Taniketsa - sa fjkm andrainarivo fahasoavana
Transcription
Taniketsa - sa fjkm andrainarivo fahasoavana
Taniketsa - Laharana faha 55 - Desambra 2013 1 Taniketsa Gazetin’ny Sampana Sekoly Alahady FJKM Andrainarivo Miseho isan-telo volana. Laharana faha 55. Desambra 2013. Vidiny: 400 Ariary. Tranokala: www.sa-andrainarivo.mg F.J.K.M SY FIANGONANA ZANDRINY Olon’Andriamanitra miara-mivavaka Niroso tamin’ny fifandraisana amin’ireo Fiangonana zandriny ny FJKM. Tsy haitraitran’olombelona ny fihaonana fa vokatry ny fitarihan-dàlan’ny Fanahy Masina. Olon'Andriamanitra miara-mivavaka ho amin'ny fanasitranana ny taniny ny Fiangonana zokiny sy zandriny ara-tantara ka ho fantatry ny olona rehetra fa Mpianatry ny Tompo tokoa ny mino Azy. Matoan-dahatsoratra Fiombonana Ireo Fiangonana Zandriny sy ny FJKM Ho fanasitranana ny taniny Ny toe-javatra nitranga teto amin’ny firenena ny taona 2002 dia nanamafy bebe kokoa ny fandalan’ny FJKM ny fiombonana amin’ny hafa ka nifaneraserany tamin’ireo antsoina hoe Fiangonana zandriny ankehitriny, izay niara-nitondra am-bavaka ny firenena. Tsaroana ho nitarika izany fiombonana izany ny Mpitandrina Ramino Paul tao amin’ny FJKM Amparibe Famonjena sy ny Pasteur Jules Randrianjohary tao amin’ny FAK na Fiainana Ao amin’i Kristy, izay natrehin’ny Mpitandrina Rasendrahasina Lala, Tonian’ny Departemantan’ny Fiangonana FJKM tamin’izany. Matetika ny fiaraha-mivavaka dia natao tao amin’ny FJKM Isotry Fitiavana izay niitatra hatrany amin’ny faritra samihafa teto an-drenivohitra. (Tohiny P.3) FFPM: SPAA/SA: Nahitsy ny fihirana Tetiandro 2014 (P.2) Fiangonana miavaka ny FJKM, noho izy fatrapandàla ny fiombonana amin’ny hafa. Voarakitra ho isan’ny zava-kendreny rahateo ao amin’ny Fotodalàna izany. Misy fifanatonana teo amin’ny FJKM sy ireo Fiangonana zandriny. Fiombonana ihany anefa no atao amin’izany fa tsy fanakambanana ho lasa Fiangonana tokana. Maro ireo karazampiangonana zandriny. Tsy azo atao an-kitapo iray anefa izy rehetra fa misy ny tsy ahitana olana firy, nefa koa eo ireo tena manahirana. Noho izany ilaina ny mijery akaiky izay tokony hifandraisana. Mahasoa mandrakariva ny fiombonambavaka! TANIKETSA FANASINA (P.4) "Ary mba hotorina amin’ny anarany ny fibebahana sy ny famelan-keloka amin’ny firenena rehetra." Liok 24: 47 KETSA KETSA Taniketsa - Laharana faha 55 - Desambra 2013 2 Nahitsy ny fihirana FFPM Mankalaza ny faha 100 taonany ny Fiombonan’ny Fiangonana Protestanta eto Madagasikara (FFPM) tamin’ ity taona ity. Nahitsy ny fihirana FFPM ary navoaka tamin’ny ivon’ny jobily ny Alahady 13 Oktobra 2013 tao Antsahamanitra. Nahoana no natao ny fanitsiana? Fihaonana tamin’ny mpampahalala vaovao nataon’ny Komity FFPM Ny FFPM na Fiombonan'ny Fiangonana Protestanta eto Madagasikara dia Fiombonana iarahan'ny FLM sy FJKM miasa tao anatin'ny 100 taona izao. Sampan'asa maro no sehatra anehoana izany fiaraha-miasan'ny Fiangonana roa tonta izany, ka eo ambany fiahian'ny Biraon'ny Komitin'ny Protestanta tarihin'ny Filoha (RASENDRAHASINA Lala Haja, Mpitandrina) sy ny Filoha Mpanampy (Pastora Dr RAKOTO Endor Modeste), izay ifandimbiasana isantaona ny andraikitra amin'izany. Manana Tonia sy Mpandraharaha matihanina ny Birao Foibe ary Mpanolontsaina roa avy amin'ny FLM, roa avy amin'ny FJKM. Tetiandron’ny faha-100 taona Ny teny Fanevan’izao faha 100 taona izao dia ny hoe "Miray fo hiara-miezaka hampandroso ny finoana ny Filazantsara". Fil 1: 27d Manao hetsika entiny mankalaza ny faha-100 taona avokoa ny Vondron-tSampan’asa, ny Farimbonasa ary ny Vondronasa tsirairay ao amin'ny FFPM, araka ny daty na vaninandrony avy ato anatin'ny herintaona. Fa izay miavaka dia ireo iarahan’ny rehetra mankalaza an’Andriamanitra tamin’ny Alahady 07 Avrily 2013 nanokafana ny jobily tao amin’ny FJKM Andrainarivo Fahasoavana. Teo koa ny ivon'ny fankalazana natao ny Alahady 13 Oktobra 2013 tao Antsahamanitra nialohavan’ny filaharambe. Ary tsy hifarana ny fankalazana raha tsy ny Alahady 11 May 2014. Ny Tsangambato Ny tena mampiray ny Fiangonana roa tonta ihany koa dia ny fananana ny fihirana iombonana FFPM. Tsangam-bato notapahin’ny Komity fa hatolotra amin’izao jobily izao ny fananganana "Station" radio FM Radio Protestanta mahaleotena ho fitoriana ny Filazantsara sy fanabeazana ny olona manontolo ary ny fihirana FFPM voahitsy. Fanolorana ny fihirana voahitsy Ny Alahady 13 Oktobra 2013, ivon'ny jobily faha 100 taonan'ny FFPM sy famaranana ny Komity Protestanta (KP) faha 84 sy fivoriambe faha 15 ny FFPM, natao tao amin'ny sehatra maitso Antsahamanitra no nanolorana ho an'ny Filoha roa tontan'ny Fiangonana ny "dika voalohany" ny fihirana FFPM