuze ko yifuza ko ubwo bufatanye bwazakomeza. Arashimira uruhare abakristu bagira bwo kwiyubakira Paruwasi Mu ijambo yagejeje ku bakristu bahagarariye abandi, Nyiricyubahiro Musenyeri Anaclet MWUMVANEZA, Umushumba wa Diyosezi ya Nyundo yavuze ko uruzinduko yagiriye muri Paruwasi Stella Maris yabonye ko ifite abakristu babera abandi urugero kuko iyo barebeye ku bikorwa byabo bagira ishyaka ryo kubyigana. Yavuze ko yabonye ibyiza byinshi paruwasi yagezeho. Yavuze ko yishimiye impano y'inka abakristu bamuhaye. Yanabijeje ko najya abona akanya azajya ajya muri za santarali zimwe na zimwe akabaturira Igitambo cy’Ukaristiya. Kiliziya ya Paruwasi Stella Maris uyirebeye imbere Umutambagiro watangije Igitambo cya Misa Padiri Emmanuel BAMPORINEZA