te haga
Transcription
te haga
Rata nö te parau äpï nö Hao N°5 – Eperera 2011 TE REO O TE TAGATA HENUA TE REKO A TE TÖMITERA-TEITEI haga rau, mai te patuhaga, te tautai, te hokotaoga, te tanu katiga, te taoga - rave-reka-hia ë te färikihaga marihini. Töku tere mätämua, e toru noa hana ki muri ki töku ravehaga mai ki töku tikahaga, ki te 26 nö tenuare, nö te motu ïa nö Hao ë täna haga köpuahaga tämähaga ë hakamaitakihaga e rave-noa-hia ara. Nä roto ki teie tere, kua hinagaro vau e hakapoupou ki te fä fakahiehie e kitehia ara nö te rave-kämui-haga te Hau-Nui ë te Hau-Henua, kauraka noa rä te haga köpuahaga tämähaga ë te hakamaitakihaga. Te reira räve-kämui-haga, kua ravehia ïa ma te kämui-katoga-haga mai te oire kia riro Hao ei hipahaga nö te hakamaitakihaga nö te henua iho ë nö te tau maoro. Takekë noa atu te tämähaga ki te haga nohohaga a te nuku, kua riro te reira ei turakihaga ki te haga köpuahaga nä roto ki te kämuihaga mai te haga kämuirarihaga nö te motu ë te hakamauhaga ki te haga taiete kökorereka e höroga mai ki te ‘ohipa nä roto ki te haga huru rave- Te haga ‘ohipa e ravehia ara, ko tä koutou e kite ara ki roto ki teie nümera 5 nö te rata parau äpï nö Hao, të fakakite mai ara koia ki te tauihaga o te motu nä roto ki te ravehakahou-haga mai te tagata ki te haga henua ë te ravehaga mai ki te tagata rave ‘ohipa ë tae noa atu ki te hakapikihaga ki te haga tagata rave ‘ohipa nö te motu iho. Kauraka rä teie köpuahaga ki vai noa ki reira. Te fä, kia riro te haga manako o te tagata henua ei rävega nö te päpaki körari kapi parau hou nö te kakai o Hao, kia riro katoga teie motu ei hipahaga nö te hakamaitakihaga e fakatura ara ki te nätura, kauraka rä ei fakariro-noa-haga kia ana ei pü äpï nö te haga ‘ohipa a te hau ë te terehaga taoga ki te pae Tuämotu. E mea rahi te haga köpuahaga ko tei turuhia e te Hau-Henua ë te HauNui, räua ko te rave kämui nei e te nünaga iho. Të reko katoga nei au nö te turuhaga a te oire, mai tä koutou e käroe ki roto ki teie rata a Te Reo, koia hoki ko tei fakaoti ë ko tei tärena ki te hakamaitakihaga nä roto ki te PGA (fakanahohaga nö te hakaviruhaga ki te henua) ë ko tei hakapäpü mai ki te manako e rave ki teie täpura ‘ohipa toreu nö te parapara. Page 2 Te haga turuhaga ki te uki e köpuahaga äpï tä rätou ë te fakanahohaga nö te haga köpuahaga maitaki, e kore te reira e manuia käore e hakapäpühaga ë maragahaga nö te ‘ohipa e ravehia ma te turuhia mai e te haga pü a te Hau-Henua, te oire ë te nünaga iho. Te hämatahaga ki te haga köpuahaga mätamua nö te tanu, te patuhaga e ravehia nö te fare äpï nö te tautai ë te haga tuatäpapahaga i hämatahia nö te uira köpape, e haga mea anake te reira e fakakite mai ra ki te itoito äpï ki te motu ko tä mätou e turu noa ä ki teie haga matahiti ki mua ki ruga ki teie fä kämui : te hörogahaga ki te uki o te motu te mahara ë te tekoteko kia rätou i riro ei turu nö te terehaga taoga e fakatura ara ki te nätura ë ki te reko o te haga tupuna. Nö reira, e tïtauhia kia tätou kia rave noa ä ë kia hakarahi atu ä ki te haga huru ravehaga kämui : kia kämui tätou e manuia ai te tauihaga ki tö tätou haga henua. Richard DIDIER tāne, Tōmitera Teitei no te Repupirita i Porinetia farani TE REKO A TE TÖMÄNÄ TEITEI O TE HAGA NUKU Page 3 KI PÖRÏNËTIA FARÄNI Ki te kävake eperera 2009 i tae mai ai ki Hao e 34 fakahau nö te Génie ë tä rätou haga mätini nö rave ki te haga ‘ohipa töreureu a te hau ë tö rätou iho kite ki te ‘ohipa. Ki muri ake, e 60 rave ‘ohipa tivira hau, e 30 ko rätou nö Hao iho, ko tei täpiri mai ki tei fakanahohaga nö te vävähi ki te haga fare o te DIRCEN tahito, ki raro ake ki fakaterehaga a fakaterehau nö Päruruhaga. Të tere nei teie ‘ohipa toreu. Të hakapäpü nei au ë, kua rahi te haga tagata rave ‘ohipa i ravehia mai ki ruga ki te motu nö Hao, të hakapoupou nei ia vau ki te ‘ohipa i rave- hia e te haga taiete ki ruga ki te henua. E mea huru tere mau te ‘ohipa, inaha e 38% o te 185 tä henua ko tei oti ki te tämähia ë ko tei hakaviruhia, käore rä ko tei fätata ki te oti. E mea tere au noa koia. Të manako nei au ki te haga fakanahohaga i ravehia e te tävana hau ë töna haga tauturu, koia hoki te mono fakatere nö teie köpuahaga ; të manako katoga nei au ki te tömité fakatere ko tei hakapäpühia mai e te mono peretiteni o te Hau-Henua, ë te haga pupu huru rau nö te haga ‘ohipa rave-kämui-hia e te HauNui, te Hau-Henua ë te Oire, e tuhaga rahi hoki tä rätou ; të manako katoga nei rä vau ki te haga köpuahaga katoga nö te hakamaitakihaga ko tei fakahitihia ana ki roto ki töku nau tere ki te kävake ätete 2010 ë te kävake tenuare 2011. Të haere au noa ara koia. Te haga tuatäpapahaga, te kimihaga ki te haga fatu henua, te haga fakaotihaga Nenekihaga – TE REO O TE TAGATA HENUA, kua nenekihia ïa e te pü a te Tomitera-Teitei ë Pörïnëtia faräni Fakatere nenekihaga : Richard DIDIER täne, Tomitera-Teitei o te Repupirika i Pörïnëtia faräni – Oscar TEMARU täne, Peretiteni nö Pörïnëtia faräni Tömite päpaki : Pupu ‘ohipa nö te parau äpï (Pü a te Hau-Nui nö te pae Tuamotu-Magareva - Pü a te HauHenua nö te pae Tuamotu-Magareva – Piha ‘ohipa nö te parau äpï a te haga Fakaterehau) Ravehaga vänaga : SAITG ë te haga hipahaga e au kia rave, kia ravehia ïa rätou nä mua ake ka hämata atu ai te ‘ohipa. Te haga fakaotihaga i ravehia ki teie hana, kia fakatura-noa-hia ä rätou, koia katoga nö te moni, nö te haga ‘ohipa nö a muri ake : kia ravehia ïa te reira nä roto ki te ferurimäite-haga ë ma te rü kore. E mea koakoa roa kia hipahia atu ki teie köpuahaga toreu ki töna tere-viruhaga, ki roto ihoä rä ki teie tau, nö te rahi o te tauihaga ë nö te iti o te moni. Kua riro ïa koia ei haga takakë mau e tano kia rave, e rävega teie ko tei poi mai ki teie rahihaga tagata e noho maoro mai ki ruga ki te motu nö Hao, ei hakaferurihaga katoga nö ananahi ë te fakataogahaga ki te haga tuhaga henua i karuke-noahia, e taime katoga paha ïa teie e tano ki te oire kia kiriti ki täna haga parapara käuri ma te moni kore. Teie nei rä, te tauturu rahi e 7 mïriä i hörogahia mai e te fakatere nö te Päruruha- ga, e riro koia ei tauturu poto noa, e oti hoki te ‘ohipa ki te matahiti 2016, nö te mea ë käore e ferurihaga ki teie nei nö te fakatikahaga ki te henua nö a muri ake. Te itoito e rave-vave-hia nö te turu ki te hakamaitakihaga ki ruga iho ki te henua, tei roto ïa te reira kia koutou takirari : koia hoki te mäfatu nö te hakamaitaakihaga ki te motu nö Hao. Kämui anake tätou nö te höroga kia Hao ki te mahara ë ki te haga rävega, kia viru koia e tago mai ki teie taoga e hörogahia atu nei nö te hakamaitaki kia ana, kia hoki mai teie motu ei pou mörï nö te pae Tuämotu mai täna i tika ake mai. Te ätimarara Jérôme Régnier Tömänä teitei nö haga nuku i Pörïnëtia faräni TÄPURA TUMU REKO Te reko a te Tömïtera-Teitei Te reko a Tömänä teitei nö haga nuku i Pörïnëtia faräni Te haga ‘ohipa i oti i te ravehia e pupu a te nuku Te terehaga o te haga ‘ohipa i hörogahia ki te haga taiete Te PGA, nö te aha ? Körari käputu paru (DCP) tei tämauhia ki tua ki Hao Kua hämata te fakaäpïhaga ki te haga uru hakari Te fakanahohaga nö te haga parapara gutuäfare nö Hao Tuhaga mätämua : te mäitihaga ! Tuatäpapahaga ki te püai köpape o te ava o Hao Täranihaga uira… Te haga rävega göhie Te kapi nö te takere Nau reko poto noa 02 03 04 07 09 10 12 12 13 14 15 16 TE HAGA ‘OHIPA I OTI KI TE RAVEHIA Page 4 E TE PUPU A TE NUKU Pauroa te maha kävake, e tae mai körari pupu a te nuku Génie nö te mono ki te pupu e hoki, nö te rave-noa-haga ihoä ïa ki te haga ‘ohipa nö te hakaviru ki te motu nö Hao. Ki muri ake ki te 5 o te fakaotihaga i hope, teie ïa te ‘ohipa i oti ki te 6 o te fakaotihaga, REHAB 6, mai te kävake novema 2010 ë tae mai ki te kävake mäti 2011. Te pupu nö te 6 o te fakaotihaga, e haga fakahau ïa nö te pupu e rave ki te haga ‘Ohipa Töiau (CTL) ë nö te Purümu Käuri (VF) te rahihaga, nö roto mai rätou ki te nuku Génie nö Besançon, ko tei turuhia mai e körari pupu o te nuku Génie nö te reva e noho na ki te tahua tauhaga manureva nö Avord. Noa atu te haga fakahau o te Génie ë, körari huru tö rätou koia nö te ravehaga ki te haga ‘ohipa, e mea varavara rä rätou ki te rave kämui ki te ‘ohipa. Kua fänako ïa rätou ki teie ‘ohipa takakë roa nö te kämuihaga ki tö rätou kite ‘ohipa ë te kitehaga atu hoki körari atu haga mätini käore e rave pinepinehia nei ki Faräni. Nö reira, kia hämata anake körari pupu, e mea nä roto ïa ki te hakapikipikihaga ki ruga ki te haga mätini takakë nö te tämähaga : te hakahugahuga könao, te hakahugahuga räkau, te täumi käuri... Hakahugahuga könao Titia Hakahugahuga räkau Nö te REHAB-6, kua tämatahia körari ravehaga äpï. Kauraka kia poi ki te haga mätini ki te vähi ravehaga ë ka fakahoki mai ai ki te ahiahi, kua karuke-roa-hia atu ma te vaïho atu rä körari tiaki. Nä te reira i fakarahi atu ki te haga hora ‘ohipa. Käore katoga atu ara hoki ïa te purümu nö te ava Kaki e kiro vave. Ki roto ki nä kävake ‘ohipa e geti, kua oti tä te REHAB-6 tumu ‘ohipa ë tae noa atu ki nä tuhaga henua AV9 ë AV13. Kua rave maitakihia nä tuhaga gärürua nei, kia kore te haga räkau viru tumu ko tei täpagohia ki te pëni kurakura nä mua ake e te haga vänaga nö te haga räkau tupu o te henua. Teie rä hoki, kua hakahugahugahia te gahere toe ë kua tukuhia atu ki ruga ki nä tuhaga henua nei te haga hugahuga räkau. AV12 : Räkau ë te hugahuga AV13 : Haga pou käuri AV13 : Gahere fakaherehere Page 5 Kua rahi te itoito i pau nö te ravehaga ki te tuhaga AV13. Ki te tau o te CEP, e vähi tanuhaga parapara te reira. E mea rahi roa ïa te haga käuri i kitehia mai ë ko tei kiritihia. Kia oti ki te mäitihia, kua täumihakakorereka-hia ë kua tukuhia atu ki ruga ki te uähu LOUARN, ka tiaki noa atu ai ki te fakarevahaga nä ruga ki te pahï ki Ätia nö te hakamaitakihakahou-haga. Täumi käuri Vaiga käuri täumihia Haga käuri mäitihia Te tuhaga AV9 o te tagata, kua fakahokihia ïa ki töna haga fatu ë kua hämata koia ki te fakataogahia – (Cf. ‘ïrava p.12). Kua hakaviruhia ë kua hakatoreuhia atu rä hoki te tuhaga AS5. Kua fakatakahia te reira pae nö te vaiga ki te haga taoga hakahugahugahia nö ruga mai ki te haga patu tïmä tahito e vai ara ki ruga ki te haga tuhaga henua. E ite hakapukega taoga huru rau ko tei karukehia atu nä te nünaga ki ruga ki teie tuhaga, ki te pae purümu. Kia au ki te anihaga a te oire, e karukehia atu ïa körari puke taoga huru hugahuga atu ä (0-20) ki ruga ki te tuhaga AM 8 (henua Moka, pae höpaki), tei piri atu ki te fare uira Poerani. Nö töna pirihaga atu ki te oire, e mea göhie ïa