seigneurs du Puy du Fou transcription

Site Internet des Archives départementales de la Vendée, http://archives.vendee.fr/
Document commenté (décembre 2009)
Qui veut s’en prendre aux seigneurs du Puy du Fou ?
Lettre de Catherine de La Rochefoucauld à son cousin du Chastellier-Montbault, 13 août
1576 (Archives départementales de la Vendée, fonds de la Gaudinière, 123 J 5).
Transcription
Monsieur mon cousin
Monsieur du Chastellier Mombault
chevallier de l’ordre du roy
Monsieur mon cousin,
Il y a ung pauvre homme de Mallelièvre, [l. 2] nommé Gabriel Bichot, fort entien
serviteur de la maison du Puy du Fou, [3] qui est ce jourd’huy venu en ce lieu, ce plaindre à
moy des [4] menaces que journellement voz gens luy font de le [5] battre et tuer et que, pour
ce faire, ilz sont, par plusieurs [6] foys, allez jusques en sa maison le chercher et n’en bougent
tous [7] les jours, sans aulcune occasion ne mérite.
Et à ce que j’ay [8] peu entendre, n’est pour autre chose, sinon que pour avoir faict [9]
arrester, comme fermier de la prévosté dudict Mallelièvre, quelques [10] bœufz que on dict
estre à vous, ce que ledict pauvre homme [11] n’eust voullu faire ne entreprendre, quand on
luy en [12] eust faict apparoir par ung passeport, comme on a [13] de coustume faire. Et ayant
sceu certainement la vérité, [14] n’a faict aulcune difficulté de les rendre et mettre [15] entre
les mains de ceulx qui les luy ont demandez [16] de vostre part, et partant ne doibt, pour cest
effect, [17] ledict pauvre homme recepvoir aulcun desplaisir, [18] n’ayant faict ce que dessus
que pour garder et conserver [19] les droictz des seigneurs du Puy du Fou desquelz deppend
[20] ladicte prévosté.
Vous priant de, en ma faveur, faire [21] deffence à voz gens de ne luy faire desplaisir
[22] ou luy en faire faire par autres, ce que je ne vous [23] vouldroys aulcunement souffrir.
Je m’asseure aussi que [vous] [24] en seriez bien marry, quand ce ne seroyt mesmes [25] que
pour ce qu’il est, comme je vous ay dict, entien serviteur [26] de la maison du Puy du Fou. Et
si en autre endroict, [27] j’ay moyen de faire quelque chose pour vous [vue 2, l. 1] et les
vostres, je vous puys asseurer n’avoir en [2] ce monde, parente et amye, qui s’y employe de
[3] meilleure vollonté que moy qui, en cest endroict, me [4] voys résider humblement et de
bon cœur à voz [5] bonnes grâces.
Priant Dieu, [6] Monsieur mon cousin, vous donner, en bien bone [7] sancté, longue et
heureuse vye. Au Landreau [8], ce XIIIi[èsme] jour d’aoust 1576.
Votre humble couzyne
Katherine de La Rochefoucaut