Oeuvre lyrique
Transcription
Oeuvre lyrique
Richard de Fournival : Oeuvre lyrique RICHARD DE FOURNIVAL Oeuvre lyrique Texte établi par Y. Lepage (Ottawa, Université d'Ottawa, 1981) Date de composition : 1e m. 13e s., avant 1260 ; Date du manuscrit : déb. 14e s. ; Dialecte de l'auteur : picard ; Domaine : litteraire ; Genre : lyrique Transcription électronique Base de français médiéval, http://txm.bfm-corpus.org Identifiant du texte : fournival Équipe diachronie et bases textuelles d'ancien et moyen français - ENS de Lyon / UMR 5191 ICAR Céline Guillot (Direction du projet) Cette transcription est mise à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 3.0 France. Comment citer ce texte : Richard de Fournival, Oeuvre lyrique, édité par Y. Lepage, Ottawa, Université d'Ottawa, 1981. Publié en ligne par la Base de français médiéval, http://catalog.bfmcorpus.org/fournival. Dernière révision le 2012-10-12. [chansons_authentiques] file:///G:/Textes/2. Mis en forme HTML/bfm2013... 1 sur 61 Richard de Fournival : Oeuvre lyrique - 33 [chanson 1] 5 10 15 Adés m'estoie a che tenus Q'il ne vient se bien non d'amer , Or m'en est si grans biens venus Que ne m'en sai de koi vanter Fors de mon langaje gaster ! Mais je ne veil estre creüs , Puis c'on m'orra de tant loer Devant la que j'en aie plus . Je cuidoie faire vertus D'amie avoir par bel parler , Mais je ne sui pas rois Artus Pour tous mes songes averer , K'ains que g'i peüsse adeser Fu li marchiés amenteüs Ausi con cil qi veut conter Le vin ançois q'il soit beüs . file:///G:/Textes/2. Mis en forme HTML/bfm2013... 2 sur 61 Richard de Fournival : Oeuvre lyrique - 34 - 20 25 30 35 40 Ce ne me feroit croire nus Que ja feme aint fors par douner : Li plus riches est li plus drus Et li plus chier au paraler , Que ja de povre ne d'aver Ne veut feme qi soit ses drus ; Et je ne sai feme acater , Pour che si me sui trais en sus . Or me sui bien apercheüs Q'il s'en faisoit bon delivrer , Et puis que je m'en sui issus , Ja mais ne m'en kier enconbrer ; Sans amour m'estouvra canter , K'encor ne sui si esperdus Que j'en perde ja mon jüer Ne que feste a faire en refus . Cançon , je mant par toi salus Ma dame qi me veut loer Ses dous iex et ses dens menus , Ce c'on ne puet enluminer . Et si n'i peüsse clamer Fors que tant solement mon us , Qant el n'eüst mais qi laser : Autretant a chascun et plus . file:///G:/Textes/2. Mis en forme HTML/bfm2013... 3 sur 61 Richard de Fournival : Oeuvre lyrique - 36 [chanson 2] 5 10 15 20 Ains ne vi grant hardement Furnir sans folie , Et qi vient couardement , Si pert s'envaïe . Pour ç'osai jou folement Ma dame proiier merchi , Car qi fait le fol hardi Plus tost a amie Que teus repaire entour li Sagement . Il a au siecle une gent Si de sens garnie Qi sans grant cointoiement Ne proieront mie . Amours n'achate ne vent Ne ne parole par si Ne par langaje poli ; Atout sa maistrie En voit on maint esbahi De noient . file:///G:/Textes/2. Mis en forme HTML/bfm2013... 4 sur 61 Richard de Fournival : Oeuvre lyrique - 37 - 25 30 35 40 Mais cil qi garde ne prent De cose q'il die , Ains aime si durement Que tout s'i oublie , Bien aperçoit qi entent Q'il ne proie fors ensi Com amours l'a esceulli , Ne n'a baarie Fors a çou c'on ait oï Son talent . A asme vient qi i tent . Qi par raison prie , Par raison aime ensement , S'a joie demie ; Mais qi l'ot raisnablement , Par quartiers ou a demi , Cil a a joie failli . Plus de bone vie A en un parfait ami Q'en teus cent . file:///G:/Textes/2. Mis en forme HTML/bfm2013... 5 sur 61 Richard de Fournival : Oeuvre lyrique - 38 - 45 50 Je sai bien j'aim loiaument , Et s'en sai partie , Ne ja ma dame autrement N'iert par moi proïe , Que je li dirai briement : Amés moi , je vous en pri ! Dieus doint , et amours ausi , Que ne m'escondie , K'elle m'avroit esbaubit Errammant . file:///G:/Textes/2. Mis en forme HTML/bfm2013... 6 sur 61 Richard de Fournival : Oeuvre lyrique - 41 [chanson 3] 5 10 15 Chascuns qui de bien amer Cuide avoir non Ne set ou melz a d'amer Ne ou melz non . Li uns dit et veut prouver , Et par reson , Qu'assez fet melz a loer Dame a baron Que pucele pour amer , Mes je di que non . Chascuns a droite acheson , Si juge le gieu a bon Qu'a esprouvé ; Que que nus i ait trouvé , J'ai mis mon cuer en bele damoisele Dont ja ne partirai mon gré . file:///G:/Textes/2. Mis en forme HTML/bfm2013... 7 sur 61 Richard de Fournival : Oeuvre lyrique - 42 - 20 25 30 35 Celui puet on escuser De mesprison Qui egaument veut donner Selonc son bon ; Pour ce vueil par droit moustrer , Et sanz tençon , Qu'en jone dame a amer A plus haut don Qu'a la pucele penser : N'i a fors le non ; Mes dame rent guerredon , Et pucele est tost chanjanz Et sanz bonté : G'en ai mon vouloir torné , S'ai mis mon cuer en jone dame bele Dont ja ne partirai mon gré . La dame blasmer ne quier , Li ne s'amor ; Com plus l'estuet couvoitier , Plus a savor , Auques m'en fet esloignier Au chief du tour Ce q'il i a parçonnier file:///G:/Textes/2. Mis en forme HTML/bfm2013... 