nö te tagata kia haere mai e toki ki te haga taoga e hinagarohia e rätou. E käputunoa-hia ä te reira hakapukega taoga kia haere pau ki te tagata. Te hakapukega räkau hakahugahugahia e vai ara ki ruga ki te tuhaga AM8, kua karuke-katoga-hia atu te reira nä te oire ë te nünaga. Haga taoga hakahugahugahia tei karukehia atu nä te tagata ki ruga ki te tuhaga AS5 Ki muri ake ki nä kävake ‘ohipa e 4 ka hope ai tä rätou ‘ohipa, kua karuke mai te haga käefa ë te haga vahine nö te REHAB-6 ki te ‘ohipa nä tö rätou haga hoa nö te fakaueahaga 7, REHAB-7, ko tei tae mai nö te rave ä ki te tämähaga, mai te kävake mäti ë tae atu ki te kävake tiurai 2011. E haga tino teie nö roto ki te nuku 13 a te Génie nö VALDAHON, ko tei tauturuhia atu e te pupu Génie nö Istres, piri ki te oire Marseille. Te täpena Geoffroy DE GOESBRIAND nö te nuku Génie 19 nö Besançon ko te fakatere ki te pupu Génie nö te tämä ki te motu o Hao, nümera 6 (REHAB-6). Page 6 KA HENE KÄVAKE KI TEIE NEI ! « Te hakamanako ara koutou, ki roto ki te nümero 4 nö Te Reo, ki te kävake titema 2010 ra, kua fakakite atu vau kia aku nei kia koutou ki te näköhaga ë « Körari tagata tae hou mai ki te Henua ». Koia mau, ka hene kävake vau ki teie nei ki te taehaga ki väegapü kia koutou ë ka hene kävake vau ki teie nei ki te mänavahaga atu kia Eric SACHER täne, te tävanahau äpï nö te pae Tuämotu-Magareva, ko täku i fakakite atu ki te haga ‘ohipa nö te tämähaga e ravehia ara te haga taiete ë te pupu a te nuku Gënie. Kua rave kämui tätou ki te ‘ohipa ki ruga ki teie köpuahaga toreu nö te tämähaga ki teie henua viruviru ! E mea rahi hoki te haga köpuahaga i oti ki te rave-kämui-hia e te haga fakahau ë te haga Mäori, të vai atu ara ä ko te ravehia, ko täku ïa e koakoa nei. Kua tuku vau ki te fakararehaga kia koutou ki mua roa ki roto ki te haga färereihaga ki te tävana ë täna apooraa oire, ma te kore i garohia te haga tagata katoga nö roto ki te haga pupu ‘ohipa, ko tei pähono mai ki täku haga uihaga, ko te tagata faräni. Kua huri atu ra ïa körari kapi parau o töku nei tere ki Pörïnëtia ki te vä koutou ka käroe ai ki teie nei haga ïrava, e vai noa rä koutou ki roto ki töku gäkau ! Te täpago geti Antoine BOURDE, ko tei tae mai ki te 23 nö mäti nö te mono kia aku, kua tae roa mai ïa koia ki ruga ki tö koutou motu ki te 29 nö mäti. Të poroki atu nei au kia ia ki te reko turu kia manuia teie fakaueahaga toreu nö te tämähaga ki te motu nö Hao. Mänava täpago geti, nänä tömänä ! » Tömänä Gérard LORBER Te haga ‘ohipa e ravehia e te pupu REHAB-7 : Gake, Faratahi, tura tahito… f Takakë noa atu te rave-noa-haga ki te ‘ohipa ki tahiki ki te ava Kaki, nä te pupu fakahau e vai ara ki teie nei e rave ki te tämähaga ki te haga motu Gake ë Faratahi. Nä te haga tere fakaineine i fakakite mai ki te huru o te haga ‘ohipa e ravehia ë te haga huru ravehaga e au nö te ätea ko nä motu nei. Gake ë Faratahi, kua patuhia ïa ki reira körari pou hakapagohaga ë körari fare higohaga aroragi. Te haga ‘ohipa e ravehia, ko te tüparuhaga ïa ki te haga patu tïmä o te haga pou haru reko ë te kohihaga mai ki te Haga äfata uira ki Gake haga äfata uira. Hau atu, ki teie haga hana, e hakamaitaki körari pupu fakahau ki te haga tikahaga tahito o te käuri komo a te CEP e vai ara ki te oire ki te pae tua. Tura komo tahito ë te fare täpiri Tei hea te haga tuatäpapahaga nö te nätura Te pupu nä ana e rave ki te haga tuatäpapahaga, koia hoki nä piha tuatäpapa nö Pörïnëtia (Pae Tai Pae Uta) ë nö Faräni (Sogreah Magelis), e rave hakahou koia ki te higoviruhaga kia pago päpü ki te fäito o te vikiviki e töna huru ë te hakapäpühaga hau atu ki te haga rävega e au kia rave nö te tämahaga ë nö te fakahokihaga ki te henua ki töna huru mätämua ma te hipa atu ki te huru o te motu o Hao ë te haga fifi e viru e färereihia ki reira. E hope paha teie haga tuatäpahaga hau ki te hopega matahiti 2011. TEREHAGA O TE HAGA ‘OHIPA I HÖ- Page 7 ROGAHIA KI TE HAGA TAIETE Te haga ‘ohipa e tïtauhia te kite ihi, käore rä te haga parau takakë, e hörogahia te reira ki te haga taiete ihi. Nä mua, nö te tüparuhaga ïa ki te haga fare teitei ë te haga fare katoga e amianate, käore rä, e täpau tö roto. Ki muri ake, te tämähaga ravehaga fifi ake ki te haga fare ki te takeo (tämähaga ihoä rä ki te haga takeo töreu). Kua fätata rä hoki te reira haga tämähaga ki te oti (hipahaga, p.6). Nä te Pü nö te haga Fare a te Päruruhaga ki Papeete (DID-PPT) e höroga ki te reira haga ‘ohipa takakë ë nä ana katoga e taki ki te ravehaga. TE HAGA ‘OHIPA I OTI : Kua hämata te ‘ohipa ki te kömuahaga matahiti 2010 Ki te kömuahaga 2011, kua oti te ‘ohipa ki te kämuirarihaga a te haga taiete nö Pörïnëtia, JL Polynésie ë LPTS, ki te vähi i nohohia e te nuku 5 täupoko kuokuo, kua piri ki te 110 mirioni faräne i pau. E ravehia paha körari higoviruhaga ki te reira vähi ki teie haga hana ë te oire katoga o Hao, koia hoki te fatu o te haga tuhaga henua Tuakitakipo ë Moka, ki reira ïa e hakapäpühia atu ai te fakahokihia kia oti te ‘ohipa. Nohohaga nuku 5 TK hou te tämähaga Nohohaga nuku 5 TK i muri ake TE HAGA ‘OHIPA E RAVEHIA NEI : Te haga vähi i hämtahia ki te kävake tetepa 2010 Ka 6 kävake te hämatahagahia te haga ‘ohipa e te kämuirarihaga a te haga taiete nö Pörïnëtia JL Polynésie ë INTEROUTE nö te