vita fanitsiana. Tamin’izany no nitenenan’ny Mpitandrina RASENDRAHASINA Lala, Filohan'ny FFPM, hoe "Ampirimo amin'izay iny fihirana FFPM eny antananao iny fa manomboka eto dia ity dika vaovao ity no hampiasao". Nahitsy ny fihirana FFPM Nasiam-panitsiana ny fihirana FFPM mba hiverenan'ny maha-izy azy. Maro ny hira ao anatin'ny fihirana FFPM no niova koa nanapa- kevitra ny hanitsy izany ny tompon'andraikitra. "Tsy mifanaraka amin'ny tonony sy ny feony namoronan'ny tompony azy intsony ankehitriny ny hira sasany. Maro ireo Fiangonana milaza ho Protestanta no manova ny feon'ny hira ary mampihena ny andinin-kira, izany hoe raha tokony hisy andininy telo ny hira iray dia lasa andininy roa sisa no voasoratra ao anatin'izany fihirana izany", hoy ny fanazavana avy amin'ny Tonian'ny FFPM, ny Mpitandrina Rasoavimbahoaka Fanja-Navalona. "Mety hisy ihany koa ny fanovàna ny voambolana sasany mba hifanaraka amin'ny teny sy ny hevitra teolojika, ankoatra ny fanitsiana entina amin'ny tonony sy ny feon'ny hira. Harena ny fihirana ka tokony harovana sy karakaraina mba tsy ho potika ny maha-izy azy, ary izay no tanjona", raha ny fanamarihana azo avy amin'ny tompon'andraikitra hatrany. "Tsy halefa fotsiny amin'izao isam-piangonana akory io fihirana voahitsy io fa tsy maintsy misy ny fanentanana ny olona hampiasa azy sy ny fampianarana ireo hira rehetra ao anatiny, indrindra fa ireo hira nasiam-panitsiana", hoy ihany ny nambaran'ny Tonian'ny FFPM. Ny FLM sy ny FJKM kosa no hanelezana izany voalohany. Nanangona: J.R Sary: Harilala Randrianarison Sary famantarana ny faha 100 taona Dikan-teny Décollage = Fiaingana Décoller = Manendaka Décolorer = Mampiofo Décombres = Korontan-trano rava Décomposer = Manasaratsaraka Décompte = Fitsinjaram-bola VAOVAO VAOVAO Taniketsa - Laharana faha 55 - Desambra 2013 3 Olon’Andriamanitra miara-mivavaka Fifonana Nitranga indray ny olana teto amin’ny firenena ny taona 2009, dia nifoha indray ny fifanatonana teo amin’ny FJKM sy ireo Fiangonana zandriny. Novohizina ny hevitra fa mila miombona ny samy Fiangonana sy ny Kristiana vao ho sitrana ny fery mikiky ny firenena. Fihaonana lehibe voalohany nifanomezana ny Alarobia 24 Jona 2009 teny amin’ny Fiangonana RHEFI (Rhema Fanafahana International) Androndrakely. Fanompoam-pivavahana notarihin’ny Fiangonana zandriny fa ny FJKM kosa no nitory ny Tenin’Andriamanitra. Ny teny avy ao amin’ny Hosea 2:1-2 no nohazavain’ny Mpitandrina Andriamasinoro Fidimalala. Teny izay manambara indrindra ny amin’ny fampiraisana sy ny fampiombonan’Andriamanitra ny mpirahalahy tafasaraka sy nifandrafy, dia Joda sy Isiraely. Teo amin’ny dinika nifanaovana dia nifamboraka ny tao am-pony, tsy nisy fihafahafana ny rehetra. Nilaza ny Fiangonana zandriny fa malahelo izy ireo, noho ny niantsoan’ny FJKM azy ho sekta. Niaiky koa anefa izy ireo fa efa nanaratsy ny FJKM ho Fiangonana tsy mifoha, tsy misy Fanahy Masina, maty. Naneho ny avy amin’ny FJKM fa vonona hifampitaiza ka tsy hampiasa ny voambolana hoe sekta intsony. Zavadehibe ny fampivondronana ny hery sy ny fifankatiavana, satria ny fahavalo iombonana dia satana ary eo koa ny fidiran’ny fivavahana Silamo. Io fihaonana io no nifampiantsoana voalohany ny anarana hoe Fiangonana zokiny sy Fiangonana zandriny. Inona no efa nifanarahana Zavatra telo loha no nifanarahana ambava tamin’ny fihaonana natao ny Alatsinainy 13 Jolay 2009 teny Androndrakely. -Tena iray. Tompo tokana no ankalazaina, ary samy zanak’Andriamanitra avokoa ny rehetra. -Fifankatiavana. Miaina ny fifankatiavana eny anivon’ny fiaraha-monina, ho fijoroana vavolombelona fa mpianatr’i Kristy -Jesoa Kristy irery no Tompo sy Mpamonjy. Hiaraka ampanjaka an’i Kristy irery eto Madagasikara. Ahoana ny hevitry ny Foibe FJKM Mba ho fampiharana izany dia nanoratra taratasy tany amin’ny Synodamparitany ny Foibe FJKM ny 15 Jolay 2009. Fanehoan-kevitr’ireo tompon’andraikitra samihafa Rasendrahasina Lala, Mpitandrina Filohan’ny FJKM "Tsy mbola manana anarana raikitra iantsoana azy izao fiombonana izao. Santatry ny ho avy izao. Ny fifaliantsika dia ny fifampizarana ny fomba fanompoana an' Andriamanitra. "Fa tsara sady mahafinaritra raha ny mpirahalahy no miara-monina" (Sal 133: 1). Tsy tokony hifangalatra isika, izany hoe: tsy tokony hanjono anaty vovo, fa mbola be ny ondry any ivelan'ny vala mila antsika ny fanangonana azy ireny. Ara-tantara ihany ny maha-zokiny sy zandriny, fa isika rehetra dia samy manaiky an' Andriamanitra Ray, Zanaka, Fanahy Masina. Mampahery antsika rehetra ny FJKM hazoto hitana ny firaisana." Randrianaivoravelona Adolphe, Pasteur RHEFI Filohan’ny Fiombonana "Zava-dehibe ny