8 sur 61 Richard de Fournival : Oeuvre lyrique - 43 - 40 45 50 55 60 Et nuit et jour ; Mes qui pucele acointier Seut de grant valor , Je di q'il fet le meillor ; Qui simple et coie et plesant La puet trouver , Mult s'i doit bien acorder . Li nouviau tens du tout me renouvele A vaillant damoisele amer . Pucele fet a prisier , Bien m'i assent , Mes ele se fet prïer Trop longuement , Ne ne s'i puet nus fier Certainement , Et ce que veut otroier Change souvent ; Mes dame aime sanz trichier Et bien tient couvent . Pucele est archet a vent , Tout adés son besier vent : Bien l'ai prouvé , Car souvent m'a escouvé ; Por ce aim melz la jone dame bele Dont ja ne partirai mon gré . file:///G:/Textes/2. Mis en forme HTML/bfm2013... 9 sur 61 Richard de Fournival : Oeuvre lyrique - 44 65 70 75 80 Des deus gieus m'estuet fenir Le jugement . Bele dame a maintenir Plest voirement , Mes ce qu'on n'i puet venir Sanz partement Me fet d'autre part tenir ; Au finement Vueil a mon oés retenir Touse de jouvent ; Plus la voi , plus l'entalent , Bien li ai mon mautalent Tout pardoné . Tel jugement ai doné C'on doit touz jorz melz amer la pucele , Ne ja n'en partirai mon gré . file:///G:/Textes/2. Mis en forme HTML/bfm2013... 10 sur 61 Richard de Fournival : Oeuvre lyrique - 45 [appendice 1] 85 90 95 Chascuns dit d'amors son bon Et son talent , Mes pucele a plus doz non , Car adés rent Miel et rees a foison Qui pres la sent ; Mes dame de tel poison N'a mes noient . Por ce di , et par reson , Que tout ensement Con nouvele flor d'aiglent Et la primerose rent , Plus de bonté A pucele surmonté . Por quoi j'ai mis mon cuer en la pucele Dont ja ne partirai mon gré . [appendice 2] Se pucele a plus doz nom , Petit m'en sent ; Bien promet son guerredon file:///G:/Textes/2. Mis en forme HTML/bfm2013... 11 sur 61 Richard de Fournival : Oeuvre lyrique - 46 - 100 105 110 A mainte gent Q'ele met senz achoison En grief torment , Et lor dist par traïson : Mon cuer vos rent . Bien set amuser bricon Par son fauvement ; Mais dame aimme loiaument Et se done lairgement Et a planté Cui li a atalenté . . Por quoi j'aim miauz la joene dame bele . Dont ja ne partirai mon gré . file:///G:/Textes/2. Mis en forme HTML/bfm2013... 12 sur 61 Richard de Fournival : Oeuvre lyrique - 50 [chanson 4] 5 10 15 20 Gente m'est la saisons d'esté , Mais je tieg iver a plus gent , Car il m'a mout plus gens esté Et m'a assés plus gentement Secoru a ma volenté ; Si m'en lo a tote la gent . La gente m'a del puis jeté Ou j'ai jeü si longement , En qui j'ai .ii. coses trové C'on n'i trueve pas mout sovent : De gentil cuer gentil pensé , De gent cors gent contenement . Gentement a vers moi erré , Car gentillece li aprent , Si m'a plus gentement moeublé Ke s'ele m'eüst tot l'argent Et tot l'or d'un païs doné ; Por çou a gent don gent gré rent . Mais jou en sai ausi maugré La male ki si malement M'avoit el mal puis avalé , Ou nus autres maus ne se prent ; file:///G:/Textes/2. Mis en forme HTML/bfm2013... 13 sur 61 Richard de Fournival : Oeuvre lyrique - 51 - Mais j'ai tout mon mal oublïé , Si ke mal ne dolor ne sent . 25 30 35 40 Maudite soit ele de Dé , Ki tant m'a fait mal et torment ; Ke , s'ele m'a ja mal presté , Je li doi mal rendre ensement . Mal li envoi tot de mon gré ; Maus li viegne prochainement ! Ki mal quiert , mal a encontré , Et ki mal chasce , mal atent , Ke li mal sont plus tost torné Ke li kokés ki torne au vent ; La dont il viegnent sont alé Ki li avoient en covent . Entre la gentil genteé Et le mal avoit maltalent , S'ont esté mis en champ malé Et combatu par jugement ; Mais la gentillesce a outré Et li maus est vencus , si pent . Se la gentillece a outré , C'est a boin droit se li maus pent . file:///G:/Textes/2. Mis en forme HTML/bfm2013... 14 sur 61 Richard de Fournival : Oeuvre lyrique - 54 [chanson 5] 5 10 15 20 Joie d'amours ne puet nus esprisier , Mais trop l'estuet tes i a desirrer ; N'il n'est haus dons c'on ne puist soratendre , Ne chier avoir c'on ne puist bien sorvendre ; Mais qi porroit joïr sans trop targier , Es biens d'amours n'avroit riens que reprendre Q'il ne fussent de tous biens li nonper . Mais il couvient les choses acater Selonc lor fuers , qi a droit veut jugier , N'on ne doit pas a trop haut amour tendre , Ne son pié plus que son mantel estendre , N'estre ne doit hardis de haut monter Qi trebuchier doit ançois que descendre : Buen s'abaise qi se doit aaisier . Pour moi le di que jou ne sai proier Se si haut non que jou ne doi finer ; Sa grant valour l'en sambleroit mout mendre , Car grant biautés grant orgueil i engendre , Si que le bien , que plus trouver i qier , Bontés , valour , sens , c'on ne puet souprendre , M'i pueent plus k'autre qose grever . file:///G:/Textes/2. Mis en forme HTML/bfm2013... 15 sur 61 Richard de Fournival : Oeuvre lyrique - 55 - 25 30 35 De tous les biens vaut nature douner Cest bel cors gent , que je par ai tant chier , En cui amours me fait du tout entendre , Et se d'orguel la vausist Dieus desfendre ; Mais il n'est biens , tant puist enluminer Haut cuers , q'orgueil n'estaigne et meche en cendre . Douceurs lieve ce q'orgeus fait baissier . Et nepourqant j'oi chascun tesmougnier Q'ele est trop douce et humble a apeler ; Mais s'ele veut a chascun douceur rendre , Bien puet sa grant humulité despendre , Qant en tant lieu l'en couvient emploier , Si q'a mon oés n'i puis je bonté prendre , Et s'ele i est , je n'i sai assener . Al mains li pri de ma qançon aprendre , Si me plaira assés mieus a canter . file:///G:/Textes/2. Mis en forme HTML/bfm2013... 