pae tauhaga manureva, te tuhaga tahito AMH ë te vähi ravehaga ‘ohipa a te CEP, tei rekokatoga-hia vähi CT/CID ki te pae toga o te oire. Kua fätata ki te 2 mïriä te moni nö te reira haga ‘ohipa ko te oti paha nä mua ake ki te tiurai 2011. Nö te ravehaga ki te reira nau mäkete ‘ohipa, kua ravehia mai ïa e te kämuirarihaga a te haga taiete nö Pörïnëtia JL Polynésie ë INTEROUTE, e 29 tagata nö te motu o Hao mai te hämatahaga mai te ‘ohipa. Page 8 Fare tahito tauhaga manureva nä mua ake ki te ‘ohipa Tauhaga manureva e ‘ohipahia ra kia hipahia mai nä te reva Pauroa te haga parapara nö ruga mai ki te haga tuhaga henua i ‘ohipahia, kua kohihia, kua mäitihia ë kua häponohia ki te ara nö te hakamaitaki hakahou. E tae hakahou mai körari pahï ki Hao ki te hopega o te kävake më 2011 nä roto ki te anihaga a te DID-PPT ; nä ana ïa e kiriti atu ki te haga käuri e käputuhia ki ruga ki te uähu Louarn, tö ruga mai ki te haga vähi i tüparuhia, tä te oire ë tä te nünaga katoga o Hao. Të hakamanakohia atu nei, kia mäitihia te haga parapara (mai te kiritihaga atu ki te hinu, te äfata uira, te haga uaua huira pereoo…) nä mua ake e poi atu ai ki ruga ki te uähu, ki te vähi i fakatakahia e te oire nö rätou. Vähi tikahaga o fare tahito tauhaga manureva ki muri ake ki te ‘ohipa Vähi ravehaga ‘ohipa nö te reva e ravehia ra te ‘ohipa Päruru törire tei färikihia mai e te nätura E hakapagohaga takakë të ravehia ki te paepae toau ki höpaki nö te tüparuhaga ki te uähu ë nö te kohihaga mai ki te haga parapara, ki ruga ki te fäito 10 mëtera ki vaho ki te toau. Kia hämata anake te ‘ohipa, e tukuhia atu körari rävega nö te päruru ki te haga parapara kökorereka kia kore rätou e purara atu ki roto ki te toau. TE PGA, NÖ TE AHA ? Page 9 Ki te 30 nö tenuare ki hope ake nei, kua hakapäpü mai te Apooraa oire o Hao ki töna manako kia rave-noa-hia ä te haga tuatäpapahaga nö te fakaineinehaga ki te Täpura Fakanahohaga Nui (PGA) nö te oire. Nö te hakamanuia ki te reira anihaga, kua rave te Apooraa e te haga Fakaterehau, ki te 23 nö mäti 2011, körari parau mana kia ravehia te haga tuatäpapahaga nö te Täpura Fakanahohaga Nui nö Hao. E aha te PGA ? Te tumu o te PGA, te hörogahaga ïa ki te oire körari parau fakaineinehaga, kia viru koia kia fakanaho mai ë kia rave päpü ki te hakamaitakihaga tagata ë te terehaga faufaa nö teie haga matahiti ki mua. E mea rahi te taoga e roaka mai ki roto ki teie parau. E tauturu koia ki feiä mäitihia nö te motu kia fakatere ki te oire, ma te höroga atu ki te koa ki te nünaga nö te haga mea e hinagarohia ara e te tagata. E pähonohaga vave teie nö ruga ki te haga köpuahaga i täpurahia. Nä ana e päruru kia kore te haga köpuahaga rü ë tano kore e hakafifi mai ki te köpuapahaga ki ruga te tuhaga henua ki muri ake. Nä ana katoga e höroga mai ki te nünaga ki te ferurihaga ki ruga ki te haga mea e rave takirari e rätou nö te tere maitakihaga o tö rätou orahaga kämui. Nähea töna terehaga ? Te fakaineinehaga ki te PGA Kua hakamauhia körari tömite fakanahohaga nö te motu iho, ko tei peretitenihia e te Tävana, nä ana ïa e taki ki te haga tuatäpapahaga ë fakaauhaga ki roto ki te nünaga ë te haga pü ‘ohipa a te Hau-Henua ë te Hau-Nui. Tei roto pauroa te haga mero o te apooraa oire ki te tömite, koia katoga te haga tika o te Hau-Henua ë te Hau-Nui, te haga fakatere pü hakapikihaga ë te haga fakatere o te haga kämuirarihaga töreu. E mea rahi hoki te tuhaga o te haga tuatäpapahaga : te higoviruhaga, te auraga o te haga fä a te oire ë te köpuahaga nö te PGA. Te geti o te tuhaga, ko te mea toreu ïa, ko te rave-kämui -haga ïa te vänaga o te hakaviruviru henua ë te haga mero o te tömite o te motu nö köpuahaga PGA (haga hoho’a ë te ture). Nä te haga hoho’a e fakakite mai : - te tuhahaga ki te henua ei haga tuhaga hakaviruhia, te haga tuhaga ki te oire ë te haga tuhaga e vai nätura noa; - te rënihaga i manakohia nö te haga purümu toreu e vaïho, e taui, käore rä e haga ; - te haga vähi i fakatakahia nö haga fare huru rau, te haga fare nohohaga tötiare, te haga fare e hinagarohia nö te maitaki o te nünaga ë te haga vähi e haere-kamuihia e te nünaga ; - te fakakitehaga ki te haga vähi nätura e vaïho, e hakamaitaki, käore rä e aupuru ; Te papa ture, e hakapäpü mai nei koia ki te haga ture nö te faka’ohipahaga ki te henua. E viru koia e köpani kia patuhia ki ruga ë e fakakite mai koia ki te haga patuhaga a te hau e rave nä mua. Tehigoviruhaga ë te haga fä Te higoviruhaga ki te huru o te oire, kua ravehia mai te reira ki te matahiti 2009 e te vänaga hakaviruviru henua, ko Louis Laborde. E mea rahi te haga fifi i kitehia, nö te nünaga iho ë nö te terehaga faufaa. Ki muri ake ki te higoviruhaga, kua fakakite mai te apooraa oire ki te haga fä nö te fakanahohaga ë nö te hakamaitakihaga ko täna e hinagaro ara kia ravehia : - fakatupuhaga ki te haga ‘ohipa ki ruga ki te motu ; - te hakamaitakihaga ki te haga henua e mea viru nö te tanuhaga räkau ; - te hakamaitakihaga ki te orahaga ë te nohohaga tagata ; - te ferurihaga nö ruga ki te haga ‘ati nätura ë te haga ‘ati nö roto mai ki te haga mätini uira o te tau o te C.E.P. E parau teie e viru e hakamaitaki Te hakamanahaga ki te PGA Ki muri ake ki te mätutuhagahia e te apooraa oire, kua poihia atu teie köpuahaga PGA ki mua ki