fisian'ny fifanatonana teo amin'ny FJKM sy izahay Fiangonana taty aoriana. Fandresena lehibe eo anatrehan'Andriamanitra izany. Marina fa tsy mbola matanjaka be araka ny nieritreretana azy ny fisehony, nefa inoana fa tafavoaka foana io. Tsy avy amin'ny olona koa io fa avy amin'ny Tompo. Tsy mbola misy anarana iantsoana izay fiombonana izay aloha fa Fiango nana zokiny sy Fiangonana zandriny araka ny fisiany fotsiny no ifampiantsoana. Aoka hotandrovana tsara izao fihavanana izao. Rehefa mivavaka any an-trano dia tonony mandrakariva izao fiombonantsika izao." Marinasy, Mpitandrina Sekretera Jeneralin'ny FJKM "Ny Fiangonana zandriny dia ireo Fiangonana niforona taty aoriantsika FJKM. Nifampitsara isika sy izy ireo ka ny fahatsapana ny tsy mahamety izany no nahatonga io fifanatonana io. Satria tsy mety, amin'ny maha Kristiana mitory an'i Jesoa Kristy tokana izany. Ny fototra iorenan'ny fifanatonana dia ny fitoriana ny Filazantsara fa avela ny fifanenjehana satria iray ny finoana fa ny Fiangonana no samihafa. Andao atrehina ny firoboroboan'ny finoana Silamo sy ny fanompoantsampy. Mandeha roa ny fifanatonana dia isika manatona azy ary izy manatona antsika. Mpitandrina nametrahan'ny Foibe FJKM andraikitra, manaraka manokana izay fifanatonana izay, Radimison Jonah, Tonian'ny Departemantan'ny Fiangonana, Andriamasinoro Fidimalala, Poget Helivao." "Ho fiaraha-mijoro vavolombelona eo anivon’ny fiaraha-monina sy ho fiainana ny Tenin’ny Tompo ary manoloana ny antson’ny Fiangonana mba hihavana sy hifamela dia zava-dehibe ny hisian’ny fifanajana sy fifankatiavana eo amintsika Fiangonana zokiny sy ireo karazam-piangonana zandriny." Ny Mpiandraikitra Foibe koa tamin’ny fivoriany ny 14-21 Oktobra 2009 dia nandray fanapahan-kevitra. "Omena tsodrano ny Biraon’ny Mpiandraikitra Foibe sy ny mpanatanteraka hanohy ny ezaka amin’ny fifanatonana efa natao tamin’ny Fiangonana zandriny." Maro ny fifanasana sy fiaraha-mivavaka taorian’izany. Ny fifanatonana teo amin’ny FJKM sy ireo Fiangonana zandriny anefa dia tsy hikendrena ho lasa Fiangonana tokana akory fa atao mba hiainana ny voalazan’ny Fotodalàna andininy faha 40. "Misokatra ho an’ny olona rehetra tsy misy avakavaka ny Fiangonana". José Ravoavison Teny Malagasy Ny mariky ny fijanonantsoratra -Teboka telo: Manambara zavatra tokony holazaina nefa najanona. -Faingo: Fampiatoana kely mba hanavaka izay voalaza teo aloha ka ny teny manaraka dia fanampin’izay voalaza ihany. VAOVAO Taniketsa - Laharana faha 55 - Desambra 2013 Vaovao anatiny Vaovao ivelany S.A ANDRAINARIVO MPIANDRAIKITRA FOIBE FJKM Vokatry ny fanadinana Hafatra Toa izao ny vokatry ny fanadinana tamin’iny taom-pianarana 2012-2013 iny ho an’ny Sekoly Alahady eto amin’ny FJKM Andrainarivo Fahasoavana. K K1 K2 K3 K4 K5 K6 K7 K8 20/20 10 10 15 1 5 19-12/20 25 25 21 43 47 21 19 6 11-0/20 15 15 11 16 28 16 5 5 Notoloran’ny Synodamparitany maripankasitrahana ireo rehetra nahazo naoty 20/20 sy 19/20 tamin’ny K6, K7, K8. Ny fizaran-doka kosa dia hatao ny Alahadin’ny Sekoly Alahady 8 Desambra 2013. SAFIF ANDRAINARIVO Chorale Mi-Ray Nanangana Antoko Mpihira, Antsoina hoe "Mi-Ray", ny Sampana Fifohazana eto amin’ny Fitandremana Andrainarivo Fahasoavana ny Alahady 27 Oktobra 2013. Ny Filohan’ny SAFIF Synodamparitany, Atoa Ralambomahay Hendrininosy, Mpitandrina no nitokana izany, izay nambara fa "mifanaraka amin’ny fanapahan-kevitry ny Zaikabe Fifohazana izao." Teny Fanevan’izy ireo ny Romana 15: 6. "Ho saina iray sy vava iray no hiarahanareo mankalaza an'Andriamanitra". Manana ny Birao mitantana azy koa ny chorale Mi-Ray izay Rajoelison Falihery no Filohany. Hira klasika no nanokafan’izy ireo ny fihiràny nefa amin’ny maha Fifohazana azy dia inoana fa tsy hohadinoiny ny hira Zafindraony! Ireo mpikambana ao amin’ny chorale "Mi-Ray" AMAM ANDRAINARIVO Vita ny fankalazana Nofaranana ny Alahady 10 Novambra 2013 tao amin’ny FJKM Andrainarivo tamin’ny antsan-kira niarahan’ny Maintimolaly sy ny am-perin’asa ny faha 45 taon’ny Sampana Antoko Mpihira Antsan’ny Mamatonalina. Tamin’izany koa no nanolorana ny fitaovana fanamafisampeo hitoriana ny Filazantsara. Ny Mpiandraikitra Foibe FJKM izay nivory tao amin'ny CFD Ampandrana ny 16-21 Oktobra 2013, dia mametraka izao hafatra izao: o Misaotra an'Andriamanitra isika noho ny fitahiany sy ny fahasoavany tsy manam-petra fa miroso ny asan'ny Fiangonana ary niara-niasa taminy isika mpanompony rehetra tamin'ny fanefana ireo adidy aman'andraikitra niombonantsika. Antenaina fa hitera-bokatsoa hatrany ho an'ny asan'Andriamanitra izany o Nahazoana vokatra tsara ny Sekoly FJKM teo amin'ny fanadinana ara-panjakana. Koa isaorantsika