16 sur 61 Richard de Fournival : Oeuvre lyrique - 57 [chanson 6] 5 10 15 20 25 L'amour de ma douche enfanche , Qui fu aveuc moi nourrie , S'est ausi coum'endormie Lonc tans par desesperanche , Mais mi fol oel , qi adés m'ont grevé , Sont entour li par mescheance alé Tant qu'ele s'est esveillie ; Or me dout que ne m'ochie , Qu'ele m'avoit piecha qeulli en hé . Vair oel et sans astenence , Mar vi vostre glouternie ! Pour un poi , par lecherie , Veoir sa douce sanblance , Dont ja nul jour ne serés soëlé , M'avés traï et mon fin cuer emblé Qi la mort m'a deservie , Et li avés pourkachie Langeur , dont nus n'ose esperer santé . E ! las , con grant mesceance , Mais con grant forsenerie , Que cil ki a maladie Desirie adés sa nuisanche ! Et cil qi est banis d'une cité Muert de desir d'aler i a celé En peril de perdre vie ; file:///G:/Textes/2. Mis en forme HTML/bfm2013... 17 sur 61 Richard de Fournival : Oeuvre lyrique - 58 - Et mi fol oel couvoitie N'ont riens fors chou c'on lour a deveé ! 30 35 40 45 Amours , de vostre acointanche Ne de vostre conpaignie N'eüsse je nule envie Tant poi i ai de fïanche , Non pas pour çou que n'aie bien amé Por deservir tant c'on m'en a douné , Mais pour vostre seignourie : Nus ne vous a tant servie , S'il ne vous siet , q'il en ait fors maugré . Dame de grant counissance , Jonete et bien enseignie , Cointe et gaie et envoisie , De tres bone contenanche , Cuers plain de sens et cors de grant biauté , Oel amoureus , regart bien afermé Et langue bien castoïe , Qi vous avroit a amie , Bien li avroit amours guerredouné . Se vous estïés m'amie , J'avroie amour mautalent pardouné . file:///G:/Textes/2. Mis en forme HTML/bfm2013... 18 sur 61 Richard de Fournival : Oeuvre lyrique - 60 [chanson 7] 5 10 15 20 25 Lonc tans me sui escondis C'onqes par amours n'amai , Mais or me sui enhardis Q'en tel lieu parlé en ai , Dont je me repentiroie Volentiers , se je pooie , Car trop sui hardis , Qant par desdaig m'acointai A ma mortel anemie . De folie m'entremis Et laidement m'enpirai , Qant devant ma dame dis C'onqes feme ne trouvai , Ne trouver ne la cuidoie , Que ne vausise avoir moie , Se m'i fuisse mis ; Mais pour che pas n'en cuidai Faire mortel anemie . Et lués que je fui partis De li , si me pourpensai Que trop avoie mespris Et mesfait , car je ne sai Qi devant l'uel me baloie , Et s'en cesti me metoie , Si m'en seroit pis , file:///G:/Textes/2. Mis en forme HTML/bfm2013... 19 sur 61 Richard de Fournival : Oeuvre lyrique - 61 - C'ains ne la vi ; or en ai Fait ma mortel anemie . 30 35 40 45 Tant m'estoie amés toudis C'onqes mais ne me dounai ; De seule amour , ce m'est vis , M'estovoit estre en esmai ; S'avint çou dont je doutoie , Car or ai boute en coroie Trové qi a pris Qanqes onqes j'espargnai ; Si m'est mortel anemie . Et si sui jou ses amis , Car jou l'aim et amerai , Puis que jou l'ai entrepris . Ne sai s'a chief en trairai , Mais s'a loisir la prioie , Vis m'est q'assés tost seroie De s'amour saisis ; S'ert merveilles s'amour trai De ma mortele anemie . Tost arai de mon duel joie Et de mon pleur ris , Qant amie fait arai De ma mortel anemie . file:///G:/Textes/2. Mis en forme HTML/bfm2013... 20 sur 61 Richard de Fournival : Oeuvre lyrique - 64 [chanson 8] 5 10 15 20 25 Par maintes fois pensé ai Qi amours a assaiie S'il la puet ja mais guerpir , Car jou ne voi ne ne sai C'on puist passer sans amie , Fors gens qi n'ont autre envie De riens comme d'els taisir ; Voisent aprés pour jesir : C'est lor mieudre conpaignie ! Je m'iere mis en essai D'issir de sa seignourie , Si m'en fissent repentir Une gent plaine d'esmai , Fausse et wide , a cuer faillie ; Mais je vi que c'ert folie , Pour ce q'a tout souvenir Joie n'avroit dont venir , Se dame amours ert perie . Ja mais ne m'en partirai Por cose que nus m'en die ; Fache cascuns son plaisir Et se porche son esmai ! Tourné soit a trecherie ! Dame d'amors envoisie , Plaine de courtois desir , Qi de vous me veut partir , Si me veut tolir la vie . file:///G:/Textes/2. Mis en forme HTML/bfm2013... 21 sur 61 Richard de Fournival : Oeuvre lyrique - 65 - 30 35 40 45 Fors de mon cuer la cuidai Bien toute avoir essillie , Mais onqes n'en vaut issir , Soie merci , ains trouvai Pougnant en une partie Un geton de sa baillie C'onqes ne deigna morir , Tant le seüsse laidir , Ains m'est el cuer reflorie . Amours , a vous me tenrai , Mais se je n'ai vostre aïe , Ma dame est de tel aïr Q'a merci faillir porrai ; Mais se j'ai mort deservie , N'aiés pas tel baerie A vengier comm'a merir A chou que doi deservir , Q'amors ne se venge mie . Par maintes fois pensé ai Q'amors ne se venge mie . file:///G:/Textes/2. Mis en forme HTML/bfm2013... 22 sur 61 Richard de Fournival : Oeuvre lyrique - 67 [chanson 9] 5 10 15 Puis k'il m'estuet de ma dolour kanter Et en kantant dire ma mesestanche , On ne doit pas ma kanchon demander K'il i ait envoiseüre , Ains kant selonc m'aventure , Si com chil ki ne puet merchi trouver Et ki en soi n'a mais point de fïanche . Si com Eqo ki sert de recorder Che k'autres dist , qant par sa sourquidanche Ne la deigna Narchisus resgarder , K'el secha toute d'ardure Fors la vois ki encor dure , Ausi perdrai tout fors merchi crïer Et secherai de duel et de pesanche . Mais amours ki Narchisus fist mirer , Qant pour Equo en vaut prendre venganche , file:///G:/Textes/2. Mis en forme HTML/bfm2013... 