Vischnaunca politica Vuorz

Vischnaunca politica Vuorz
Radunonza communala dils 10 da zercladur 2016
Presents:
Suprastonza communala, canzlist e giurist Frank Schuler
210 vischinas e vischins
1. Approbaziun dil protocol dalla radunonza communala dils 20-11-2015
Il protocol dalla davosa radunonza communala dils 20-11-2015 vegn approbaus unanimamein.
2. Projects da fusiun: Votaziun davart las duas variantas da fusiun
President communal Guido Dietrich beneventa tuttas vischinas e tuts vischins alla radunonza
communala dils 10 da zercladur 2016. Il punct central da questa radunonza communala, ei la
votaziun davart ils dus projects gia presentai a scret ad ina sera d’informaziun. A caschun da quella
votaziun vegn votau davart l’iniziativa (project da fusiun cun Glion) e la moziun (project da fusiun cun
Breil ed Andiast). En cass che omisduas variantas vegnan approbadas, dat ein ina damonda decisiva,
en quala il pievel sa decider tgeinina varianta ch’el favorisescha.
Il president communal informescha davart ils dus projects da fusiun ed explichescha la posiziun dalla
suprastonza communala, la quala cusseglia in’approbaziun dil project da fusiun cun Glion. Da la
pusseivladad da damondas e discussiun vegn fatg pauc diever. La votaziun succeda a scret cun cedels
da votar ch’ein vegni reparti ad ina controlla d’entrada.
Il biro electoral sefuorma ord la cumissiun da gestiun, 4 suprastonts ed il giurist Frank Schuler.
2.1 Votaziun davart la proposta/iniziativa (project da fusiun cun Glion)
Screts da votar reparti:
Screts vits:
GIE:
210
5
105
Screts da votar returnai:
Screts nunvaleivels:
NA:
210
0
100
2.2 Votaziun davart la cunterproposta/moziun (project da fusiun cun Breil ed Andiast)
Screts da votar reparti:
Screts vits:
GIE:
210
3
105
Screts da votar returnai:
Screts nunvaleivels:
NA:
210
0
102
2.3 Votaziun decisiva
Damai che la proposta sco era la cunterproposta ein vegnidas approbadas dil pievel, seresultescha
ord quei ina damonda decisisva.
Screts da votar reparti:
Screts vits:
Breil ed Andiast:
210
1
105
Screts da votar returnai:
Screts nunvaleivels:
Glion:
210
0
104
Sin fundament dalla votaziun decisiva ha la populaziun dalla vischnaunca da Vuorz approbau il
project da fusiun cun Breil ed Andiast, quei cun 105 vuschs per Breil ed Andiast encunter 104 vuschs
per Glion.
President communal Guido Dietrich informescha davart il resultat dalla vischnaunca d’Andiast, la
quala ha approbau il project da fusiun cun Breil cun 65 vuschs encunter 15 vuschs.
Finiziun dalla radunonza communala allas 21:45 uras.
Vuorz, ils 10-06-2016
Il president:
Igl actuar:
Guido Dietrich
Gian-Luca Lutz