te Tömite e Fakanaho ki te henua, kia hakamanahia mai e te HauHenua. Ki muri mai, e tukuhia atu koia ki roto ki te tïtorotorohaga nünaga, kia färiki mai ki te nünaga o Hao. Kia oti te hakamanahaga hopega a apooraa oire, e hämata ïa te PGA nä roto ki te parau mana a Apooraa a te haga Fakaterehau. E mea tere vave te ao nei. Kauraka te PGA kia riro ei parau e kore e viru e taui, kia viru rä koia kia hakamaitakihia kia au ki te terehaga tötiare ë te faufaa. Kua manakohia ïa e taui kia ana, ki te geti matahi katoga. KÖRARI PÖITO KÄPUTU PARU (DCP) TEI TÜTAUHIA KI TUA KI HAO… Ki te 21 nö titema i hope ake nei, kua tuku atu te Pü Ravakai (SPE) körari pöito käputu paru (DCP) ki Hao. E 2 maire te ätea (3, 7 km) ki te pae tokerau -raro ki te köutu « Opotiki », kia au ki te anihaga a Tony Foster, tagata tautai piri henua nä tua ki te motu. Kua tütauhia koia ki te höhonuhaga 1.290 mëtera. Te roahaga o te taura, e 1.450 mëtera ïa kia viru te pöito kia ätea atu ki te fäito 1.000 mëtera ki te hiti. Page 10 Te haga nümera nö te vaiga o te pöito käputu paru DCP: latitude 18°03,00’ S longitude 141°05,00’ W Te fakakitehaga ki te vaiga o te DCP o Hao Kua tupu viru teie haga nä roto ki te tauturu a te oire, koia tei höroga mai ki täna paepae ë te haga rave ‘ohipa ë te haga tagata tautai hoki ko tei haere atu e tauturu ki te pupu a te Pü Ravakai SPE ki te haga hana katoga nö hakamauhaga ki te pöito DCP. … kua rahi te paru e te viru katoga hoki Ki muri ake e 3 kävake ki te tämauhagahia, ë ki roto ki haga tere e 58 ki tahiki ki te pöito DCP, kua roaka mai ïa ki nä tagata ravakai e 4 o te motu, e ite o rätou e parau fakatika tä räua, ki te tautai mai 10 tane paru, koia hoki e 4,3 mirioni faräne. Nä teie täpura e fakakite mai ki te haga nümera. Te äfahaga o te moni paru i roaka, nö roto mai ïa ki te tautai türaro ki ruga noa rä ki te fäito ¼ o te kiro paru i tautaihia, nö te moni viru hoki ïa o te paru türarohia (tautai pöito). Körari nau ture kia tautai anake ki tahiki ki te pöito DCP Kia kore te haga taura tütau o te pöito DCP kia kiro ki te haga taura tautai a te tagata, e köpanihia kia täkai atu te poti ki ruga ki te pöito ë kia ravakai ki te tautai täpöito ë te pütö ki te äteahaga 100 mëtera ki te pöito DCP (ture n°1661/ CM nö te 4 nö titema 2000). E aha te pöito DCP hagihagi? Page 11 E aha te pöito DCP hagihagi? Mai te haga tämatamatahaga mätämua i ravehia ki te matahiti 1981, kua riro te haga pöito DCP ei taoga fakahiehie nö te haga poti märara. Kua rahi atu tä rätou kakahi e roaka mai ki teie nei, koia katoga te moni, ë kua iti mai tö rätou pau nö te mörï, kua hau atu hoki ïa tä rätou äpï. E tämauhia te pöito DCP nä roto ki te anihaga a körari kämuirarihaga a te feiä tautai, käore rä a körari nünaga nö te hakamaragahaga ki te tautaihaga nä tua ki te haga motu ätea, e rävega katoga rä te reira nö te mono atu ki te itihaga mai te katiga akau ë tö höpaki ë nö te päruru ki te takeo paru. E geti tuhaga ki ruga ki te pötio DCP : - Te taura tütau, e mea rahi te huru taura nöna, koia të täkai o te pöito ë te könao tütau. - Te pöito ruga, e haga pöito ïa ko tei pänakihia ka tämau atu ai körari tira, näna e huti te taura tütau ki ruga ë näna e fakakite ki te tagata tautai te vaiga o te pöito. - Te könao tütau nö raro ki te höhonu, körari ïa tane töna toiau, käore rä e haga könao kökorereka ki te fäito 100 kiro, näna e täpega ki te pöito DCP. Të manakohia ara, nä te pöito tika e fakahaere mai ki te kakahi, nö te hakamaitakihaga atu rä, kua tämauhia körari kope ki te höhonuhaga 15 mëtera ki raro ake ki te pänakihaga pöito. E riro koia ei käruru nö te haga tororiro paru ko te täpapahia e te haga paru töreu mai te kakahi, te kauhopu, te päre/röroa ë te mahimahi, ko rätou hoki ïa te täpapahia e haga paru töreureu atu mai aku ë te mago. E aha te kämuirarihaga ? Te kämuirarihaga, mai te huru taiete koia e tere ki ruga ki te kämuihaga atu te haga tagata ki roto. Töna tumu, të fakaterehaga viru ïa ki te terehaga moni a töna haga mero, nä roto ki te kämuihaga ki te haga rävega fakahotu, käore rä nä roto ki te hokohaga mai, käore rä ki te hokohaga atu ki te taoga nä vaho mai ki te terehaga hoko taoga. E mea göhie ake kia taui körari taiete o te ture mätauhia ei kämuirarihaga kia taui kia ana ei taiete. Käore e köperehaga ki te äpï. E fänako rä paha te haga mero körari hakamäuruuru, käore rä fakahokihaga nö te mea ë kua roaka te äpï. Nö te tautaihaga Te tumu o te kämuirarihaga nö te moana, te ravehaga mai ïa nä te haga pahï tautai ki te haga mea e hoko mai. Nä roto ki te kämuihaga ki te haga rägeva, e mea göhie roa ïa nö te feiä ravakai tumu ki te hoko mai ki te karainu, käore rä ki te haga taoga tautai. E viru katoga te kämuiraihaga e hoko atu ki te tagata ë ki te haga rätere horo-moana körari nau hagahaga tautai, te taura, te kahu nö te toau, te täpuru-vaevae… KUA HÄMATA TE FAKAÄPÏHAGA KI TE HAGA URU HAKARI. Page 12 Te kämuirarihaga TE HOTU NÖ HAOROAGAI, e 20 fatu henua tö roto, ko rätou ko tei hinagaro e fakaäpï ki te haga uru hakari ki ruga ki tö rätou haga tuhaga henua. Ki te hopega matahiti, kua roaka e 6 tagata CPIA ko tei hakapikipikihia e te Pü hakamaitakihaga matakeinaga nö te hakamauhaga körari hakananahaga gora, ki ruga körari henua ki te pae toga