23 sur 61 Richard de Fournival : Oeuvre lyrique - 68 - 20 25 30 35 S'ausi pour moi le fesist enamer Tel ki n'eüst de li cure , Mis aroit a sa droiture Le grant orgueil ki le fait reveler , Et en venroit plus tost a repentanche . Las , k'ai je dit ? ki porroit assambler Tant en son cuer d'orgueil et de beubanche K'il i osast soi ne s'amour veer , Tant fust d'estrange nature ! K'el siecle n'a creature Ki de biauté puist a li estriver Ne qui valours ne traisist en balanche . Tres chou que g'i coumenchai a penser Fui je d'amours adés en grant doutanche ; Que s'a mon gré n'en peüsse finer Et qu'ele me fust trop dure , Par droite fourseneüre M'estovroit il folement demener Et perdre tant con j'ai de contenanche . file:///G:/Textes/2. Mis en forme HTML/bfm2013... 24 sur 61 Richard de Fournival : Oeuvre lyrique - 69 - 40 45 50 E ! las , con j'oi poi de sens a l'entrer Et con je fui de povre porveanche ! Que j'avoie kanté de moi garder D'amours , ki or m'est si sure , K'ains mais plus male aleüre Nului fors moi ne trouva qui mener , Et m'a geté el pui de desperanche . El pui sui je sans ja mais retourner Se ma dame par sa douche akointanche , Par dous regars a eus faire pasmer Et par douche aparleüre De s'amour ne m'aseüre Et de sa bone volenté douner , Et par faire d'un douc baisier pitanche . S'el se laissoit un douc baisier embler , E ! Dieus , con la avroit douche pitanche ! file:///G:/Textes/2. Mis en forme HTML/bfm2013... 25 sur 61 Richard de Fournival : Oeuvre lyrique - 70 [appendice 1] 55 Douce dame qui me poez douner Pluz qu'autre rienz de mes mauz alejance , Se m'i laissiez morir pour bien amer , Vostre en iert la mespresure . Merci , franche creature ! A la mort sui , que n'en puis eschaper Se loiautez u pitiez ne m'avance . [appendice 2] 60 65 Paintre et maçon , qui bien sevent ouvrer , Et trestuit cil qui sevent d'ingremance , I porroient touz jours lor tanz user En oevre et en pourtraiture Ainz qu'il feïssent figure Qui de biauté la peüst resambler De cuer , de cors , de vis et de samblance . file:///G:/Textes/2. Mis en forme HTML/bfm2013... 26 sur 61 Richard de Fournival : Oeuvre lyrique - 73 [chanson 10] 5 10 15 20 Qant chiet la feulle en l'arbroie , Q'au partir d'esté Guerpisent oisel lor goie Q'il ont demené , Las , itieus sui je baillis Que jolis estre soloie , C'onqes riens ne fis ne ne dis A cuer mains plain de joliveté . A la riens que plus amoie M'ont felon meslé , Et tolu m'i ont la voie , Que plus m'a grevé Que riens k'il m'aient sus mis ; K'ausi soit ele ja moie , C'onqes riens ne fis ne ne dis Dont j'aie deservi son malgré . Je ne cuit que ge m'i voie Jammais racordé , Mais se parler i pooie De lor fauseté , Me senc sauf et sui tous fis Que bien m'en escondiroie , C'onqes riens ne fis ne ne dis Qi a mal me doie estre conté . file:///G:/Textes/2. Mis en forme HTML/bfm2013... 27 sur 61 Richard de Fournival : Oeuvre lyrique - 75 25 30 35 40 45 50 55 Et pour chou qu'ele me croie De ma verité , Il n'est riens que faire en doie Q'a sa volenté Ne m'i mete com amis , Si que pres de faire soie , C'onqes riens ne dis ne ne fis Qi a deshonnour li soit tourné . Mais ire et courous forsvoie Droit et loiauté , N'il n'est riens qi orguel ploie Sans humulité ; Mais par tout a liu merchis , Pour ce la proi toute voie , C'onqes riens ne fis ne ne dis Que mercis n'ait grenour poësté . Mercis radreche et ravoie Cuer desamouré , Merchi rapaie et racoie Tout felon pensé ; Ja tant n'avra on mespris Merci ait qi merci proie , C'onqes riens ne fis ne ne dis Qi bien ne puist estre pardouné . Et se merchis me denoie , Si m'a desjouglé , Que nul mesage on n'envoie Si bien escouté ; Et se cis m'est escondis , Ja ne qier c'autrui en oie , C'onqes riens ne fis ne ne dis file:///G:/Textes/2. Mis en forme HTML/bfm2013... 28 sur 61 Richard de Fournival : Oeuvre lyrique Que ja par autrui li soit mandé . 60 Ja mais cis sons n'ert oïs Se ma dame ne l'otroie , C'onqes riens ne dis ne ne fis Qi sans son congié soit mais canté . file:///G:/Textes/2. Mis en forme HTML/bfm2013... 29 sur 61 Richard de Fournival : Oeuvre lyrique - 78 [chanson 11] 5 10 15 20 25 Qant jou voi La douce saison d'esté , Que cist oiseillon qi trop ont esté Mu et coi Se sont reconforté , Et qant je les oi , Si m'ont tel atourné Qu'en la folie Q'avoie laissie M'ont retourné . Pas ne di Que folie soit d'amer , Mais ainsi Con j'en pens fais fol penser Qant celi M'estuet mon cuer douner Qi moi a gerpi Pour pïeur acoster , Se n'i pert mie Tant con sa boidie Li peut grever . Car qi laist Son bon ami pour felon Vers lui fait file:///G:/Textes/2. Mis en forme HTML/bfm2013... 30 sur 61 Richard de Fournival : Oeuvre lyrique - 79 - 30 35 40 45 50 55 En tel guise traïson Q'il mesfait Meïsme a vengison , Et se honte en fait , Ja n'en grouchera on ; Mais en ma vie De sa felounie N'avrai renon . Si m'est vis Que bien m'en deliverrai , Car toudis Desdaigneus cuer or avrai : Por c'envis Son dangier souferrai , Puis qu'ele m'a mis Muser au papegai ; Mout le fornie , Mais , que qu'ele en die , Mau gré l'en sai . Nepourqant , S'ele amer me revoloit Et samblant De loiauté me moustroit , Je dout tant , S'ele m'i renbatoit , Que che que j'en chant Conperer me feroit , Si que vengie Par sa tricherie De moi seroit . file:///G:/Textes/2. Mis en forme HTML/bfm2013... 