an'Andriamanitra izany sady ampaherezina ireo tompon'andraikitra isan'ambaratonga mba hanohy ny ezaka vita. o Mampahery ny tompon'andraikitra rehetra manerana ny sahan'ny FJKM, amin'ny fanatanterahana ireo asan'Andriamanitra nampanaoviny antsika toy ny fanohizana ny ezaka Jesoa Kristy ho an'i Madagasikara (JKM), ny fiaraha-mientana amin'ny fankalazana an'Andriamanitra noho ny faha 45 taonan'ny Fiangonana misy antsika, ka hanarenana ny foto-drafitrasa eo amin'ireo Toeram-Panomanana Mpitandrina sy ny Mpampianatra FJKM. o Entanina hatrany ny Kristiana rehetra hivavaka sy hiasa ho an'ny fanitarampiangonana eto an-toerana sy any ivelany araka ny baikon'ny Tompo voaraintsika hitory ny Filazantsara "hatrany amin'ny faran'ny tany" (Asa 1:8). o Momba ny fiainam-pirenena: Mametraka ny adintsika eo amin' Andriamanitra ny hanokafana ny Radio Fahazavana sy ny hamerenana ireo fananan'ny FJKM izay nalain'ny Fanjakana isika. Ampaherezina ny FFKM eo amin'ny ezaka fampihavanana ataony mba hanohizany izany hatramin'ny farany. o Ny Fiangonana mpaminany ho an'ny firenena dia manentana ny Kristiana sy ny vahoaka rehetra manerana ny Nosy mba : -Hametraka ny maha Kristiana sy ny maha olon'Andriamanitra ho ambonin'ny zavatra rehetra ka tsy hivarotra ny safidiny. -Hiaina amin'ny tahotra an'Andriamanitra ka tsy hanaiky ho fitaovana hiray tsikombakomba amin'ny tsy marina noho ny fiandaniana amin'olona. -Hitandro tahaka ny anakandriamaso ny fahamarinana sy ny fihavanana amin'ireo fifidianana ara-dalàna rehetra izay hatao eto Madagasikara. "Hitahy anareo anie ny Tompo ka hiaro anareo !" (Nomery 6: 24) Ny Filohan'ny FJKM RASENDRAHASINA Lala Haja, Mpitandrina 4 FJKM ANY AMERIKA Fjkm Québec Najoro ny 29 Septambra 2013 ny Synodamparitany faha 38 eo anivon’ny FJKM ary notokanana tamin'ny fomba ofisialy ny Alahady 12-13 Oktobra 2013 ny Fiangonana FJKM Québec Canada izay Fiangonana FJKM voalohany any Amerika Avaratra. Tonga nitarika ny fotoana ny Filohan'ny Synodamparitany Vatofehizoro Ampitandranomasina SP37 ny Mpitandrina Charles Rakotonirina. Izy ihany koa no nisolo tena ny Filohan'ny FJKM ny Mpitandrina Lala Rasendrahasina sy ny Birao Foibe FJKM. Nanampy azy tamin'izany ny Mpitandrina Hanta Lalasoa Andrianarisoa avy ao amin'ny FJKM Gland Suisse sy ny Mpitandrina Perline Cooper izay nitondra ny tenin'Andriamanitra. SPAA/SA (12) Tetiandro 2014 -Alakamisy 9 Janoary: Fiarahabana taom-baovao ny President Synodaly, izay hatao etsy amin'ny Centre d'Acceuil Ambohimangakely amin'ny 2 ora tsy diso. Entanina isika izay afaka. -Sabotsy 9 Febroary: Fifampiarahabana taom-baovao iarahana amin'ny Biraon'ny Faritra 5. Fandraisana ny tetiandro sy ny tetikasa avy amin'izy ireo ary fiarahabana ny Filohan'ny Sekoly Alahady Synodamparitany Antananarivo Atsinanana, izay hatao ao amin'ny Fitandremana Isoavina Fihavaozana. Hanomboka amin'ny 9 ora tsy diso -Sabotsy 15 Martsa: Fiofanana Mpampianatra rehetra, izay hatao amin'ny Fitandremana Ambatomanga Fiderana, Faritra Ambatomanga. Hanomboka amin'ny 9 ora hatramin'ny 3 ora -Sabotsy 12 Aprily: Fiofanana Mpampianatra rehetra, izay hatao ao amin'ny Fitandremana Tranovato Faravohitra, Faritra Faravohitra, hanomboka amin'ny 9 ora hatramin'ny 3 ora. Finoana iainana Ianareo zandry sekta Ianareo zoky maty Ny fiombonana ao amin’i Jesoa Kristy Tompo dia mandrava ny efitry ny fisarahana VATSY VATSY Taniketsa - Laharana faha 55 - Desambra 2013 Daty malaza Tononkalo Tantaran’ny Fikambanana Mampiely Baiboly Malagasy (FMBM) Aprily 1980: Naverina any ivelany ny fanaova-printy ny Baiboly sy ny Testamenta Vaovao noho ny fahasarotan’ny fitaovana. Nitsangana ara-panjakana ny Fikambanan’ny Mpamafy. Jolay 1984: Nisokatra ny Biraon’ny CMM (Cassette Ministry à Madagascar) 21 Jona 1985: Nankalazaina eran’i Madagasikara ny faha 150 taonan’ny Baiboly Malagasy ary nandraisan’ny Fiangonana Kristiana rehetra anjara. Natao andro tsy niasana io Zoma io. Febroary 1986: Vita amin’ny horonam-peo ny Testamenta Vaovao manontolo, Dikanteny Protestanta. 22 Jona 1986: Lany tao amin’ny Fivoriambe faha XI ny lalam-panorenana vaovao mitondra ny FMBM. 21 Jona 1990: Feno 25 taona katroka ny Fikambanana Mampiely Baiboly Malagasy. Fivoriambe faha XIII. Fitokanana ny "Kianjan’ny Baiboly". 21 Aprily 1991: Vita printy ary natolotra tao Antsahamanitra ny Testamenta Vaovao, Dikanteny Iombonana eto Madagasikara (DIEM). 