o te oire. Nö te tere fakaati o te Hau-Henua ë te Hau-Nui, kua hämata ko Joséphine TEHAE, te peretiteni o te kämuirarihaga, ë töna haga mero körari köpuahaga e tanu ki te hakari ki te ava Kaki, ki ruga e ite tuhaga henua o te tagata ko tei hakaviruhia ake nei ë ko tei fakahokihia, ki te taehaga mai te Tomitera-Teitei, ki te 26 nö tenuare i hope ake nei. Nö reira, ki te 2 nö mäti i hope ake nei, te pupu i tere mai, te fakatere o te pupu a te Génie ki Hao, te tävana ë täna apooraa oire, kua fakatupu rätou körari färereihaga nö te tanu ki te haga nana mätämua. Ko teie ïa körari o te haga köpuahaga i täpurahia ko tei tupu nö te tauihaga terehaga faufaa o te motu. E hakapoupou ïa ki teie kämuirarihaga itoito ë te haga hakaganaganataehaga rau kia manuia ihoä täna köpuahaga. Hao ë te pühä – Kua kite änei koutou ? - 122 tane pühä tei roaka mai ki te matahiti 2010, koia hoki 15 mirioni farane pätitifa, e 29% ïa te topahaga ki raro ki te matahiti 2009. - Te fakaäpïhaga ki te uru hakari, të tere nei ïa ki ruga ki te 30 tä henua ki te matahiti. Te fä a te SDR ko te tanuhaga ïa e 80 ake tä henua. TE FAKANAHOHAGA NÖ TE HAGA PARAPARA GUTUÄFARE NÖ HAO TUHAGA MÄTÄ MUA : TE MÄITIHAGA! MÄITIHAGA KI TE HAGA Kua hämata te oire ki te köpuahaga ko tei rekohia ë : «Kömuahaga ki te fakanahohaga nö te haga parapara gutuäfare ». - te hämatahaga ki te mäiti, koia hoki te kohihaga ki te haga parapara gutuäfare takakë, käore rä te mänu takeo (könao uira, äfata uira, hinu höpere…) ë körari nau parapara e viru ä e hakamaitaki, -te hakamaitakihaga ki te kohihaga ki te haga parapara gutuäfare, -te hakamauhaga körari vähi käputuhaga parapara, -te hakamaitakihaga ki te haga vaiga parapara a te oire. Kua oti te haga huru köpuahaga ki ruga ki tö Papeete ko te kore e tano ra nö Hao. Nö te fakatanohaga ki te köpuahaga ki ruga ki te haga mänu e au nö Hao, e mea tika kia kitehia atu te rahihaga parapara e roaka mai ë e aha tö roto ki te haga tura parapara a te tagata. Nö reira, mai te 8 nö eperera, e hämata te oire ki te rave ki te fakanahohaga e mäiti ki te haga parapara ki roto ki te maorohaga e ite kävake. Te tumu, kia kitehia atu te huru o te haga peu mätauhia nö ruga ki te haga parapara gutuäfare. d PARAPARA TUATÄPAPAHAGA NÖ TE FAKANAKOHAGA KÖPUAHAGA NÖ HAO TE HAGA ‘OHIPA Fare CET Vaiga parapara Hakamaitakihaga ki te haga höperega parapara Mai tei mätauhia, e haere atu te haga tagata ‘ohipa a te oire e toki ki tä koutou haga parapara, e mäiti rätou körari nau pereoo nö te fakataka ki te haga huru parapara ko tä rätou e fäito ka poi atu ai ki te vaiga parapara. Ki reira ïa e kitehia ai te rahihaga ë te haga huru parapara e roaka mai ki Hao. s Nö reira, kauraka e taui vave ki tä koutou haga peu i mätau ! Mäuruuru nö tö koutou turuhaga mai ë nö tö koutou haka-koro-maki. Vaiga parapara a te oire TUATÄPAPAHAGA NÖ TE KÖPAPE O TE AVA O HAO Page 13 Të tere noa ara ä te tuatäpapahaga nö te köpape o te ava Kaki ki Hao. Teie köpuahaga e ravehia nei e Ifremer, kua turuhia mai koia e te Hau-Nui (ADEME), te Hau-Henua ë te oire nö Hao, nö te fäitohaga ïa ki püai köpape ki te motu. Mai te tütauhagahia atu körari taoga ki te kävake tiunu 2010 nö te fäito ki te köpape, kua tupu ïa e geti tere hau atu nö te pupu Uira Toau Fakaäpï noa a te pü Ifremer nö Patitifa, ko tei turuhia mai e te oire o Hao. Kua tupu ïa teie haga tere ki roto ki te tau kirokiro o te reva, kua roaka mai rä körari kite ë te fakakitehaga ki te huru o te püai köpape o te ava Kaki ko tei tui töna rogo. Te haga mea mätämua i kitehia mai ki te hopega nö atopa 2010, ki te pae höpaki ki mua ake ki te ava, kua kitehia ïa te püai nui o te köpape tua ë te tüpakihaga Garu/Kare/Köpape püai roa ko te taui ara ki te keka terehaga ë te teitei hoki o te garu. Mai reira mai, kua hope ïa te fakanahohaga i ferurihia ë kua ravehia mai te haga nümera mätämua ki te kävake fepuare 2011, ki roto ki te tere hopega ki te motu o Hao. Ki te reira nau hana ki ruga ki te henua, e ‘ohipa viru ë te vitiviti ko tei oti, nö te viru o te hana ë nö te maitaki o te fakanahoga o nä pupu e ite nei, te Ifremer ë te oire. Te haga mea i ravehia : të hutihaga mai ki ruga ki te haga rävega fäito, te ravehaga mai ki te haga nümera i roaka, te horohoroihaga ë te hakaviruhaga ki te haga taoga, te tärena-hakahou-haga ë te tuku-hakahouhaga atu ki nä faito-köpape e ite. Ki roto ki te ite o te tere, kua tämauhia atu körari fäitoköpape hau atu ki te viru ki vaegapü ki te ava. Ki teie nei, të ravehia nei te tuatäpapahaga ki te haga nümera i roaka mai ki Tahiti iti. Te tere-hakahou-haga ki Hao, kua manakohia ïa ki te kävake tiunu 2011 ë nä ana e fakahope ki te tau nö te haga fäitohaga matahiti i ferurihia… e hipa ïa äkuanei ! TÄRANIHAGA UIRA… TE HAGA RÄVEGA GÖHIE Page 14 ! Nä mua ake e rave mai ai ki te uira ito nätura, të vai nei te haga rävega göhie e au kia rave nö te tärani ki te uira ki te gutuäfare. Ëie körari haga rävega e viru kia rave nö te fakaiti mai ki te moni uira. Ka tühiga roa ki te haga taoga ki ruga ki te uira tiaki Ka tühiga ki te uira tiaki o te haga taoga uira Hi-Fi, roro uira, äfata teata… ko tei tämauhia ki ruga ki te türei pätiahaga rau. Kia kama anake te möri hakakite, käore rä e kite-noa-hia ä te hora, të kai noa ara ïa teie haga