Verteil
Transcription
Verteil
Jestatten: Mer sin dat Funken-Mariannsche un der Schäng Guevara. Un mer saare üch: Von Tünnes bis Tunesien Jeder Pappnas sing Revoluzzjohn! Jecke opjepass! Demokratie kütt nit von allein die müsse mer schon selver maache! Ob ‚arabischer Fröhling’, de ‚Empörte’ oder ‚Occupy’: Vun Tunis bes Madrid, vun New York bes Moskau, vun Tel Aviv bes Frankfurt, vun Kairo bes Kölle, - üvverall op der Welt sin in de letzte Monate de Minsche op Stroße un Plätz jetrocke. Klar, jede Jeck is anders – ävver mer han all dat selve jroße Ziel: mer hole uns de Demokratie zeröck, die uns in de letzte Johr und Johrzehnte jeklaut wodde ess – vun korrupte Diktatore jenauso wie vun Finanzmärkte, Banke, Lobbyiste, neoliberale Politiker un Ideologe. Vun dene fiese Sackjeseechter losse mer uns nix mieh jefalle! Wat han die uns nit all för Driss verzällt: „Für de Ärm isset dat Beste, wenn de Riesche immer noch riescher wede!“ „Wenn jede an sisch selvs denk, es an all jedaach!“ Und dat Bekloppteste: Zu all dem Stuss jööv et kein Alternativ. Jo sid ihr dann noch dicht? Wör dä Rest nit ärm, wört Ihr nit riesch. Et weed höchste Zick: Mer kloppe dat janze bekloppte Herrschafts- un Finanzsystem in die Tonn. Mer erlöse de ärm Riesche, die all unverschuldt am Existenzmaximum rumhummere vun ihrem Elend. Us ner asoziale Randgrupp von 0,01 % maache mer widder anständisch Mitglieder dä Jesellschaff. Loss mer luure no nem intellijentere Wäch, zosamme ze levve – un no nem bessere Weetschaffs- un Jesellschaffs-System. Un doför bruuche mer nit dä Finanzbedriss wie Investmentbanke, Weetschaftslobbyiste, Börsenhandel, Steueroase, Hedge Fonds.... Jenau su wenisch wie Armeen, transnationale Konzerne, Atomkraft, Geheimdienste, Sparpolitik, Braunkohlestrom, Klimaschänder.... Dat Einzije, wo et kein Alternativ zo jitt, es de Demokratie! Ür Funke-Mariannsche un ür Schäng Guevara P.S. Luur ens hee: www.G8-pappnasen.de Bänkers Feierlied Völkerdanz Do bess Grieche Kumm loss mer fiere, nit reguliere denn die Eurokris’, die hätt uns risch jemaht un dat Elend trifft nit uns, sondern die Grie-hi-schen, loss mer fiere op Bänkers Art. Diktatoren zittern üvverall Freiheit kütt mit enem jroße Knall Systemabsturz im freien Faaaaaall, ja wenn et Volk üvver Stroße un Plätze danz ja wenn et Volk üvver Stroße un Plätze danz. Un links eröm und rääschts eröm Ob Tunis, New York oder kölsch Links eröm, rääschts eröm Jeder föhlt sisch wohl he in dem Jemölsch Jalalalalalalalalalala Lalalalalalalalala Lalalalalalalala-la-laaaaaa ja wenn et Volk üvver Stroße un Plätze danz ja wenn et Volk üvver Stroße un Plätze danz. Üvverall weed endlich occupied Ühre Herrschaft ess Verjangeheit Maht üsch fott, et kütt en neue Zeit ja wenn et Volk üvver Stroße un Plätze danz ja wenn et Volk üvver Stroße un Plätze danz. Do bess däm Ackermann sing Sparschwein Do bess dat ärme Dier Do bess der Typ met drei Minijobs Oder met Hartz vier. (Melodie: Kumm loss mer fiere/Höhner) Kumm loss mer fiere un affkassiere jet Jeld un Macht dat hat noch keine Bank jeschaad und dat Merkel jeiht am Jängelband spazi-hi-re, loss mer fiere op Bänkers Art. Kumm loss mer fiere, nit lamentiere dä Steinbrück hätt all wider kritisch Schnüss jeschwaad doch wenn et änz weed, deiht er uns janz brav pari-hi-re, loss mer fiere op Bänkers Art loss mer fiere op Bänkers Art. (Melodie: Buuredanz/Bläck Fööss) (Melodie: do bess Kölle/Tommy Engel) Do bess och dä Studierte Dä kejne Job mieh kritt Do bes dä für desse Kinder Et kejne Chance jitt. Do bess dä mit desse Zokunft De Bänke löstisch zocke För de Börsekurse Weeste affjetrocke Do bess Grieche Ob de wells oder och nit Do bess Grieche Plattjemaaht för dä Profit Mir sin Grieche Dröm loss d’r nix verzälle Dat mir uns zänke – ess doch wat se welle!