31 sur 61 Richard de Fournival : Oeuvre lyrique - 82 [chanson 12] 5 10 15 20 25 30 Qant la justice est saisie D'un larron , ja si saisis N'ert pris k'ançois c'on en die Jugement ne s'escondie Tantost pour eskaper vis ; Mais qant jugemens est dis , Lors n'i vaut riens escondis , Si gehist toute sa vie . De ma dame , en qi baillie Je sui , sui ensi baillis K'anchois que d'avoir amie Fust m'esperanche faillie Fui je de cheler si fis Con puet estre vrais amis ; Mais or m'est celers faillis Qant ele me desafie . L'amour qi j'ai tant chierie M'a si tous biens enchieris Qu'ele m'en vent la demie Por tout mon cuer sans partie , Si que jou li ai si mis Q'il n'est miens tous ne demis , Et s'est si li jus partis Que çou que j'achat n'ai mie . S'on jüast a repentie Jou me fuisse repentis , Mais ma folours abelie M'a trop , si l'ai parsivie , Et le ju lais a envis ; Et gieus tant m'est abelis file:///G:/Textes/2. Mis en forme HTML/bfm2013... 32 sur 61 Richard de Fournival : Oeuvre lyrique Q'ai envïaus parsievis , Et tieng qanqes ele envie . 35 40 Merchi desert qi la prie , Car proiere est de douc pris , Et bontés est deservie Sans plus quant on en merchie ; Pour che me sui esbahis Que les biens k'ai deservis Ne m'aporta ja merchis : Se l'en avoie Marie ! file:///G:/Textes/2. Mis en forme HTML/bfm2013... 33 sur 61 Richard de Fournival : Oeuvre lyrique - 85 [chanson 13] 5 10 15 20 Quant chante oisiaus tant seri Sor le gaut foilli , Lor m'est d'un soulas menbré Que j'ai adés esperé , Mais a tart vient l'esperance , Que tout mon aé D'amour ne joï Fors q'en pensé . Tant m'a amours houneré Et tant m'a douné , Pour qanqe j'ai deservi , Qu'ele m'en a fait hardi Et m'a de bone esperance Mon haut cuer garni Et asseguré D'avoir merchi . Car se je mespris vers li Et je l'en perdi , Jou l'ai trop chier conperé , Si ai puis adés chelé Mon anui , en esperanche file:///G:/Textes/2. Mis en forme HTML/bfm2013... 34 sur 61 Richard de Fournival : Oeuvre lyrique - 86 - Qu'el ne m'ait grevé Fors pour son ami Avoir prové . 25 30 35 40 Et se plus l'ai eschievé Qu'i n'i ot de hé , Pour ce que je l'ai cremi , Ja si tart ne m'iert meri Que bien ne quit m'esperance Avoir aconpli , Car tout preng en gré Et l'en merchi . Canchon , va t'ent , si li di Que qant j'entendi Qu'ele m'ot congié douné , Se ne m'eüst conforté Haute emprise et esperanche , J'eüsse adiré Gai cuer et joli Que j'ai gardé . file:///G:/Textes/2. Mis en forme HTML/bfm2013... 35 sur 61 Richard de Fournival : Oeuvre lyrique - 89 [chanson 14] 5 10 15 20 Se jou pooie ausi mon cuer douner Con mes cuers m'a douné la u li pleut , Tele l'avroit qi mieus guerredouner Le me vauroit que ma dame ne veut . E ! las , tant ai dolour Ains que puis joie avoir d'amour . Je m'esmerveil quel pensé mes cuers eut Qant il me fist en si haut lieu penser , Car se g'i mont et on ne m'i aqeut , Je qarrai jus sans ja mais recouvrer . E ! las , tant a dolour Ains c'on puist joie [ avoir d' amour . ] Amours m'ochist et mi lonc consirer Qi si sont grief , et n'ai qi m'en conseut ; Chele de qui je doi joie esperer Me voit morir et de moi ne li ceut . E ! las , tant a dolour [ Ains c' on puist joie avoir d' amour . ] Mais mes cuers , qi orgeilleus estre seut Plus que autres dont j'aie oï parler , Dont li vient chou k'umelïer se peut Aprés despire et aprés refuser ? E ! las , tant a dolour Ains [ c' on puist joie avoir d' amour . ] file:///G:/Textes/2. Mis en forme HTML/bfm2013... 36 sur 61 Richard de Fournival : Oeuvre lyrique - 90 25 30 35 40 Ke doi je dont a mon cuer demander , Che li fi jou , que par mes ieus le seut ; N'on ne doit pas malade regreter Qi pourkache le mal dont il se deut . E ! las , tant a dolour Ains [ c' on puist joie avoir d' amour . ] Cil fait que faus qi son cheval eskeut Qant il n'a frain dont le puist arrester ; Et cuers est tieus q'il s'i met duq'el heut : Qant il li plaist , riens ne l'en puet oster . E ! las , [ tant a dolour Ains c' on puist joie avoir d' amour . ] J'osfri mon cuer sans escange rouver , Ausi con chil qi seme et riens ne qelt . A folarge ne porroit fuisouner Qanqe fors quist ne qanqe molin meut . E ! las , tant a dolour Ains c'on puist joie avoir d'amour . file:///G:/Textes/2. Mis en forme HTML/bfm2013... 37 sur 61 Richard de Fournival : Oeuvre lyrique - 92 [chanson 15] 5 10 15 20 Talent avoie d'amer , Mais paour m'est prise Qi le m'a tolu , Car j'oi tieus d'amours blasmer Et de son serviche Qi l'ont maintenu , S'ai percheü Q'il n'en pueent torner . Mais ausi con j'ai veü Que la beste prise S'estraint au tirer , Sont assés plus pres tenu Cil qi paine ont mise En aus delivrer Par ramenbrer Dont seroient issu . Et cil qi cuide escaper Par metre en franchise Par a tout perdu , Car noiens est de flater ; Mais qi plus la prise Plus a atendu Et acreü A soi envenimer . file:///G:/Textes/2. Mis en forme HTML/bfm2013... 38 sur 61 Richard de Fournival : Oeuvre lyrique - 93 25 30 35 40 C'est la maison Dedalu U a se devise Set cascun entrer , Et tout issont detenu , Car en nule guise Ne pueent trouver Ne assener Par u l'entree fu . Je ne me kier pas mesler De plus haute emprise Que la Theseü , Q'amors sans corde noer N'iert ja par moi prise , Car mains a eü Plus de vertu Que ains ne pot finer . file:///G:/Textes/2. Mis en forme HTML/bfm2013... 