taoga ki te uira : äfata teata, fakatere DVD, fakaheva pehe Hi-Fi, te kimi rëni TV, te äfata nö te tahua uira… Mai te reira katoga tö te roro uira : noa atu kua tühigahia koia ë të vai noa ara rä ki ruga iho ki töna pätiahaga, e kai noa ä koia ki te uira. Körari taoga ko tei patahia töna uira tiaki, körari fäito uira täna e kai ki te 4 hora ë kia fakaterehia anake koia körari hora. > Rävega tärani : Kia kore teie haga taoga uira e kai, käore atu e rävega ko te kiritihaga mai ïa kia rätou ki ruga tö rätou pätiahaga, käore ara ki ruga ki te türei pätiahaga. Kauraka e karuke ki tä koutou haga taoga uira kia vai kama noa käore ara ki ruga ki te uira tiaki Të hinagaro ara koe e hakatere korari taoga, ka tühiga ïa kia oti anake. Hakaiti te ahu ki roto ki tö u fare Ka rave ki te haga rävega viru e kore pau Kia vai haumärü tö u fare, ka huti ki te päruru kia hiti te hana ki ruga ki te hakamäramarama. Kia ruki anake, ka kiriti te haga hakamäramarama ë ka karuke ki te matagi kia turaki atu ki te ahu e vai ara ki roto ki te papaki, te tahua… Kia iti te ahu mai roto mai ki te fare Te haga mätini nö te gutuäfare ë te haga mörï e höroga mai rätou ki te ahu. Ka rave ïa ki te haga taoga uira kai kore, mai te fäito A ë te A+, te haga äfata hakatoketoke katiga ë te hakapakari katiga ihoä rä ë te haga mörï kai iti (e 8 taime te iti ki te haga mörï mätauhia). Kua hakaiti mai ïa koe ki te ahu ë kua hakahagihagi ki tä u moni uira. > Rävega tärani: Hakaiti ki te pau uira nö te hakatoketoke e 3 ë hau atu nä roto ki te hokohaga mai ki te hakatoketoke katiga, käore ara ki te hakapakari katiga fäito A, A+ e tae noa atu ki te A++ ki ruga ki te täreta uira. Ka fakaätea ki tä u haga äfata hakatoketoke ki te haga vähi ahu Ka tuku kia rätou ki te vähi ätea ki te umu ë ki te hana. Kauraka kia vai matara maoro te köpani, ë kauraka e tuku atu te katiga veravera ki roto. Te täreta mana : te täreta uira Të vai nei teie täreta ki ruga ki te haga äfata hakatoketoke katiga, hakapakari katiga, mätini pu’a kahu, hakageragera kahu, umu uira, hakahaumärü ë te haga mörï uira. E hakakite mai koia e aha te mätini kai uira ë te mea kai iti mai. E hakakite katoga mai koia ki te huru maitaki ko teie taoga. Te fäito A, koia të hakakite mai ara ki te haga taoga viru ake ko te kore e kai rahi ki te uira. Ki Pörïnëtia faräni, kua fakahëpö te parau mana 27/CM nö te 7 nö tenuare 2008 kia täpirihia ihoä koia ki ruga ki te rahihaga o te haga taoga uira gutuäfare äpï e hokohia ara… kauraka e täika ki te ani atu ki te fare toa ! www.ademe.fr, [email protected]—BP 115 - 98 713 Papeete—Tél : 468.515 TE KAPI NÖ TA TAKERE Page 15 E reko teie nö Haoroagai E moe näku e moe ki te ruki Kua kite au ki nä torea poi veka a Munanui E poroki tä raua kiäku te tama o te henua Teie taua poroki ra : Ki te pae apatoga nö Haoroagai E ki te tau ko tö tätou haga mätuatua Vainono te ‘oire Henua viru käkano e te ruperupe Vahi tikahaga nö Munanui te kaito nui A heke te tua Akega Akega motu korereka Haerehaga nö te mokorea Ki te nohoraga tapairu A heke te tua Topitere Topitere motu viru Nohoraga nö Tematapaturuturuariki A heke te tua Pokara e horo roa i Nikau Nä motu ki te pae toga Keka nö te ariki Tuohea Te Ariki e maha nohi Te Ariki kai tagata Te Ariki ko tei reko e « Aku fare tukau aku matakeinaga te kiro Auë e ariki nui au ariki Tuohea nei Aku keka tei Onikau tei Opokara Kua mate ä ïa » A heke te tua ë Kaki Kaki te ava horohaga nö Tehuriga Te köpape huri akau E nö Marupua te köpape vaega Horohaga nö te haga paru e raverahi A heke te tua Tepa Ki te pae tikahaga ko te Rä Henua mai Ohava e tae atu ki Tikahiva Fakatarahia e te arikivahine rä ko Farepa Kia kite te uki i muri mai te huru o te henua E mea fakahiehie hoki Otepa tö tatou ia ‘oire ki teie hana A heke te tua Haviri Haviri te henua nohohia e Goiotuarehu Te tamaiti a Pikimaugatauruhua e Hinateanuanua Tuku atu ki tö vaka Rautini kia tere A heke te tua Vainono Ë kua kati tö tätou henua ki te terehia E korero hoki teie ei fakakitehaga ki teie tuauki Ki te reko ko tö tätou henua E henua viru henua ruperupe henua fakahiehie E ariki töna e käkai töna Nö reira e teie tuauki teie te poroki Ka poihere ki tö tätou henua Ka aupuru kiäna Ka reko ki töna reko E faufaga hoki teie nä tätou Ki vaihohia mai e tö tätou haga tupuna ARAKINO Christine - TANGI Manuera Hao, ātete 2008 Fakatara nö Tematakaurika Ko vau teie ko Tematakaurika Te-Vahine-Pöpömähinano Te vahine tei pepeamanu Ki ruga Tehakoro Fakatü taku fare tapairu Nohoraga mätua ruahine ki roto Rauira Ka tüpere, ka tüpere Oi ake te matagi ki te tai aehaga Kiritia te puta taku fare Ko Mähinateatakaruea Taku fare tuihaga ororiki Tuihaga poe kiva E mähorahaga ïa nö töku tähei veti Nöku nö Te-Vahine-Pöpömähinano Te vahine haere i te paparoa i Ohirihiri Haere ki töna keka roa Mätu ka haere Illustration « Mokorea » : Jean-Louis SAQUET Nau reko poto noa TERE FAKAATI O TE HAU, tauihaga terehaga faufaa ë hakamaitakihaga tagata Mai te 28 nö fepuare ë tae atu ki te 3 nö mäti, 17 tagata nö roto ki te haga pü ‘ohipa a te hau ko tei haere e färerei ki te nünaga kia viru te tagata takirari kia rave ki te haga köpuahaga ma te haere kore ki Tahiti, mai te hakamäramaramahaga nö te fakaterehaga ki te moni gutuäfare, nö te