1994: Notokanana ny Tobimpamatsiana any Toliara. (Hitohy) Tantara mitohy: Raha vao tonga aho, dia nitsena ahy toy ny fanaony izy. Tsaroako ho avo roa heny mihitsy ny firehitry ny afom-pitiavanay. - Nivo a, faly ve ise, hoy aho. - Ise angaha tsy mba faly, hoy izy, sady norohany aho. - Koa inona no omen’ise ahy, noho ny hafalian’ise? - Ny fitiavako, hoy izy...Ny fitiavako. Ary ny an’ise, inona? - Ny ahy an, izao avy no omeko an’ise : omeko bà-kely ise an, sady norohako ny takolany, dia omeko fitiavana ise an, dia omeko fanomezana koa ise, sady natolotro ilay fonosan’entana novidiko. Novahan’i Nivo ilay izy, ka akory ny hafaliany nahita ity akanjo tsara tarehy. - Oay, tsara loatra izy izany. - Ise koa anie tsara ka mendrika ny tsara e... Nanaovany ilay akanjo. Nojereny tao anaty fitaratra, ka hoatry ny natao ho azy ny habeny. Rehefa izany, dia nanatona ahy izy. Nipetraka teo anilako. Nibanjina ahy, ka sady nitsiky izy no indreny, toy ny perla niraradraraka namonto ny Nahoana? Tompo o, nahoana moa ny saiko No tsy mankatoa anao Minia mamilivily ny aim-panahy, Tokon'ny ho an'ny namako ?! Satria izay rehetra hitako ao am-piangonana Mamendrofendro, mpanondro molotra; Tsy mitovy firazanana sa mahantra sy niangarana, Tsy mendrika hanonona ny an'Andriamanitra! Nahoana moa isika lazaina fa mpanara-dia an'i Kristy No hafahafa tsy hay ambara Tsy mampandroso ny Fanahy Mampihemotra Fitiavana Fitiavana toriana dradradradraina ho an'ny hafa Tsy ho an'ny hafa fa ho an'ny hafa, Hafa nampiavaka ny tenany ho mahay noho ny hafa, Ka ny hafa te-hanompo tsy havela mba hitory.... Hitory sy hampianatra izay mba nilofosany Hatahorana fandrao hanimba ny hasin'ny Fiangonana. Mahonena fa Nahoana ? Tsy fantatro satria niezahana nafenina tamin'ny manan-tsaina Ka ny manan-tsofina indray no hampilaza ny tsirariny, Tompo o! Ovay ny Foko ho mora hanarina Ny adalan'izao tontolo izao, izao efa nampahamenatra ny Hendry 5 Olo-malaza Andriamanamizao, Mpitandrina (1845-1904) Teraka tao Antsahatsiroa ny 22 Aprily 1845. Rainimamonjisoa izay, Mpitandrina tao Analakely, no rainy ary Ramiarana no reniny. Nianatra tao amin’ny Kolejy Ambohimanoro, ary nikoizana tamin’ny taranja kajy Andriamanamizao. Nilomano tao anatin'ny fitaizana Kristiana amin'ny maha Mpitandrina ny rainy. Nampianarina hijoro amin'ny fahamarinana sy ny fitiavan-tanindrazana. Nijoro vavolombelona tamin'ny fo madio tsy misy fihatsarambelatsihy. Nanana fandavan-tena hanampy ny mpiara-belona tamin'ny lafiny rehetra, tsy nifidy saranga na lehibe na kely. Mpitory teny malaza koa izy ka maro ireo olona voataonany ho an'Andriamanitra. Mpanompo nahantra sy nandefitra, tsy tia rendrarendra, nampifanatona ny manana sy ny osa ara-pivelomana ary nandà tanteraka ireo mety ho tombontsoa manokana na karama be nomena azy tamin'izany satria hoy izy hoe "Ny asan'Andriamanitra dia tsy karama fa fanompoana". Niasa teny Fenoarivo izy ny taona 1874 ary nitandrina ny Fiangonana tao Antsampanimahazo. Indrisy fa namoy ny ainy teo amin’ny faha 59 taonany, ny 15 Aogositra 1904. Nanangona: Raphaël Fanambadiana tonga lafatra tratrany ny ranomasony. Roa ny fihetseham-pony tamin’izay: Faly loatra izy, fa toy ny lefo-maranitra manindrona hatrany amin’ny aty fanahy ny fifaliana. Nalahelo koa izy, fa tsy mba nanan-katolotra ho ahy. Noheveriny ho zavatra bitika teo anatrehako angaha ny fitiavany. Tsy fantany, "fa na misy olona manome ny fananany rehetra ao an-tranony aza hamidy fitiavana, dia hatao tsinontsinona izy". - Nivo a, hoy aho. Mihoatra noho ny harena sarobidy rehetra ny halehiben’ny fitiavanao. Ampy ahy, diso ampy ahy loatra aza izany. Nitsiky izy, raha vao nahare izany, noraisiny ny tànako, dia nofihininy mafy. Nibanjina ahy izy, ary nofafako moramora tamin’ny rantsan-tànako ny ranomaso nanorika ny tavany. ******************************** Toy ny fanaonay, dia mandeha mitsangantsangana izahay ny Asabotsy hariva. Feno enim-bolana izao ny kibon’i Nivo. - Telo volana, sisa hoy aho, dia ho tonga ny zaza. - Iza no hatao anarany? - Ny anarany? Izao no hatao: Raha vavy, dia hianao no manome ny anarany manontolo, fa raha lahy kosa, dia izaho no manome ny anarany. - Eny ary, koa raha ratsy ny anarana hitako? - Asanao...Hianao ihany no nanao ny anarana, ary ny zanakao ihany no omenao azy, koa sahy hanolotra ny ratsy ve hianao? Ny anarana koa anie betsaka e, sady hianareo vehivavy ihany aza, no mahita kipitson’anarana be angolany be ireny. Ny adi-varotro fotsiny, dia izao: Aza atao anaram-bazaha fa ataovy gasy an. - Izaho koa anie tsy dia tia ireny anaram-bazaha ireny e, soa ihany ny ahy, fa nataon’izy mivady gasy. Dia mijerijery mangazay. Mitsiriritra kilalaon-jaza sahady. Raha vavy izy, rahoviana no hilalao an’itony. Raha lahy, rahoviana no hahazo an’irony? Raha vao somambisamby ny andro, dia namonjy fodiana izahay. (Hitohy) Nosoratan’i Ramarolahy Marc N ZEZIKA ZEZIKA Taniketsa - Laharana