39 sur 61 Richard de Fournival : Oeuvre lyrique - 96 [chanson 16] 5 10 Tex s'entrement de garder Qui ne set qu'il i convient Ne qu'a guarder apartient , Ne nule raison n'esguarde Cil qui estroitement guarde Ce c'on ne puet enserrer . Qui veut feme emprisoner , Savez vous qu'il en avient ? Le cuer pert et le cors tient ; Maiz combien que il atarde , Toz jours est cuers de cors guarde : Ou qu'il veut le puet mener . file:///G:/Textes/2. Mis en forme HTML/bfm2013... 40 sur 61 Richard de Fournival : Oeuvre lyrique - 97 - 15 20 25 30 Cuers de feme puet voler Quant il veut , si vait et vient , Nule cles ne le detient . Cuers est montez en l'anguarde , D'iluec porvoit et esguarde Par ou cors puist eschaper . Cil a a boivre la mer Qui tel riote maintient ; Feme prise pou et crient Chastoi de gent papelarde , C'ainc n'en vi nule coarde Et qui tout n'osast oser . Qui le chastoie d'amer Pluz amorouse en devient ; De tel chose li sovient Dont el ne se donoit guarde . Por c'est la vieille musarde Qui l'enfant i fait penser . file:///G:/Textes/2. Mis en forme HTML/bfm2013... 41 sur 61 Richard de Fournival : Oeuvre lyrique - 100 [chanson 17] 5 10 15 20 25 30 Amis Richart , j'eüsse bien mestier Que mi meschief d'amours fussent celé , Nommeement a vous que j'ai blasmé De ce que vous ne volïez lessier . Or s'en est amours vengie , Si m'a fet tele envaïe Que je ne voi qui me puist conseillier , Ne je ne vous en sai comment proier , Ains quit que vous l'en sachiez moult bon gré Et vous est bel que j'en sui en dangier . Certes , Gautier , de vostre destourbier Me doit il plus peser que d'omme né ; Mes s'amours m'a fet tenir pour desvé , Bien vueil qu'autres le m'ost bien reprochier , Quar on ne le me doit mie Torner a si grant folie Quant on en voit plus sages foloier ; Et nonpourquant , se je vous sai aidier De ce dont voi moi meïsme esgaré , Ja mon conseil refuser ne vous quier . Richart , tel set un bon trait enseignier Que , s'il jouoit , tost l'aroit oublïé ; Tel ne voit pas le sien oeil encombré Qui en l'autrui set la busche cerchier . Je cuidoie avoir amie Si bele et si souhaidie Com diex l'eüst faite pour couvoitier [...] [...] Et m'a donné congié pour mon aé , Si ai perdu l'aler et l'envoier . file:///G:/Textes/2. Mis en forme HTML/bfm2013... 42 sur 61 Richard de Fournival : Oeuvre lyrique file:///G:/Textes/2. Mis en forme HTML/bfm2013... 43 sur 61 Richard de Fournival : Oeuvre lyrique - 101 - 35 40 45 50 55 60 Gautier , de ce ne vous doit anoier : Ele en a fait pour vous a grant plenté Quant pour pïeur vous a congié donné ; Mieulz ne vous puet elle de soi vengier , Qu'en ce qu'elle s'est honnie Ne perdez vous une alie . Son empirier ne vous puet avilier , Ançois vous en devez tenir plus chier , Quar elle assez par ce vous a moustré Que mains vaillant s'i puet bien emploier . Ostez ! Richart , ou poez vous puisier Cest nouvel sens ? qui le vous a presté ? Assez poez en vous avoir trouvé Que on ne doit nul amant chastoier . Se ma dame s'est traïe , Que je miex aim que ma vie , Comment me puet elle plus damagier ? Mes aprenez moi a li gaaignier Et a ravoir sa bone volenté , N'onques ne m'aparlez de lui changier . Gautier , biaux mos ataignant et legier Ne noble chant ne sont mes escouté ; On n'aprent mais fors que chetiveté . Bone chançon ne s'a ou herbergier Nis que s'ele fust banie ; Se joie ne fust perie , Vous eüssiez merveilleus recouvrier ; En chançon a moult courtois messagier , Moult amoureus et moult bien apensé , Ne il n'est nulz qui mes doie envoier . file:///G:/Textes/2. Mis en forme HTML/bfm2013... 44 sur 61 Richard de Fournival : Oeuvre lyrique - 102 - 65 70 75 80 85 90 Certes , Richart , c'est voirs , au droit jugier , Mes ma dame m'en a tout desjuglé , Quar elle dist que s'elle a escouté Un chanteour , bien le cuide paier Se sa chançon li mercie . Trop est la langue hardie De trouveour et fet a resongnier ; Un peneant ou un moine cloistrier Ou un müel qui onc n'aroit parlé Ameroit miex s'amour a otroier . Gautier , bien voi qu'il m'estuet desploier Ice dont j'ai le perill eschivé : Onc ne chantai de la ou j'ai amé , Ains me consent de li a motiier " Bele dame et envoisie De tres grant bonté garnie . " Mi chant en vont le grant chemin plenier Et mon cuer torne en un estroit sentier ; La vont mi dit , ci mainent mon pensé : Ensi doit on les guetes desvoier . Avoi ! Richart , pour les dens a sachier Ne vaudroie qu'il me fust reprouvé Que je fusse retez de fausseté Ne c'oms vivant me peüst reprochier Traïson ne doublerie , C'onques ne fis ceste aïe . Comment puet on en .ii. lieux ostoier ? [...] Comment puet on loer autrui biauté Quant nulle autre ne puet plere un denier ? file:///G:/Textes/2. Mis en forme HTML/bfm2013... 