ture o te haga moni hoko, nö te haga ture ki roto ki te tagata tärahu ë te fatu fare… Kua viru ïa ki te haga pü ‘ohipa a te hau e tuatäpapa ki te haga hakamaitakihaga e rave nö te haga patuhaga huru rau ki ruga ki te motu. Nä teie tere fakaati i turaki ki te tauihaga terehaga faufaa : te ‘ohipahaga ë te kämuirarihaga Goio Tua Rehu nö te fare hokohaga paru, te tämauhaga ä ki te hakamau ki te ‘ohipa nö te haga taoga rave-reka-hia, te färereihaga ki te haga tagata e köpuahaga tä rätou, te fakanahohaga ki te haga köpuahaga e fakatika ki haga fare manihini ë nö te pae o te takere… Te tere noa ara te haga ‘ohipa nö te hakamaitakihaga tagata : fakaineinehaga ki te köpuahaga, te fakakorehaga ki te peu taparahi ki te gutuäfare, te hakapikihaga ki te haga tagata tiaki ki te fare hakapikihaga teitei ë te haga vähi e fakarare ai ki te haga fifi o te tamariki hakapiki ; ki te fare hakapikihaga : te tauturu ki te haga mäkui e fifi ara nö te hakapikihaga ki tä rätou tamariki. TE HAGA TÄVAI TAMARIKI HAKAPIKIMAITAKI-HIA Te hakapikihaga « Vahine tävai tamariki », e hämatahia ïa e te taiete API FORMATION ki te 18 nö eperera ki roto ki te fare MFR. Nö teie tuhaga mätämua, 12 tagata ko tei mäitihia mai nö te karuke atu ki te fäito au noa ë nö te hakapäpühaga ki ruga ki te fäito kite feruri ë te kite rave-roa -haga ki te ‘ohipa. E hope te reira ki te 8 nö tiurai ë e hakahope-roa-hia atu nä roto ki te hakapäpü-roa-haga ki ruga ki teie tikahaga. E TAE TE PÜ HAKAMAITAHAGA MATAKEINAGA KI HAO KI TE KÄVAKE EPERERA E tae ko Philippe TAPI, tika nö te SDR, ki Hao mai te 25 nö eperera ë tae atu ki te 2 nö më nö te higohaga ki te terehaga o te fakaäpïhaga ki te uru hakari ë nö te haere atu e färerei ki te haga tagata e köpuahaga tä rätou nö tanuhaga räkau ko te hinagaro ara kia hakamäramaramahia ë kia tauturuhia rätou. HIGOVIRUHAGA KI TE HAGA POTI Ë TÏTAUHAGA PARAU FAKATERE POTI KI TE KÄVAKE MË Te DPAM, Pü nö te tere moana, näna e kaufau nö te higoviruhaga ki te haga poti o te feiä tautai ko te ravehia e körari tagata higoviru mai te 2 ë tae atu ki te 3 nö teie kävake më. Ki te reira tere, e fakatupuhia körari tïtauhaga parau fakatere poti ki te 4 nö më. TAOGA RAVE-REKA-HIA, E TUHAGA MAITAKI KI HAO Ki teie hana, 17 tagata haga taoga reka e rave takirari nei ko tei täpurahia, körari o rätou e parau haga taoga reka täna, e 7 ko tei ani ki tä rätou. Te parau a te tagata haga taoga reka, e mea tïtauhia te reira nö te anihaga ki te tauturu : tärahu korereka (nö te hoko mätini), tauru moni (tauturu a te hau, moni fereti nö te häpono ki Papeete), hakapikihaga ë anihaga ki te CPIA. Të hinagaro ara koutou, të hinagaro ara ki te hakamäramaramahaga hau atu, ka haere atu ïa e fakakite ki tö koutou igoa ki te fare oire, käore ara ki te pü a te tävanahau henua CTG. KA HÄPONO KI TÄ KOUTOU HAGA TAOGA RAVE-REKA-HIA KI PAPEETE Mai te 25 nö novema e tae atu ki te 4 nö titema ki mua, e tupu ki te Fare Apooraa nö Pörïnëtia faräni te fakakitekitehaga mätämua a te haga Pa’umotu haga taoga TË FAKANAHO NEI TE KÄMUIRARIHAGA reka. GÖIO TUA REHU KIA ANA E fakanahohia mai teie fakakitekitehaga e Nö te fakaöhaga atu ki roto ki te fakaineine- Rosalie TU, peretiteni nö te kämuirarihaga haga ki te fare raveravehaga paru e patuhia nui o te haga taoga reka « Te vahine maraki ruga ki te uähu Louarn ë nö te fakainei- gai » nö Fakarava, ko tei turuhia e te Pü nö nehaga ki töna fakanahohaga, kua karuke- te taoga rave-reka-hia. hia e 3 tagata fakatere e te kämuirarihaga a te feiä tautai nö tua ë höpaki nö Hao- Ki roto ki töna tere, kua tako te TomiteraÄmanu « Göio Tua Rehu » ki ruga ki te Teitei e kiriti ki te käua o töna nohoraga nö haga nohohaga fakahiehie : körari fakakitekiteha takakë nä Hao. - Eric BIENAIME, fakatere nö te fare ravehaga ‘ohipa, koia te tika nö te haga raveha- Të hinagaro ara koutou, të hinagaro ara ki ga ihi, te hakamäramaramahaga hau atu, ka haere - Parua BUTCHER, fakatere rahi, koia te atu ïa e fakakite ki tö koutou igoa ki te fare oire, käore ara ki te pü a te tävanahau hetika nö te terehaga moni. - David KOHUEINUI, fakatere nö te hoko- nua CTG. haga, koia te tika nö hokohaga. E TERE TE FIFO KI HAO Nö te haga hakamäramaramahaga hau atu, e viru koutou e färerei atu ki te peretiteni o te kämuirarihaga, Tony FOSTER : niuniu 78 48 68 – rata uira [email protected] Mai te 22 e tae atu ki te 24 nö tetepa ki mua, e mea rahi te hoho’a viru a te FIFO ko te patahia nä nünaga o te motu e hinagaro e hipa. FAKAARAHAGA KI TE TAGATA KÄROE—Të hinagaro nei mätou kia kite ki tö koutou manako ! E haga manako tö koutou ara, käore rä, e haga uihaga, ka poro atu ki te Pü a te Tävana Hau Henua (Eric Deat) ki te nümera 50 22 75, käore rä, ki te Pü a te Tävana hau Nui (Laura Lacrampe) ki te nümera 46 86 09. Haut-commissariat de la République en PF Subdivision Administrative des îles Tuamotu Gambier BP 115 – 98713 Papeete Tel : 46 86 21 – Fax : 46 86 29 [email protected] Forces armées en Polynésie française BP : 9420 – 98715 Papeete Tel : 46 20 08 – Fax : 45 29 74 [email protected] Polynésie française Circonscription des îles Tuamotu-Gambier BP 4585 - 98713 Papeete Tel : 50 22 75 – Fax : 43 36 55 [email protected] Commune de Hao Tel : 97 03 83 – Fax : 93 50 01 [email protected] [email protected]