faha 55 - Desambra 2013 Akon'ny Fihaonambe Sekoly Alahady FJKM tany Antsirabe Fihaonambe faha V no nataon'ny Sekoly Alahady FJKM tany Antsirabe ny 4-8 Septambra 2013. Nanatrika izany ny Sampana Sekoly Alahady eto amin'ny FJKM Andrainarivo Fahasoavana, izay nisy 90. Sady lasy no Fihaonambe ho anay io fotoana io. Nosokafan'ny Filohan'ny Biraon'ny Mpiandraikitra Foibe FJKM Atoa Lala Rasendrahasina, Mpitandrina tamin'ny fanompoam-pivavahana ny Alarobia 4 Septambra tolakandro tao amin'ny kianja Saint Joseph Ambavahadimangatsiaka, ny Fihaonambe. Ny lohahevitra nibaiko izany Fihaonambe izany dia ny hoe "Ny Tenin'Andriamanitra, loharanon'ny fanantenana" Fandaharam-potoana Fiofanana momba ny Haibaiboly na fahalalana momba ny Baiboly no naka ny ampaham-potoana be tamin’ny fihaonana. Ankoatry ny fiaraha-mivavaka isa-maraina sy ny varotra fampirantiana nadraisan’ny Foibe sy ny Synodamparitany ary ny lalao samihafa nifaninanan’ny mpianatra. Fehin-kevitra Ny Alahady 8 Septambra no namaranana ny Fihaonambe, tao amin'ny kianja Saint Joseph, nialohavan'ny filaharana niainga tamin'ny faritra samihafa. Tamin'io fanompoam-pivavahana famaranana io no nanambaran'ny Filohan'ny Sekoly Alahady Foibe FJKM, Atoa Andriamasinoro Fidimalala, Mpitandrina ny vokatry ny fivorian'ny Komity Lehibe izay natao ny 3-4 Septambra tao Antsirabe ihany. 1.Momba ny lesona sy ny fampianarana ary ny fanadinana -Ho an'ny Fiangonana mahita fahasahiranana dia azo vitaina ao anatin'ny 2 taona ny lesona ao amin'ny Kilasy iray. Ny taona voalohany dia ianarana ny lesona 1-2-3 sy 7-8-9. Ny taona faharoa no hamitàna ny lesona faha 4-5-6 sy 10-11-12. Antsoina hoe Kilasy A sy B ireo. -Hisy sokajy roa ny laza adina amin'ny fotoam-panadinana. -Ny mpampianatra rehetra dia entanina hifindra Kilasy ampianarina isan-taona mba hitomboan'ny fahalalana sy andraisana traikefa amin'ny fampianarana Sekoly Alahady. 2.Momba ny sekolin'ny mpampianatra Hatsangana ny Sekoly Alahady Manofana Mpampianatra FJKM na SAMM FJKM. 3.Fiainan'ny Sekoly Alahady eny anivon'ny Synodamparitany Izay mpanofana omen'ny Sekoly Alahady Foibe fahefana ihany no mahazo manofana mpampianatra Sekoly Alahady any anivon'ny Synodamparitany sy any amin'ny Fitandremana, ankoatra ny Mpitandrina. 4.Mikasika ny piraty Entanina isika rehetra mba hiady amin'ny hosoka na piraty amin'ny boky na zavatra hafa vokarin'ny Foibe Sekoly Alahady. 5.Ivontoerana Ankadiefajoro Averina ny tetik'asa Ivontoerana Ankadiefajoro na toerana fanofanana mpampianatra. Entanina noho izany ny fitondran'ny isam-batan’ olona ny atao hoe "anjara biriky". Ny Fihaonambe VI manaraka dia ho fantatra aorian'ny hanatanterahana ny Zaikabe hatao any Morondava ny taona 2015. Ireo mpizaika avy niofana tao amin’ny FJKM Katedraly Mahafaly (KAMAFA) Antsirabe 6 Ny tanànantsika Sabotsy Namehana: Tanàna iray natao hitoeran'ireo mpanompon'andriana fahizay. Izy ireo no tompon'Avaradrano izay nampanjaka an'Andrianampoinimerina sy nisy ny vadiny ary lasa tendrombohitra roambinifolo. Manandriana: Atsinanana izay somary mianavaratra kely an'Asabotsy Namehana no misy azy. Toerana dezaka tokoa fahiny ary famaharan'ny fahavalo. Anosy Avaratra: Lalan-tokana raha ho any amin'ny Rovan'Ambohimanga izany fahiny ary efa vita lalam-pirenena kosa ankehitriny. Ambohimanga: Rova nitoeran'Andrianampoinimerina, mbola hita ao ankehitriny. Ireo papa nifandimby Jean XI : 931 - 935 Leon VII : 936 - 939 Etienne IX : 939 - 942 Martin II : 942 - 946 Mba andramo ihany Similicuir Fomba fanadiovana fanaka vita amin'ny "similicuir". Asiana ronono velona ny eponge, ka iny no hikosehana ny fanaka. Arovy ny volonao Mampiasà "shampooing très doux" rehefa manasa loha. Somary orina kely ny hodi-doha mandritry ny fanasana loha (rano matimaty no ampiasaina fa tsy rano mahamay) ary farano amin'ny rano manga tsiaka. Arovana tsy ho maina ny volo amin'ny alalan'ny fanaovana "masque" na "bain d'huile" Mihinana sakafo ara-pahasalamana ilain'ny volo hitazonana hatrany ny hatsarany, sakafo be protida, sofra, fer, zinc, vit B ( Oh: tamenak'atody, lentilles,... SAMIHAFA SAMIHAFA Taniketsa - Laharana faha 55 - Desambra 2013 Sakafo Coupe de crudité facile accompagné de pâte Zavatra ilaina: Oignon 4, sauce vinaigrette, macaroni 1kap, atody 1 atao mayonnaise, voatabia 3, concombre 3, poivron 3, carotte 3, mortadelle 50g, mofo dipaina 1, menaka, sira. Zavatra anehoana azy : coupe 3, lovia fisaka 3. Fikarakarana azy: Natao ho an’olona telo. Fisapisahana ny oignon ary alona amin'ny sauce vinaigrette. Afangaro miaraka amin’ny macaroni sy ny mayonnaise avy eo. Loarana atao maka sisiny amin’ny lovia fisaka mba ahafahana