45 sur 61 Richard de Fournival : Oeuvre lyrique - 103 - 95 100 105 110 115 120 Moult par estes ore loiaus , Gautier . Un paresi m'eüst ore cousté Que je fusse de vostre loiauté , Que miex l'amez d'autrui a cunchiier . Ceste douce tricherie Tient bone amor de mesnie , Qu'a lui doit on porter cuer droiturier Et pour s'amour tout le monde trichier . Mos de chançon sont en tant leu conté C'on ne leur doit pas son conseil chargier . Richart , or pais , si lessiez le tencier Et me dites par amours verité De ce que ma dame m'a congeé , Qu'en son aé ne deüst chalengier , Quar n'est pas mains enviellie Pour ce s'ele n'est froncie ; Si me dites selonc vostre cuidier Que m'i vault miex pour lui regaaignier : Ou li muiers qui ait assez volé , Ou li nïais qui est a afaitier ? Gautier , on voit de petit refroidier Ceuz qui si sont de petit eschaufé ; Vous trouverez un coutel afilé Que luez sera rebous au pain taillier . Elle en est trop engingnie : Quoi que li communs en die , Nulz aprentis ne s'i puet amoier . Miner couvient et maint enging drecier Qui veult prendre chastel ne fermeté : Poi en prent on par traire et par lancier . file:///G:/Textes/2. Mis en forme HTML/bfm2013... 46 sur 61 Richard de Fournival : Oeuvre lyrique - 104 - 125 130 Richart , c'est voirs , plus couvient engignier A ce faire qu'a prendre une cité , Quar par enging sont empli maint fossé Et par engien fet on jus trebuschier Mainte haute tour garnie , Quar l'art d'amours vous afie Qu'en mil guises les doit on essaier Et esprouver leur bons poins et guetier , Si que s'il leur estoit au cuer noué , Si leur doit on par enging esrachier . file:///G:/Textes/2. Mis en forme HTML/bfm2013... 47 sur 61 Richard de Fournival : Oeuvre lyrique - 107 [chanson 18] 5 10 15 20 A vous , mesire Gautier De-dargies , conseil kier , Ki plus avés esprouvé D'amours c'om qi ait amé , Au mien cuidier ; Car de conseil a mestier Qi en tel cose s'est mis Dont maint se sont entremis , Et nulz ne s'en set conseillier . Richart , on ne puet carchier Nului plus que d'encargier Sen conseil et sen pensé De chou dont plus a douté En soi aidier ; Tant en sai q'a l'acointier Sont douches , d'atrians ris , Tant que li caitis est pris , Qi tout jours puis est en dangier . Sire , mout doit resougnier Sages hom a mesprisier file:///G:/Textes/2. Mis en forme HTML/bfm2013... 48 sur 61 Richard de Fournival : Oeuvre lyrique - 108 - 25 30 35 40 45 Che que adés a loé ; Qi ne treuve tout son gré Sel doit laissier Belement , sans laidengier . Un poi i avés mespris , Car cose de si haut pris Ne deüst par vous abaissier . Richart , se jou moi ai chier , Ne vous devés merveillier Se jou me tieng pour grevé De chou dont j'ai tant musé Sans gaanier ; Vous me tenés pour bregier Qi volés que jou chou pris U onqes noient ne pris : Mal sert qi n'atent son loier . Sire , ains sont tout coustumier Chil repenti de tenchier Qant il en sont congeé ; Amours a par sens ouvré De vous kachier , K'ensi doit on esploitier D'oume qi a fais eschis , Se bee , se n'est saisis , C'on li doint congié au premier . file:///G:/Textes/2. Mis en forme HTML/bfm2013... 49 sur 61 Richard de Fournival : Oeuvre lyrique - 109 - 50 55 60 65 70 Richart , qi ne veut baillier Conseil , ja n'en doit proier . Jou ne di fors verité Ne jou n'ai d'amour parlé Pour blastengier , Mais pour vous descoragier Anchois q'il vous en fust pis ; Et qant si l'avés enpris , S'aiés congié de foloiier . Sire , vostre castoier Pris jou mout , mais asaiier M'estuet d'amours la purté , Car d'amours qi n'a amé Ne set jugier ; G'irai demain et vous hier , S'en avons divers avis . Ja n'ere recreans vis Que jou fuie por manechier . Richart , et boire et mengier Et dormir et aaisier , Tout chil bien sont deveé Qi si fole volenté Ne veut cangier . Faus ne doute destourbier Devant la q'il est honnis ; Vous en serés maubaillis Et tart venrés au repairier . file:///G:/Textes/2. Mis en forme HTML/bfm2013... 50 sur 61 Richard de Fournival : Oeuvre lyrique - 110 - 75 80 85 Sire , se pour traveillier De jeuner et de veillier Eüsse d'amer finé , Je m'en tenroie a bon né , Sans calengier , C'on n'a riens sans pourkachier ; Li biens est si seignouris Que se g'en ere peris , Ne me puis jou mieus emploier . Richart , ne que espuchier Puet on la mer d'un tamis , Ne vous vauroit mais castis , C'on ne puet musart castoier . Sire , pour le mieus jugier , A mon seigneur soit tramis De-Nïele chis escris , C'on ne le puet mieus emploier . file:///G:/Textes/2. Mis en forme HTML/bfm2013... 51 sur 61 Richard de Fournival : Oeuvre lyrique - 115 [chansons_douteuses] [chanson 19] 5 10 15 20 Mere au roi omnipotent , Fontaine de grant douçour , Ki portas entierement Jhesu vostre creatour , Nous vous proions doucement , Roïne de grant douçour , Que vous nous soiés aidant Vers tous maus , vierge Marie . Dame , mout me desconfort Qant j'ai fait tel mesproison Et pecié , qi si sont ort , Dont cuic avoir grief prison ; Mais de çou me reconfort , Car par ta sainte orison Me metra Dieus a tel port Que ja m'arme n'ert perie . Dame , a vous servir m'acort Par boine devocïon ; Nus n'avra ja mais confort S'en vous n'a entencïon ; Theophilus sans resort Fu mis a dampnatïon Qant tu le sauvas de mort , Vierge pucele Marie . file:///G:/Textes/2. Mis en forme HTML/bfm2013... 52 sur 61 Richard de Fournival : Oeuvre lyrique - 116 25 30 Dame , k'en vous dignement Portastes no creatour , Celi qi benignement Print en vous .ix. mois sejour , Et comm'aigniaus doucement Souffri mort et grant dolour . . . Il nous maint tout aveuc soi . Amen Dieus , cascun en die . file:///G:/Textes/2. Mis en forme HTML/bfm2013... 