Yiesu yied Yiesu ŋ n u kua Magdala Mari

Commentaires

Transcription

Yiesu yied Yiesu ŋ n u kua Magdala Mari
Laabamann nba g MARK diɛn
16
Yiesu yied
(Matieog 28.1-8 ; Luk 24.1-12 ; San 20.1-10)
16
1
*Saaba n pend, g Magdala Mari yen Salome yen Mari
nba bo tie Saak naa daa kpam nba nu g man, g bu gad g
tien Yiesu gbannand po. 2 L fann laad daal siŋapanpan, k b gad
Yiesu kakul buol g sua g yendu daa do i. 3 Ban bo paa sɔnu po
yaa youg k b maad b ŋmiɛl n k nne : « Ŋmaa n daan bu bind
kakutann t po i ? »
4
B yed k ban diid nne, b sua k l tanciɛɔnŋ bind g dua siɛl
po. 5 K b kua kakul n g la g naasen kal b nuujendu g liɛ
gaalpieonŋ, g jiwaani kua’b. 6 K u maad’b : « Daa jie man.
I kpaan Nasarɛt Yiesu yaa aa ? Yua nba k b daan kpaa’ɔg
*dapunpɔnn po ii ? U yied o, u g be ne. Diid man, b daan bil’o
ne buol ne i. 7 Gad man g daan maad Piɛr yen u lieb nba tie
wano Yiesu *ŋuantieb, k u gaal liig g daan bu guul i kul Galile
; k l po i, k i bu la’ɔg nyan wan daan maad’i nand nyan. »
8
Lann i k b yam pud k b nyiɛ kakul buol g ji siɛn g jegl.
B bo g tuo g maad baa sua g dugn jiwaani bo kua’b bonciɛnn.
Yiesu ŋɔn u kua Magdala Mari
(Matieog 28.9-10 ; San 20.11-18)
[ 9 Yiesu n yied laad daal siŋaaɔg n, u kpiɛ g ŋɔn u kua
Magdala Mari i. Wano i k u bo bel g yaan *sanpola banlile nba
bo ŋua’ɔg. 10 Lann i k u gad g daan maad Yiesu yegni. L sua
Laabamann nba g MARK diɛn
16
k b kal yen pabɔnn g buud. 11 Wan maad’b g Yiesu yied o, k u
la’ɔg, baa sua g tuo k l tie mɔni.
Yiesu ŋɔn u kua u ŋuantieb
(Matieog 28.16-20 ; Luk 24.36-53 ; San 20.19-23 ; Tuona
1.3-11)
12
L po n pend, k u biɛ lebd u ninnaɔnŋ g ŋɔn u kua u
*ŋuantieb banle nba bo paa sɔnu po g saa doug. 13 Lann i k b
lebd g maad b lieb. K b biɛ l g tuo k l tie mɔni.
14
G Yiesu ji tan juod g ŋɔn u kua u ŋuantieb piig yen yend
ŋann. L bo sua k b di i. K u fu yen’m b kangbadm po, yen
*dindann n bo pɔd’b nyan po, k l maa niib n bo maad’b k u
yied, k b g tuo g gaal k l tie mɔni nyan po. 15 Lann i g maad
u ŋuantieb : « Gad man ŋanduna munn kul po, g muand niib
kul, n *Laabamann. 16 Yua nba tuo g gaal l maam, g *wul
nyum, u bu la *fielu. Ama yua yie g g gaal l maam, b tan bu
bu’ug g ŋmal u tubl. 17 Yab nba gaal n maam, ban saa naan kul
yaalidug tuona ne n baa suun : b baa biel *sanpola n sann po,
g maad mabuolfani n ninŋ, 18 g so wai, b gii nyuu nyɔgbiiug
l kan tien’m baa siɛl, b tu bu jaand g maan b nui yiɛnm po
k ban paag. »
19
Yonmdaan Yiesu n maad’b l bona kul g gbenn, k u duo
polu g kal Yendu jendu. 20 Lann i k u ŋuantieb gad g muand
Laabamann nba g MARK diɛn
16
Laabamann naan kul. B tuona n ninŋ Yonmdaan bo be yen’m,
g te k b tie yaalidug bona, k l ŋɔnŋ k u maam tie mɔni.]n
__________________________________________________
n
16.9-20 Kadacincina
nba be, yenn-nba g mɔg diɛnbid 9 g daan pund 20.

Documents pareils