mametraka ny coupe ary asiana mofo didiny telo. Kikisana ny karaoty. Atao endrika efamira ny concombre, poivron. Atokatokana ireo ka samy asiana sauce vinaigrette. Teteho efamira koa ny mortadelle sy voatabia voavaofy alàna voany. Asio sira antonony. Arotsaka mifanesy ao anaty coupe ny poivron, ny carotte, ny concombre, ny voatabia, ary ny mortadelle. Apetraka ambony lovia fisaka ny coupe. Mazotoa homana ô ! Namie & Vola 3- Sudoku N°17 1 8 7 4 3 6 9 2 5 2 4 9 5 7 1 3 6 8 6 5 3 2 8 9 7 4 1 4 9 1 3 6 8 5 7 2 8 3 2 7 1 5 4 9 6 Fahasalamana 5 7 6 9 2 4 8 1 3 7 6 4 8 5 2 1 3 9 3 1 8 6 9 7 2 5 4 9 2 5 1 4 3 6 8 7 B-Kilalao vaovao 1- Fandaharan-teny Ireto litera ireto dia andinin-tSoratra Masina anakiray avy ao amin’ny Matio 5:3-11. Rehefa isainao ireo dia miisa 33. Koa izay andininy, ao amin’io andininy vaolaza eo ambony io, ka misy litera 33 no valiny. Alaharo ary. RAF SMATAY ABTNRHNN ZMIAYANA RANTIOIA 2- Sudoku N°18 9 8 1 5 7 5 3 8 1 4 3 8 9 5 4 2 3 9 6 2 4 8 8 6 4 9 6 1 Tsiky kely Marina tokoa Kilalaon-tsaina A-Valin’ny kilalaon-tsaina (Septambra 2013) 1- Ady saina FANALA ALOKA NOFO AKO LA A 2- Amidio izay rehetra anananao ka omeo ny malahelo, dia hanana rakitra any an-danitra hianao; ary avia hanaraka Ahy (Mar 10: 21b) Fa miezaka aho hihazona izay nihazonan’i Kristy Jesoa ahy (Fip 3: 12) 7 Niantsoantso mpandeha ilay resevera taxi be teny Antanimena. Hoy Rasolofo fifohazana taminy: - Hira zafindraony no mety amin’izany feon’ise izany ! Jereo tsara Alahady maraina nianatra Sekoly Alahady. Nifamadika ny kahie fitondra mianatra sy ny kahie Sekoly Alahady nentin’i Doda. Nanontany ary ny mpampianatra. - Iza ireo roalahy mpianatr’i Jesoa voalohany? Tsy nahavaly i Doda - Jereo ny kahie rehefa tsy tadidy, hoy Ramatoa Mpampianatra Namadibadika ny kahieny i Doda dia niteny - Ikotofetsy sy Imahaka tompoko ! Nanolotra tsiky kely ho anao: Mamisoa Ny fampinonoana Na dia misy karazany telo aza ny fampinonoana, dia ny fampinonoandreny ihany no amporisihana ombieny ombieny, satria ny rononondreniny ihany no sakafo sarobidy mifanentana indrindra amin’ny toetenan’ny zaza. Tsy ampiasaina ny fanomezana ronono hafa ankoatry ny rononondreniny, raha tsy efa tratry ny tsy fidiny. Vitsy dia vitsy mantsy ny sokajin’olona tsy mahazo mampinono. Ny dokotera ihany no afaka milaza fa tsy tokony hampinono ny vehivavy iray nohon’ny fisin’aretina ao aminy. 1-Ny fampinonoan-dreny (allaitement maternel) Mitombo hatrany ny fikarohana atao manerana izao tontolo izao mikasika ny fampinonoan-dreny. Ny vokatry ny fikaonan-doha sy ny fifanakalozan-kevitra misy teo amin’ireo manampahaizana mpandinika tao amin’ny fikambanana iraisam-pirenena momba ny fahasalamana: UNICEF, OMS, ny fikambanana iraisam-pirenena miady amin’ny hanohanana (FAO), sns... dia miombon-kevitra ny maro amin’ireo dokotera nandalim-pahaizana manokana momban’ny fitsaboana ny zaza (pédiatre) fa ny rononon-dreny dia tsy hay tahafina. Amin’izao fotoana izao dia misy ezaka lehibe ataon’ny fikambanana iraisam-pirenena momba ny fahasalamana (OMS) sy ny UNICEF amin’ny firenena maro (ao anatin’izany i Madagasikara) mba hamporisihina ny fampinonoan-dreny. Anisan’ny ezaka imasoan’ny Minisiteran’ny Fahasalamana koa ny mikasika izany. (Hitohy) Etsy kely anie Ny Gazety Taniketsa dia mirary Krismasy sy Taom-baovao sambatra ho an’ny mpamaky "Voninahitra any amin’ny avo indrindra ho an’Andriamanitra! Ary fiadanana ho ety ambonin’ny tany amin’ny olona ankasitrahany." (Lio 2:14) FANDALINANA FANDALINANA Taniketsa - Laharana faha 55 - Desambra 2013 Boky Masina Mpitoriteny Ny Mpitoriteny, boky faha 21 ao amin'ny Baiboly Protestanta, fahaefatra amin'ny boky Poetika no hojerentsika. Toko 12 no mandrafitra azy. Sokajy Soratra izy ao amin'ny Baiboly Hebreo. Ny teny Hebreo "Kohéleth", olona mitarika amin'ny fivoriam-piangonana, no nadika ho mpitoriteny. Iray amin'ireo horonana dimy izy ary vakin'ny Jiosy isaky ny fetin'ny Tabernakely. Mpanoratra sy daty nanoratana Mety ho Solomona, zanaky Davida, mpanjaka tany Jerosalema no nanoratra (Mpitoriteny 1: 1). Nanjaka ny filaminana ara-panjakana tamin'ny androny, tsy nisy ady, niroborobo ny filozôfian'ny "fahendrena". Taorian'ny fahababoana tany Babylona no nandrafetana ny boky. Votoatin'ny boky Fijerin'olon-kendry manoloana ny fiainana "aty ambanin'ny masoandro" no velabelarina eto. Miverina in-27 ny hoe "aty ambanin'ny masoandro", fiteny tsy hita afa-tsy ao amin'ny Mpitoriteny. Mirakitra fahendrena ny boky. Tsy fahendrena nentim-paharazana toy ny voalaza ao amin'ny Ohabolana fa fahendrena vokatry ny fandinihana ny zava-nitranga teo amin'ny fiainana andavanandron'ny olombelona tsy