53 sur 61 Richard de Fournival : Oeuvre lyrique - 119 [chanson 20] 5 10 15 20 Oiés , seigneur , pereceus par oiseuses , Qi demourés soufraiteus de tous biens , Souviegne vous de la mort angoiseuse Que li fiex Dieu soufri au premerain ! Il fu lïés en l'estache au lïen Et fu batus d'escorgies noueuses ; Nous savons bien q'il fu en la crois mis Pour nous geter des paines dolereuses . Hé ! cuers faillis , mauvaise chars honteuse , Avés vous dont de morir grant paour ? Souviegne vous de la mort dolereuse Ki ert sans fins et tous jours iert poiours ! Racordons nous a nostre creator Qi nous vient qerre a grant ciere joieuse Et dit : Ça , tuit li boin et li meillour ! K'en paradis a mout grant place oiseuse . Au pesme jour coureçous et plain d'ire , Que li fieus Dieu venra fiers et iriés Et mousterra ses plaies a delivre En ses costés , en ses mains , en ses piés Q'il ot pour nous et fendus et perciés , N'i avra saint qi ost un seul mot dire ; Li plus hardis vauroit estre croisiés Tant douteront son mautalent et s'ire . file:///G:/Textes/2. Mis en forme HTML/bfm2013... 54 sur 61 Richard de Fournival : Oeuvre lyrique - 120 25 30 Outre la mer en cele sainte tere , Ou Dieus fu nés et ou fu mors et vis , Devons aler nostre iretage qerre , Car a grant tort en fu pour nous hors mis ; Ki n'i venra il n'ert pas ses amis , Car il n'i a pais ne trieves ne terme ; Dieus nous i laist si aler et venir K'en paradis puissons aler sans guerre ! file:///G:/Textes/2. Mis en forme HTML/bfm2013... 55 sur 61 Richard de Fournival : Oeuvre lyrique - 122 [chanson 21] 5 10 15 20 25 Onqes n'amai tant que jou fui amee ; Or m'en repent , se ce peüst valoir , Q'amours m'avoit au meillour assenee , Pour toute hounour et toute joie avoir , Et au plus bel de toute la contree ; Mais ore a il autrui s'amour dounee , Qi volentiers a soi l'a retenu . Lasse , pour koi fui je de mere nee ! Par mon orguel ai mon ami perdu . Si me doint dieus d'amours longe duree , Que je l'amai de cuer sans decevoir , Qant me disoit k'iere de li amee , Mais n'en osai ains descouvrir le voir : Des mesdisans doutoie la noumee . Biau sire dieus , baisie et acolee M'eüst il or et aveuc moi geü ; Mais q'il m'eüst sans plus s'amour dounee , Si m'eüst bien tous li siecles veü . Or m'a amours malement assenee Qant çou que j'aim fait a une autre avoir , Ne ne m'an laist retraire ma pensee , Ne si n'en puis soulas ne joie avoir . Lasse , l'amour que tant li ai veee Li seroit ja otroiie et dounee ; Mais tart l'ai dit , car je l'ai ja perdu ; Or me convient amer sans estre amee , Car trop ai tart mon felon cuer vaincu . file:///G:/Textes/2. Mis en forme HTML/bfm2013... 56 sur 61 Richard de Fournival : Oeuvre lyrique - 129 [appendice 1] 5 Renvoisiement i vois A men ami ; Par espaules caviaus blois , Blans pliçons bendés d'orfrois , Blance cemise autresi , Car c'est li drois , Bras sans las , piés sans sauler : Ainsi doit on aler A son ami . file:///G:/Textes/2. Mis en forme HTML/bfm2013... 57 sur 61 Richard de Fournival : Oeuvre lyrique - 131 [appendice 2] 5 10 [L' ] autre ier avint en cel autre païs C'uns chevaliers ot une dame amee . Tant com la dame fu en son bon pris , Li a s'amour escondite et veee . Puiz fu uns jours qu'ele li dit : " Amis , Menez vous ai par parole mainz dis ; Or est l'amour couneüe et moustree : D'ore en avant serai a vo devis . " Li chevaliers la reguarda el vis , Si la vit mout pale et descoulouree . " Dame " , fait il , " certes mal sui baillis file:///G:/Textes/2. Mis en forme HTML/bfm2013... 58 sur 61 Richard de Fournival : Oeuvre lyrique - 132 - 15 20 25 Que n'eüstes pieça ceste pensee . Vostre clers vis , qui sambloit flour de lys , Est si alez , dame , de mal en pis Qu'il m'est avis que me soiez emblee ; A tart avez a moi cest conseill pris . " Quant la dame s'oï si ramprosner , Grant honte en ot , si dit par sa folie : " Par Dieu ! vassal , jel vous dis pour gaber ; Cuidiez vous dont qu'a certes le vous die ? Onques nul jour ne me vint en penser . Savriez vous dont dame de pris amer ? Nenil , par Dieu ! ainz vous prendroit envie D'un bel vallet baisier et acoler ! Dame " , fait il , " j'ai bien oï parler De vostre pris , maiz ce n'est ore mie ; file:///G:/Textes/2. Mis en forme HTML/bfm2013... 59 sur 61 Richard de Fournival : Oeuvre lyrique - 133 - 30 35 40 Et de Troie rai jë oï conter Qu'ele fu ja de mout grant seignorie ; Or n'i puet l'en fors les places trouver . Et si vous lo einsi a escuser Que cil soient reté de l'iresie Qui des or maiz ne vous voudront amer . Par Dieu ! vassal , mout avez fol pensé Quant vous m'avez reprouvé mon eage . Se j'avoie mon jouvent tout usé , Si sui je riche et de si grant parage C'on m'ameroit a petit de biauté . Encor n'a pas un mois entier passé Que li Marchis m'envoia son message Et li Barrois a pour m'amour jousté . file:///G:/Textes/2. Mis en forme HTML/bfm2013... 60 sur 61 Richard de Fournival : Oeuvre lyrique - 134 - 45 Dame " , fait il , " ce vous a molt grevé Que vous fïez en vostre seignorage ; Mes tel .vii. ont ja pour vouz sospiré , Se vous estiés fille au roi de Cartage , Qui ja mes jour n'en aront volenté . On n'aimme paz dame pour parenté , Maiz quant ele est bele et courtoise et sage . Vouz en savroiz par tanz la verité . " file:///G:/Textes/2. Mis en forme HTML/bfm2013... 61 sur 61