Ayas_Dè dou ou vién lo non Vaticàn

Commentaires

Transcription

Ayas_Dè dou ou vién lo non Vaticàn
AYAS
Dè dou ou vién lo non Vaticàn ?
I vié tén lo Vaticàn l’éra lo non d’un col dè Romma, què ou sé
troa sou lâ dréit dou fleuve Tevere, en fatsa dou Campo Marzio è
a dréita dou Gianicolo.
L’éra un pocht mâsàn è umide, dou y éra dè tchamp vaco què y
alavon bén pè lardjà.
Pieu tart Agrippina l’a féit fa dè djardìn so li pénte pieu base dou
col è dè tén apres l’Empereur Nérón l’a féit bahtì un pitit cirque
prévà. La i son ichtà amatsà li premé martire crétién è l’apotre
Pière l’ét ichtà entérrà fran la.
Dé adonca lo col l’ét vénì un tsemetîère séa pè li payén, séa pè li
crétién, tanque y an entre lo 326 è 333 apré Jézù Cri, dé que
l’Empereur Costantèn l’a féi bahtì la preméra guîéje dédéà a Sén
Pière.
L’ét maque dé l’an 1870 què lo Sén Pare l’ichta ou Vaticàn. Ou
Moyén Adjo el l’ichtéi dén lo palè dou Latràn, è pieu tart en d’atre
palè romén, comme lo Quirinale, dou ou djor d’oûèi l’ichta lo
prézidàn dè la répeblécca.
Tiré de :
www.focus.it, juin 2002
Texte publié en 2008 sur « L'écho de nos montagnes » - Paroisse d’Ayas
Collaborateur d’Ayas pour la traduction : Michela Giuliano
La transcription a été soignée par le Guichet Linguistique
Mise à jour de la graphie : octobre 2013

Documents pareils