maintsy maty. Misy dikany ve ny fiainana? Ny fisian'ny olombelona? Mitondra hatraiza ny zava-tsoan'ny tany? Nahoana no tsy maharitra ny fahasambarana ety antany? Nikaroka, nandalina, namotopototra, nanadihady ny Mpitoriteny. "Ary nampiasaiko ny foko mba hitady sy hikatsaka amim-pahendrena ny zavatra rehetra izay atao aty ambanin'ny lanitra" Mpitoriteny 1: 13a Valiny: sanganehana izy, vaka ny sainy fa hay mandalo, tsy azo antoka, misy tsininy ireo loharanom-pifaliana (fahatanorana, harena, voninahitra, asa, fahendrena, fahamarinana…). Loza mitatao ny tsy fahamarinana sy ny fahafatesana, ny tsy fahafantarana ny ho avy sy ny fandaharan'Andriamanitra ka mampandry andriran'antsy. Vokany: ketraka, kivy very hevitra izy ka aleo mifaly fa samy ho faty ihany. Nitady fahafahapo maharitra, tanteraka, azo antoka amin'ny zavatsoan'ny tany izy kinanjo diso fanantenana ka zary nivarilavo amin'ny fahafinaretan'izao tontolo izao izay mandalo sy mihelina ihany. Tsy nijery afa-tsy ny anio izy hanetsemana ny banga. "Tsy misy mahasoa ny olona mihoatra noho ny mihinana sy misotro ary ny mampahafinaritra ny tenany amin'ny fisasarany." Mpitoriteny 2: 24a Tsapany taty aoriana ny faharatsian'ny fiainana tsy miaraka amin'Andriamanitra. Noraisiny ny hany vahaolana azo antoka : Andriamanitra Mpahary, ny finoana an' Andriamanitra Mpahary. Zava-poana ny zavatra rehetra "Zava-poana dia zava-poana, hoy Mpitoriteny, zava-poana dia zava-poana, eny, zava-poana ny zavatra rehetra!" Mpitoriteny 1: 2 Miverina in-29 ao amin'ny Mpitoriteny ny hoe "zava-poana". Ny zava-poana (hevel), dia midika ara-bakiteny ho entona, fofonaina, rivotra. Io no nadika hoe Abela ao amin'ny Genesisy. Ny zava-poana dia mielina, marefo, tsy misy antony, tsy azo antenaina, tso-drivotra miserana, aloka mandalo, fiainana tsy maharitra, tsy azo ianteherana, tsy mahasoa, tsy misy fotony, tsinontsinona, misy fetra, misambo-drivotra… Zava-poana ny fahafinaretana, ny asa, izay rehetra nisasarana, ny fahendrena, ny fitsarana, ny fahamarinana, ny harena, ny fivavahana atao am-pahazarana, ny fisian'ny olombelona… Mora simba ny fahasambarana ary zava-poana ny fisasaran'ny olona ahazo azy. Firafitry ny boky Toko 1: 1-11 : Teny fampidirana : tsy misy zava-baovao fa ny eo ihany no miverina Toko (1: 12) - 6 : Zava-poana ny fahafinaretan'izao tontolo izao Toko 7-(12: 8) : Ny fahatahorana an' Andriamanitra no hany loharanompiadanana sy fahafinaretana 12: 9-14 : Teny famaranana: tandremo ny didin'Andriamanitra Tanjona -Manaitra ny mpamaky tsy ametraka fitokisana na amin'inona na inona afa-tsy amin'Andriamanitra irery, izay hany fototra azo antoka, maharitra, tsy miova. Zava-kendrena: Fitoriana ny Filazantsara 8 -"Mampianatra ny olona fa Andriamanitra no mampisy vidy ny fiainana: mitsara ny olona rehetra araka ny asany. Izy, mitondra fanantenana maharitra ny finoana Azy. "Inona no soa azon'ny olona amin'ny fisasarany rehetra izay isasarany aty ambanin'ny masoandro?" Mpitoriteny 1: 3 Manamafy izany i Jesoa: "Fa inona moa no soa ho azon'ny olona, raha mahazo izao tontolo izao, kanefa very ny ainy? Ary inona no homen'ny olona ho takalon'ny ainy?" Matio 16: 26 -Asaina hifaly amin'ny zavatsoan'ny tany isika fa tsy hiantehitra aminy (8: 15; 9: 7; 11: 9). -Mitarika ny mpamaky hanana finoana mari-pototra an'Andriamanitra (fahendrena saro-takarina) ny fahafantarana mazava tsara ny toe-piainan'olombelona. Fehiny Tsy mirakitra tenin'Andriamanitra ny boky. Tsy voalaza ny momba ny fikasan'Andriamanitra sy ny famonjena, ny Mesia, ny fahasoavana, ny fiderana. Na izany aza mino an'Andriamanitry ny Israely ny mpanoratra (miverina in-39 ny teny hoe Andriamanitra) : Andriamanitra mpahary (12: 1) ; tsara (3: 11) ; mpanao ny zavatra rehetra tsy takatry ny sain'ny olona (11: 5; 8: 17) ; atahoran'ny olona (3: 14; 5: 6; 7: 18) ; ivavahana (4: 17) ; mpitsara (3: 17; 11: 9; 9: 7; 12: 14). "Andriamanitra no atahory, ary ny didiny no tandremo, fa izany no tokony hataon'ny olona rehetra. Fa ny atao rehetra dia ho entin'Andriamanitra ho amin'ny fitsarana ny zava-miafina rehetra, na soa na ratsy." Mpitoriteny 12: 13-14 Niry Ravonison Taniketsa Gazety avoakan’ny Sampana Sekoly Alahady FJKM ANDRAINARIVO FAHASOAVANA Talen’ny famoahana: RAVOAVISON José Tél: 033 14 755 43 Tonian’ny fanoratana: RAJOELISON Daniel Tél: 033 12 856 99 Mpitantsoratry ny fanoratana: RAVONISON Nirinasoa Tél: 033 14 515 36 Tale ara-barotra: ANDRIANARIVO Raphaël Tél: 033 12 749 19 Adiresy: Lot II U 57 Bis Andrainarivo 101 Antananarivo Madagascar Site: www.sa-andrainarivo.mg E-mail: [email protected] Printy: Imprimerie du Centre Nivoaka: Desambra 2013 Natonta: 250