2003 Exam – Question 13 (b) Celui jor chevaucha li rois vers les
Transcription
2003 Exam – Question 13 (b) Celui jor chevaucha li rois vers les
2003 Exam – Question 13 (b) 5 10 15 20 Celui jor chevaucha li rois vers les plains de Salesbieres au plus droit que il pot onques, comme cil qui bien savoit que en cele plaigne seroit la grant bataille mortex dont Merlins et li autre devineor avoient assez parlé. Quant li rois Artus fu entrez en la plaigne, il dist a ses gens qu’il se logaissent ilec, car ilec atendroit il Mordret; et il le firent ainsi com il le comanda; si se logerent en poi d’ore et apareillierent au muelz qu’il porent. Celui soir après souper s’ala li rois Artus esbatre aval la plaigne entre lui et l’arcevesque, et tant qu’il vindrent a une roche haute et dure; li rois regarda contremont la roche et vit qu’il i avoit letres entailliees. Il regarde maintenant l’arcevesque et li dist: «Sire, merveilles poez veoir; en ceste roche a letres qui i furent encisees lonc tens a; ore esgardez qu’eles dient.» Et cil regarde les letres qui disoient: EN CESTE PLAIGNE DOIT ESTE LA BATAILLE MORTEL PAR QUOI LI ROIAUMES DE LOGRES REMEINDRA ORFELINS. «Sire, fet il au roi, or sachiez qu’eles vuellent dire; se vos assemblez a Mordret, li roialmes en remeindra orfelins, car voi i morroiz ou vos seroiz navrez a mort; autrement n’en poez partir; et por ce que vos m’en creez mielz qu’en icest brief n’ait se verité non, je vous di que Merlins meïsmes escrist ces letres, ne en chose qu’il deist onques n’ot se verité non, comme cil qui estoit certains des choses qui estoient a avenir. – Sire, fet li rois Arus, g’en voi tant que, se ge ne fusse tant venuz avant, je retornasse, quel que talent que ge eüsse eü jusques ici. Mes or soit Jhesucrist en nostre aide, car ge n’en partirai jamés jusques a tant que Nostre Sires en ait donee enneur a moi ou a Mordret; et se il m’en meschiet, ce sera par mon pechié et par mon outrage, a ce que ge ai greigneur plenté de bons chevaliers que Mordrés n’a.» La Mort le roi Artu